تارجيني (تمن جزر ولحم) عراقي

المقادير:

رز بسمتي -
جزر مقطع مكعبات -
بصل -
لحم مقطع مكعبات -
زعفران -
كمون -
فلفل اسود -
نومي بصره-
بهارات الرز -
أو سبع بهار -
ملح - و زيت .

الطريقة:

نقلي اللحم المقطع و نسلقه بماء قليل
نفرم البصله و نقليها في مقلاه تكفي الجزر و اللحم
بعد ان يصبح البصل ذهبيا نضيف اليه اللحم و الجزر بعد ان نتخلص من ماءهما
نحرك الخليط على نار هادئه و نضيف اليه الملح و البهارات و النومي بصره المطحونه يمقدار قليل لتعطي بعض الحموضه فقط
نسلق الرز نصف سلقه
نصفيه من الماء ونعيده الي القدر و نضيف اليه الخليط السابق و نخلطهما برفق كي لا يتكسر الرز
اخيرا نصب الزعفران المحلول على الرز ولا نحركه
نغطي القدر و نضعه على نار عاليه لمده نصف دقيقه فقط كي لا يحترق ثم نضعه على اقل حراره لمده 20 دقيقه تقريبا ويفضل وضع حديده خاصه لطبخ التمن تعرف بالعراق باسم: المهدارة
هكذا نطبخ الرز بواسطه البخار
أخيرا نضع عليه القليل من الزيت و نخلطه
سترون ان بعض الارزات لونها اصفر صارخ و هذا بفضل الزعفران
يؤكل مع اللبن الرائب
*الروبة*
بالعافيه

اني بالنسبه اليه ع المقادير دخت لعد من تصير صدك وناكل شلون lol!

تقبلي مروري

تحياتي دمعة مسافر

الاخت العزيزة جروحة
يعني تصوري احنة صايمين ويجي واحد يشرحلك شلون يسوون هذا الطبق اللذيذ وهو يعرف مراح ابدا يضوكه حتى بالمستقبل القريب شراح يصير بيه هههههههه
شكرا جروحة وهسة راح اخابر امي ببغداد تسويه اليوم عالفطور مالتهم وياكلون ويدعولج وايضا يدعولنا بالفرج احنة زكرتية الخارج ولو بس اخونا تلكيفي مدبرها لانه هو شاطر جدا بالطبخ لكن احنة الله النه
تحياتي وتقبلي مروري

دمعة مسافر كتب:: اني بالنسبه اليه ع المقادير دخت لعد من تصير صدك وناكل شلون

تقبلي مروري

تحياتي دمعة مسافر

تسلم دمعة مساافر بس لو تجرب تسويه تره سهل مينرادله شي تحياتي وشكرا عالمروور

Human كتب:: الاخت العزيزة جروحة
يعني تصوري احنة صايمين ويجي واحد يشرحلك شلون يسوون هذا الطبق اللذيذ وهو يعرف مراح ابدا يضوكه حتى بالمستقبل القريب شراح يصير بيه هههههههه
شكرا جروحة وهسة راح اخابر امي ببغداد تسويه اليوم عالفطور مالتهم وياكلون ويدعولج وايضا يدعولنا بالفرج احنة زكرتية الخارج ولو بس اخونا تلكيفي مدبرها لانه هو شاطر جدا بالطبخ لكن احنة الله النه
تحياتي وتقبلي مروري

اخويه الغالي هيومن:

الله يحميلك الاهل ياارب ويجمع شملك بيهم ان شاء الله بس صدكًني مو صعب انك تحاول تسويه وعلى رأي امي اذا متحركًـ جدر متطبخ جدر يعني هاي هم حجه خاف تريد تسويه ومتردد لا يشيط التمن لا سويه واسمك حاولت Smile

اما تلكيفي فلا والف لا محد يكًدر يلحكًه ما شاء الله عين البارده عليه يتفنن بالطبخات والاكلات الروعه

تسلملي عالمرور المميز دوما Smile