فقـدان وطـــــــــــــــــــــــــــن

أعلان عن فقدان وطن فقد وطن أخضر اللون يدعى وادي الرافدين......يرتدي مليون نخلة وأهوار بحجم معاناته.....

عمره يناهز العشرة الاف سنة........ مجروح من كل جانب......

محاصر بالمفخخات والأحزمة الناسفة والقنابل .......أسير رغبات الأخوة ( المجاهدين !!) .........

مكبّل بأغلالٍ من حديدٍ ونار ........ مذبوح من القفا بسكينٍ صدءٍ قديم ...... يوزع الحب والحكمة لبني البشر.......كان ملاذاً للخائفين.....

صار خوفاً للآمنين.......يتجول في شوارعه الموت والخوف والرعب.......

يزين أرصفته دم الأطفال الأبرياء الذاهبين صباحاً الى مدارسهم ليتعلموا كيف يكتبوا كلمة الوطن في درس القراءة.......

ويرسموا خارطته في درس الجغرافية......... وينشدوه أحلى نشيد ( موطنــــــــــــي ......... موطنـــــــــي)

فعلى من يجده ويحنُّ عليه أرجاعه الى أهله الذين سقطت دماءهم من أجله أنهاراً وأرتوت أراضيه من دمائهم وأمتزجت بعرق جبينهم من أجل بناءه شامخاً .. ... ....

والعنوان لدى العثور عليه في قلب كل عراقي غيور وشريف أحب وطنه وكلفه الحب روحه وحياته فنال أعظم درجات الشهادة هنيئاً لك ( موطني .... موطني )

ورغم كل المعانات ستجد ايها القارئ هذا الوطن موجود في احداقنا رغما عن انوف الحاقدين

وطن سينهض من جديد ويلملم جراحه ليرجع ويكون قبلة العالم ومنار التائهين وملاذ الخائفين انه العراق بلد الرافدين بلد الحضارات

..........

شكرا عزيزتي جروحة على هالموضوع
فعلا كنا خائفين على وطننا ان يفقد عندما انتشرت الميليشيات ومن كل الطوائف قبل سنتين لكن الحمد لله عاد الوطن الى وضعة الان واثبت العراقيون انهم عصيون على مؤامرات الاعداء وانشاء الله سوف يعود وطننا اجمل وخلي ندعي جميعا بان يمكننا الله العلي القدير من العودة اليه والمساهمة في بناءه
تحياتي الج وتقبلي مروري

الوطن ما ضاع موجود بقلوب كل الطيبين

والوطن موجود والدليل موضوعك

ودعائك

وردود الاخوه

والعراق مو جديد عليه الظلم والجور على مرور السنين

ولكن ارادة الله على ابقائه متميز رائع

امر كوني رباني

ونحن ما لنا غير ان ندعوه ان ينجيه

ونعلم اولادنا حب الانسانيه

حب الانتماء

موضوعك جميل اختي

تقبلي مروري

مع التحيه

Human كتب:: شكرا عزيزتي جروحة على هالموضوع
فعلا كنا خائفين على وطننا ان يفقد عندما انتشرت الميليشيات ومن كل الطوائف قبل سنتين لكن الحمد لله عاد الوطن الى وضعة الان واثبت العراقيون انهم عصيون على مؤامرات الاعداء وانشاء الله سوف يعود وطننا اجمل وخلي ندعي جميعا بان يمكننا الله العلي القدير من العودة اليه والمساهمة في بناءه
تحياتي الج وتقبلي مروري

هيومن العزيز:

الوطن مو بس كلمة لو خارطة لو شعاار الوطن يسري بدمنة الوطن بالروم الوطن روته دماء ابائنا وابنائنا واخواننا واهلنا رجال ونساء واطفال لكن يعز علينه اللي صار بالوطن وهذا مو اي وطن هذا العـــــــــــــــــــــــــراااق اغلى وطن اتمنى من رب العباد ان يكون كلامك هو الصحيح لاننا واحنا بالمهجر منحكم مثل اللي بالعراق ويشوفون الوضع ويوصلون صورة مظلمة للي يصير
ما اكًول الا رعاااك الله يااعرااق

الف شكر عالمرور المميز تسلم ياطيب

azwar كتب:: والعراق مو جديد عليه الظلم والجور على مرور السنين

حجي ازوور منوور المنتدى ياطيب
الى متى ياحجي؟ الى متى يبقه العراق يحمل الضيم والجور والظلم؟؟ الى متى نبقة بهالاذية؟ عسى الله ان يفرجها على بلادنا ويحفظ وطنة ياارب

مشكور عالمرور ياغالي

مرحبا
جروحه
تسلمين على الموضوع

بس العراق ما مفقود احنى الي فقدناه

العراق موجود بقلوبنا وبدمنا وبكل نبضه تنبض في قلوبنا

اللهم احمي العراق والعراقين في شتى انحاء الارض
تقبلي مروري

شنريد نحجي ونكول بس اعتقد لو دورنا للحظه راح نشوف العراق لان ...

هوه بقلب كل شخص عاش ع ارضه وشرب من دجله وفراته Sad

تقبلي مروري

تحياتي دمعة مسافر

وطن سينهض من جديد ويلملم جراحه ليرجع ويكون قبلة العالم ومنار التائهين وملاذ الخائفين انه العراق بلد الرافدين بلد الحضارات

تقبلي مروري نعم يا عراقيين الوطن لابد يجي يوم وينهض بجهود الخيريين ......

السلام عليكم

طبعا لا اعرف اذا كانت الردود ستعود الينا ام لكني متأكده اني رديت على الردود الحلوه لمون وشيرين ودمعة مساافر والله لايحرمني منكم ياارب وتسلموووون شكرا عالمرور

اللع يحمي العراق ويحمي اهله ياارب