مهند التركي ومهند العراقي للتسليه فقط

السلام عليكم

الموضوع للترفيه والضحك فقط والف مهند ما اقارنه باصغر عراقي شريف بس الموضوع للتسليه فقط



- مهند نور -



يرجع من الدوام من الشركة .. يروح لـ نور .. يبوس راسها .. وبحنان يحضنها .. اللـــــــــــــــــــه يا حلاتهم عصافير الجنة .. يقولها :



( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )



-مهند العراقي -


يرجع مهند العراقي من الدوام.. يروح لـ زوجته ..خلفته مكًلوبه ووجهه مكًلوب ولابس قناع الجينكو وضاربته الشمس محموس ع الاخير.. يدخل عليها لاسلام ولا كلام.. ينزع هدومه ويشمر كل قطعه بمكان عبالك ديفخخ البيت(من ريحتها الطيبه).. ويعلي المكيف واذا ع المولد يشغل المبرده واذا ماكو كهرباء يشغل السبلت(مهفه) هههههههههههههههههههههههه
ويكًول لزوجته :



( بسرعه صبي الغدا ميت جــــووووووووع.. ابو الشركه موتني اليوم الله يشيله! بسررررررررعه صبي الغدا ما تشوفيني تعبان واريد اكل وانخمد قبل ميصير بيه اغماء من شكلج ! )



.
.




- مهند نور -


نور حامل .. يا الله على الدلع ! خايف عليها من نسمة الهوا .. ويقولها :



( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )



- مهند العراقي -


مرت مهند العراقي حامل ! ومسكينه عود مثل النسوان متنسيه بـ تفاح اخضر .. يكًولها :



( اووووووووف !! شوفي لا تتنسين براسي !! تزقنبي تفاح احمر وانتي ساكته .. اله اخضر اخضر ! هو كله تفاح .. لا تتفلسفين علي
شلون لواكًه هاي )
اكلتي زهر مر


.
.





- مهند نور -


مهند طالع مع نور السوق .. يشترون لهم هدوم .. ودار الحوار التالي :



نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !



- مهند العراقي -


مهند العراقي طالع مع زوجته اللسوك .. ما دار بينهم حوار .. ليش ؟!
لان هو يمشي ليكدام
والمسكينه تركض ورا بس متلحك



وكل اللي كًالة ( فضيها جماعتي بلكًهوه ينتضروني ) !



.
.




- مهند نور -


كًام من النوم نص الليل .. ما شاف زوجته يمه .. جان يخاف .. راح يدورها .. ومن لكًاها بالمطبخ تشرب مي يكًوللها..

( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )



- مهند العراقي -


كًام من النوم نص الليل .. ما شاف زوجته يمه .. فتح الضوه .. كام يعيط××



( لج وينج بومة
.. ..
.. كنسر ان شاء الله(كنسر يعني سرطان ههههههههههههههههههه )
.. وينج انتتتتتتتي ؟؟!!
ثوله خليتي باب الغرفه مفتوح سنتمتر واحد .. وهوا المكيف كله طلع برا وصارت حـاااره
.. ما تحسين .
. دمج بارد ..
الله ياخذ اليوم اللي فكرت اخذج من اهلج فيه ) ههههههههههههههههههههههههههههههههههه
والله خطيه



.
.




- مهند نور-


قاعد يقرا كتاب .. وفجاه أجته نور .. لابسه فستان جديد .. وصار هالحوار ..



نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..



- مهند العراقي -


كاعد يتفرج لعبه الريال والبرشا مدريد وبرشلونه .. !
و زوجته فرحانته بلخركه الجديده اقصد الفستان الجديد ..تريده تشوفه .. مشت كدامه حته يشوف.. وصار هالحوار :



مهند العراقي : وخــــــــــــــــــــري شالج الله !
مدتشوفيني دااباوع اللعبه ؟!
الزوجه : حبيبي شبيك .. جنت اريدك تشوف الفستاان الجديد.. شنو رأيك ؟!
مهند العراقي : وهيج راح تخرب اللعبه وحركه رونالدينو مشفتها من وراج ..
الزوجه : هسه ميخالف شنو رأيك انته؟!
مهند العراقي : شنو هاي؟! وصله مسح ؟!
هو هذا هم لبس؟
لو لابسه كونيه هوايه احسن




تحياتي لكم ومثل ما كًلت الموضوع للتسليه فقط
__________________

موضوع جميل ومسلي كولش والله***********
من البدايه الى النهايه**** بس والله صح هذا الفرق واحلى فرق

ههههههههههههههههههه شيرين ااي هو مو فرق هو كارثه كونيه مصيبه والله

تسلمين عالمرور الروعه حياتي انتي