حلاوة الجبن

الاخت العزيزة زمن
فعلا رجعتينا لايام سوريا وطعامها الطيب
اني ماكل هذا النوع من الحلاوة بسوريا وفعلا طيبة جدا لكن تدرين اني هسة عايش بالمنكطعة وهاي الشعوب متعرف شي اسمه حلاوة او حلويات مثل ماعدنا بالمجتمعات العربية يعني لما كنا بالعراق او بسوريا او حتى بمصر كنا نتدلل على هاي الانواع ونكول لا مالة ابوعفيف اطيب او حلويات الرباط بالمنصور اطيب لو كيك سلفانا بالكرادة اطيب لو زنود االست الحمداني ونقارن كل هالانواع مع مثلا الحلويات اللي بحمص او بحلب او بالقاهرة لكن هناية نقبل حتى حلاوة تمن او خبز بس اسمها حلاوة ههههه المهم نلكيها لعد تتوقعين هناية حلاوتهم المشهورة جدا هي لحم سمك مسلوق وعليه سكر وبهارات فانتي اتصوري تاكلين حلاوة بيها زفارة وريحة مال سمك هههههههه
عاشت ايدج اختنا الغالية زمن وتسلمين على اختياراتك للاطباق العربية وتحياتي وتقبلي مروري