تصريحات حكوميه حول اسباب العجاج بالعراق

عاجــــــــــــــــــــــــــــــل

طرحت العاصفه الترابيه (المجهوله الهويه) المتكررة وراح اطلع روح الناس
مجموعه من التساؤلات…قام مجموعه من المسعووولين بالاجابه عنها بالرغم من وقتهم الضيق جدا جدا وكما يلي….

يقول مسؤول من وزاره الهجره
ان سبب العجه هو ان العراقيين ديرجعون (ركضا) الى العراق من الدول المجاوره . بعد تحسن الوضع الامني

وقال مسؤؤل من وزاره الااعمار
ان سبب العجه هو حمله الاعمار الفضيعه التي يمر بها العراق.واذا اتكولون وين اكو اعمار
فاكيد انتو مدا اتشووفون ناطحات السحاب بسبب هاي العجه المقرفه

وقال مسؤؤل من وزاره الثقافه
ان سبب العجه هو ازدهار الفنون الشعبيه في العراق .وخاصه ركصه الجوبي..التي سببت هذه العجه.

وقال مسؤؤل من وزاره الرياضه
اني سبب العجه هو تمرينات المنتخب على ضربات الدبل كيك..استعدادا لبيع المباريات القادمه للمنتخب.

وقال مسؤول من وزاره الدفاع
اني سبب العجه هو تجارب الاسلحه النوويه الجديده التي اخترعتها وزارته المبجله..والتي تسبب( بوخه)فقط
مع احتماليه حصول كحه مزمنه للي بيهم ربو

وقال مسؤؤل في وزاره الكهرباء
ماعرف سبب العجه بس المهم الكهرباء مراح تجيكم هل تلث تشهر بسبب هل العجه الملعونه..يعني احنا معلينه مو تحجون بعدين

وقال مسؤؤل من وزاره السياحه
ان سبب العجه هو التنظيف المتواصل (لزوالي) فندق الرشيد

وقال مسؤؤل من وزاره الصحه
نطلب من العراقيين عدم التنفس هذه الايام

وصرح مسؤؤل من وزاره الخارجيه
ياعجه يمعودين.ليش اكو عجه بلعراق ..اني صارلي اتلث سنين عايش بره ..بس استلم راتب.

وصرح مسؤؤل من وزاره الداخليه
عثرنا على مخبأ يحتوي على ميتين كرك وثمن ماسحات وعربانتين تك تاير. وكلاب لوري
وهذا يثبت ان هذه العجه محاوله يائسه من دول الجوار..
لدفن العراق..

وقال احد اعضاء البرلمان
ان سبب العجه النكت القديمه التي يلقيها الاعضاء اثناء الاحتماع

وصرح مسؤول اخر
(فضل عدم ذكر الجهه التي ينتمي اليها)
بابا هازا التراب يوزح ان مدينه كركوك زات اغلبيه كورديه..

وصرح مسؤؤل من امانه بغداد
ادري ياعيني...اكيد اتصير عجه...اذا منظفينا (يكنسون) بكل مكان.

وصرح مسؤؤل من البحث العلمي
ان سبب العجه هو الضغط الهوائي الذي سببه اطلاق مكوك فضائي عراقي .لااستكشاف امكانيه وجود حياه في منطقه الجوادر

اما مديريه المرور العامه...فقالت
ان سبب العجه...هو سباقات سيارات الرالي المثيره التي تشهدها شوارع بغداد

تصريحات حكوميه حول اسباب العجاج بالعراق 417152

تصريحات حكوميه حول اسباب العجاج بالعراق 417152

يما يما شو بقي لا هوا لا ماي لا صحه وتصرحات

تتلوها التصريحات عجاج وستبقي عجاج مدام تفكير

حكوماتنا برفع ارصدتها في البنوك الاروبيه

تحياتي جروحه بس العجه صارت عجاج وقلبت العالي واطي

تقبلي مروري حبيبتي

حيااتي زمن

مشكووره عمري عالمرور الرائع

هيه العجه كًايمه والناس نايمه

بس الله يفرجها

تسلمين عمري

تحياتي

جروحه

اويلي من العجاجه هيه الي راح تاخذنا للنهايه

بس عجبني تصريح قوي كلش

وقال مسؤؤل من وزاره الااعمار
ان سبب العجه هو حمله الاعمار الفضيعه التي يمر بها العراق.واذا اتكولون وين اكو اعمار
فاكيد انتو مدا اتشووفون ناطحات السحاب بسبب هاي العجه المقرفه

والله اعمار ماشاء الله

تقبلي مروري جروح

تحياتي دمعة مسافر

هههههه اعماار مو طبيعي

من كد الاعمار ما الك مكان تمد صريفه

خليها على الله

العجاجه مغطيه عيون العالم

الف شكر عالمرور دمعة مسافر ورده

تحياتي

جروحه