اجرحني عله كيفك

اهداء ....

الى اعز الناس

اجرحني اعله كيفك ياعزيز العين

اذا مية جرح تجرحني ماحاجيك
يالمسموح الك تجرحني وبكيفك
واذا سيفك يحز نحري ويسيل دماي
كًبل ما اموت ابوسك وانحني السيفك
انت من الترافه البيك اظنك طيف
وطيف الطيف بس يبين بطيفك
ناعم من اجيسك مثل وركًة ياس
راح اكتب الك بالدنيه تعريفك
هاديء جدا وعندك عبيد هواي
طاغي بنظرتك جاير بلايه ذنوب
قاتل محترف وسلاحك النظرات
واذا تهمس همس .. حته الحديد يذوب
ظالم من جمالك وانته ابو الظـُـلام
تظلمنه بدلالك وشكثر محبوب
حسنك مو طبيعي من الخمر مخلوق
من طعم الشهد صب أنت يالمصبوب
يا تين الشفايف مو مثل هالتين
دضوكًني شجرالك فدوه بس ضوكًه
ماريد اني ابوكًك تينه واركض غاد
اريدك مقتنع وك شلي بالبوكًه
خل انزل بعد للركًبه وانظر زين
واستنشق هواك رياتي مخنوكًه
وارتاح اعله صدرك واغفه حدر الزيج
ولفني بكًبتيك الدنيه مطبوكًه
وافتر عالخصر بالخصر خلي اندور
عله شمس الخصر شو جنهه مضنوكًه
واذا تسبح اظن الماي يسبح بيك
واحس كل قطره تصرخ بيك تنتظرك
ونجاده البحر يلبس من يلاكًيك
يخاف يحبك وبيك البحر يغركًـ
تخيل حالي عاد شصار بييه النوب
وياي اني اضل متعارك بذكرك
اريد اني كًبل اني اذكرك واهواك
واذبح انــــــي انــــــــي وانذر لعمرك
وكًف الهامي كلش يعتذرلك حيل
ما يكًدر يوصفك ينتظر عذرك
فقدتك ياحلو وين انت هاليوم
لا شــــفتك ولا مريـــت بيــــه
هـــــــم كًاعد تفكر بيه وتكًــول
حبيبــــة كًلبـي بالله وين هي؟؟
اشتاقيتلك يا اغله كل هالناس
كًلي شلون وليش اكًطعت بيه
بعد مـــا بيــه حيل اتحمل فـراكًـ
واحسن روحي ماكو شتبقى بيه
اجيتك معتني لشوفــك وملكًاك
تلكًـــاني حبيبــــي الــــزم ايديه
واحلفــلك اذا مريـــــت فد يوم
لوكًفــــــلك انه مثل الــسريه
لان غالي وجمالك مذهل الكون
كل الناس تاخـــــــــذلك تحيه

تحياتي

جروحه

السلام عليكم
روعه كالعاده ذوق كالعاده يابنت خالي بالتوفيق ياربي تقبلي مروري

تسلم قصي ورده الف شكر عالمرور الحلو

تحياتي

جروحه