مراحل حياة العراقي حسب العمر

مراحل حياة العراقي حسب العمر

اول ما ينولد
يضحك و يكًمز و يلعب صدقة ل الله شكد محبوب

العمر 3 سنوات
كائن يخبل أي يمرعط باللغة العامية ... محبوب من الجيران و من الكرايب...ابيضاني عيونة زرقاء اللون شعره اشقر
ذكي جدا يعرف 199 لغة علما بان عدد لغات العالم هو 120 لغة

العمر 3-5
و هاي المرحلة جدا مهمة في حياة الطفل العراقي...فيبدأ خلال هذه المرحلة بتعلم كيفية تخدير الشاي و شربه و يتعلم ايضا اكل الطرشي مع كل وجبة
و يبدأ معها مرحلة المشاغبة و شراء الكلاشنكوفات و المسدسات و هذا كلة بسبب افلام فاندام...لعنة الله على فاندام

العمر 5 سنوات
تبدأ مرحلة التحول في شخصية الطفل العراقي...من كائن ملائكي الى قاتل البزازين و البريصية و العصافير و يصاحب هذا التحول تغير فظيع في الشكل و يلاحظ على وجه الطفل اثار شخوط كثيرة و كانه وجهه كان في سيدي درايف خربان
و يعزى هذا التحول الفضيع الى اختلاط هذا الولد بولد الجيران بعد ان كان مختفيا عن الانظار لمدة 4 سنوات...راح الولد
يصاحب هذه التغيرات ظهور حب الشباب على وجه الطفل
و يبدأ ايضا بمتابعة الاخبار السياسية كل رأس بصل عفوا كل رأس ساعة
مو كتلكم خل اروح اتغدة شلون مرگة مال بصل و ثوم مسوين
يمكن اذا أفتح حلكي بورا ما اكلهة حتى يأجوج و مأجوج هم يطلعون

العمر 6-12
مرحلة الابتدائية
و يا لها من مرحلة شيقة
(عبرنا مرحلة الروضة لان اني مدخلت الروضة)
في هذه المرحلة يبدأ الطفل بحب الحياة و يجلس جنبا الى جنب مع بنات المدرسة و يلعبون دجاجة ميتة و ركيضان احيانا
وتبدأ في هذه المرحلة بوادر التأليف و الجذب لدى الطفل "ست حنان باستني 3 مرات اليوم" "اليوم بسطت 3 ولد 4 منهم انكسرت ايدهم و 5 انهزموا" "اليوم كمت 13 مرة علسبورة و الصف كلة صفكلي"
اما من الناحية الدراسية فتعتبر هذه المرحلة هي الاكثر اشراقا في حياته فدرجاته لا تقل عن 12 من 10 و اذا اخذ 10 من 10 فسوف يبدأ البكاء لان البنات ميحبون بس الشطار
العمر 12 الى 18
يدخل الولد المتوسطة و تبدأ معها مرحلة العنف
أين الست حنان؟؟؟ اين الست جنان؟؟؟ اين الست نظيمة؟؟؟
أين صديقتي نجوى؟؟؟ اين بت جيرانة سلوى؟؟؟ اين مروة؟؟؟
ينصدم الولد بعدم وجود اي عنصر نسائي حنون في مدرسته
و يتفاجأ بوجود استاذ حسين الملقب ب(حسين ابو عظلة) الذي اكتسب هذا الاسم من مدرسته القديمة
و استاذ ظافر (الملقب ب كافر لقسوته مع الطلاب)
يبدأ مستوى الطالب بالتراجع في الصف الاول و يطلع كمال لاول مرة في حياته في صف الثاني متوسط
و تبدي مرحلة اكل الفلافل من القهر و الضوجة
و هكذا يستمر...بين كمال و بين رسوب الى ان يصل الى السادس
يشد حيله
و يحصل على معدل قوي يدخل على اثره المستشفى...العفو قصدي الجامعة
و يشاهد خلال هذا العمر ظهور بوادر للكرعة
و ابرز ما يميز هذه لفترة هوة كثرة ملاحقة الولد للبنات و لا يخلو حديث ااولاد هذا العمر من (الحلوات) و يصاحب هذا الحديث الكثير من الجذب و التأليف

العمر 18-22
يدخل الجامعة متحمسا لما سمعه عن وجود الجنس اللطيف فيها
و تبدأ مرحلة المصارحة ليخرج من الجامعة و رأسه معنجر من كثرة البواري

22-25
يدور على شغل

25 - 30

يتزوج و تبدأ المشاكل بعد اسبوع من الزواج و تستمر هذه المشاكل و العركات عادة مدى الحياة

عمره 40
مفجورة بصفة 6 سيارات مفخخة و 25 عبوة ناسفة و منطقتهم متعرضة للهجوم 18 مرة و مشارك ب 6 حروب و جيرانة كلهم مسافرين

عمره 50
بي قلب وسكر و ارتفاع بضغط الدم و ضعف بالنظر و تورم بالقدم و التواء بالركبة و ضعف بالمفاصل و و و

عمره 60
مكابل الاخبار و الجرايد و كاعد ميهلة يكوم من يم التلفزيون و لا دقيقة
اقوى شي عندة يطلع يوكف بالباب و يطكلة جكارة و يرزل الجهال اللي يلعبون يم بيتهم و يرجع ينام

حلو وظريف هذا الموضوع وحقيقي في اكثر كلامه عاشت ايدج جروحة وتسلمينة
تحياتي وتقبلي مروري

تسلم هيومن الغااالي عالمرور الحلو ويارب ابتسامتة العراقين دوم مو يوم تحياتي الك ياطيب flower

اقتباس :: يتزوج و تبدأ المشاكل بعد اسبوع من الزواج و تستمر هذه المشاكل و العركات عادة مدى الحياة

شكرا جروح على المضوع الجميل ....هم زين كلتي لووول تقبلي مروري

مرحبا جروح
طبعا مراحل حيات العراقي بالذات
حلوه
يعني من هوه طفل مرتاح
توه يمشي
يعرف كل شئ
خمس سنوات طبعا يدخل مدرسه
بشارعهم بالمطر
والي يوكف جوه مطر العراق
محد يكدرله
يكون رجل صاحب موقف
وحلاوته العراقي غيرته وعصبيته
بالدفاع عن كل ما يخص بلده
بس اني شكد مواليدي رهيبه
صرنا حرب ايران
شبينه حرب الكويت
نضجنا اكثر احتلو العراق
شفتهمنا من حياتنا
ههههههههههههههه
تقبلي مروري عزيزتنا

هلا مووون

العراقي راقي لو باي مرحلة العراقي راقي بكل شهامتة ومرؤته ياريت العالم كلها مثل العراقي

تسلم عالمرور ياطيب

تحياتي الغاليه جروحتي... في تألق مستمر ودائم ان شاء الله... فكره جميله ومراحل حقيقه كل منا مر بمرحله متشابهه أن لم تكن مختلفه...... عاشت ايدج قلبي مزيد من مشاركتك الرائعه.... cheers

Thel_Alyasameen كتب:

اقتباس :: يتزوج و تبدأ المشاكل بعد اسبوع من الزواج و تستمر هذه المشاكل و العركات عادة مدى الحياة

شكرا جروح على المضوع الجميل ....هم زين كلتي لووول تقبلي مروري

ههههههههههههههههه ميثوووو تسلمين عمري اي بس اسبوع وبس ها ديري بالج تسلمين عالمرور الحلو Basketball

Sherin adib كتب:: تحياتي الغاليه جروحتي... في تألق مستمر ودائم ان شاء الله... فكره جميله ومراحل حقيقه كل منا مر بمرحله متشابهه أن لم تكن مختلفه...... عاشت ايدج قلبي مزيد من مشاركتك الرائعه....

حياتي شيرين افرح بردودج المعبره ربي ميحرمني منج ياكًلبي تسلمين بس تره هاي للعراقي مو للعراقيه هههههههههههه مشكوره عالمرور rabbit