.. أريـــــد انســــاج حتى ارتــــــــــــــاح ..

*

اريد انساج حتى ارتـــــــــــاح
وارد سنين عمري الضــــاعت بعشكج
اريد انسى جمالــج والشعر والطول
وعمري الضيعيتة امنـــاطر بدربج
اريد انسى غرامج والغـزل والشوك
واكص اثنين أديــــة النشفن دمعج
واريد انسى حناني والسهر والنوح
وأتوب الروح ما تســـأل بعد عنج
شنهو الحصلـــــت من عشرتي وياج؟
صار القهر حصتــــي والفرح حصتج
ترستـي جروح كلبـــي الجان يهواج
ونسيتي شلون بيـــــدي ضمدت جرحج
تـجازينـي بـهجر و اجرعيني سـموم
وبرمشـــــــت طرف مااذكر جرحتج
وفيت اشكــد وفيتج ما وفيتي وياي
وفرهدت عمري سهــر مايـوم عذبتج
مثل نهر الفرات الدمع سـال أعليج
وغركت روحي حـــزن مايـوم ورجتج
بس جنت انا احبج واليحــب معذور
اذا ضيع سنينه الغاليـــة بـحبج
انغريتي بـجمالـج وباجــر اتندمين
من تذبل اغصانــــج وينكتل وردج
بس كلبي الوفـي يبقى الجمال البـي
مثل نور الشمـــــس وغصبـن تحركج

************************

ملاحظة : هذه القصيدة كتبها قلمي المتواضع اتمنى ان تنال اعجابكم

.. أريـــــد انســــاج حتى ارتــــــــــــــاح .. 498329

.. أريـــــد انســــاج حتى ارتــــــــــــــاح .. 244359

.. أريـــــد انســــاج حتى ارتــــــــــــــاح .. 286232

روعه وابداع تعجز الكلمات عن وصفه غيدان الف الف شكر عالقصيده الرائعة

لو ردت نسيانك ياخايب انسه روحي
ولا ساعه ياغالي عن بالي تغيب
من اغمض انته حلمي شلون انه انساك؟؟!!
وجرح البيه منك وبس انته الطبيب

تحياتي لك وننتظر المزيد من ابداعاتك

تقبل مروري

جروحه