مواصفات الزوج العراقي ...

تحياتي للجميع

العراقيين ماكو منهم والموضوع للمزاح فقط

مروءة العراقيين صفه ما الها مثيل بكل الوجود

لا يختلف الزوج العراقي عن بقية الأزواج العرب ولكن الاختلاف الوحيد بعد الزواج وهو كالتالي...

في شهر العسل يقوم الزوج الإماراتي
بترفيه زوجته وأخذها إلى جميع الأماكن المحببة إلى قلبها !!

بينما يقوم الزوج العراقي في الأشهر الأولى بالشكوى إلى أمه .. يمه هاي شلون مريه زوجتيني طبخها كلش موشي ( همه على بطنه وهذا طبع الحال في الجميع وهو أصلا أيريد حجه لان المرة معاجبته حاط عينه على غير وحده )

أول ميدخل الزوج اللبناني إلى البيت
هاي حبيبت ألبي شو انبسطتي ( لا يقصد بيها انضربتي وإنما يقصد بيها تونستي) مع رفئاتك اليوم؟؟
اليوم بالشغل طول اليوم عم فكر فيكي مشتائلك يا حبي !!!

بينما العراقي يدخل للبيت ويشمر السويج ويذب العلاليك الي بيده على الكاع ويبدأ بالصياح: فخرية ..فخرية هاي وينج ( سبب عدم رد الزوجة هوه الانشغال بأمور المطبخ) طبختي اليوم ؟؟ تره ميت من الجوع وأريد أشوف الأكل كدامي..!! (شتكولوله لهذا بله)

العصر عندما يجلسون الأزواج في حديث رومانسي يبدأ الزوج المصري كالتالي
إيه رأيك يا حياتي يا نيفين نخرج نتعشا سوا أنا و إنتي لوحدينا عالنيل ونخلي العيال مع البت الشغالة ( لاحظوا البت الشغالة تعمل لراحة الزوجة )
اللهم لا حسد

بينما العراقي يغمس الكعك بالجاي* أي الشاي* ( لان الجاي من وجبات العصر الرئيسية ) و يكوللها ولج فخرية اشو ممخدره الجاي زين ؟؟!! اليوم عازم أهلي عالعشا مو تصخمين وجي مثل هذيج المرة ومطبخين غير بانيه وفاصوليا وكبب و بيتنجان وتشريب وثريد و باجه تره أمي دتعيرني بمرت أخويه ...!!!
(شكد رومانسي لخاطر الله )

أما في العطل الرسمية يتفضل الزوج السوري كالتالي :
حبيبتي شو رأيك ننزل على طرطوس و ناخذ لولاد يلعبوا شوي بالماي نعد لنا شي يومين نغير جو؟؟؟

ولكن الأخ العراقي يتفضل بالقول .. اني عندي جم يوم اجازه إذا جهالج ( ولا عبالك هوه أبوهم ) رح يضلون يسوون هوسه أخذيهم وروحي ( لا يقصد بها الدلع و إنما يقصد بها بـ اذهبي ) لبيت اهلج لان آني رجال تعبان و أريد ارتاح ( عبالك بكد جدي)

مكروووده يا فخريـــــــــة

تحياااتي

جروحه

احلى شي بالموضوع فخريه لا حس ولانفس هههههههه واكيد هذا للشقى لان گلب العراقي طيب جدا

بصراحه ضحكت من الموضوع عاشت ايدج جروح

تحيتي MuNeeR

ههههههه تسلم منير عاش غاليك يارب

مو بالله مكًروده فخرية لو بمكانها اصيح صوت والم عليه الناس كلها هههههه بس ختيه هيه ساكته وحبابه ومسكينه

تسلم عالمرور الحلو ياطيب تحياتي الك

تحياتي

جروحه

عاشت ايدج فخريه اووووف اقصد جرووحه وانشالله كلكم تصيروون فخريات وتعرفوون اطبخوون مثل ماحلووو تكتبووون

مساءالخير خيتووو الغالية

خيتو ليش هالشكل هذا ظلم للعراقي
يعني شنو الداعي للرومانسية والسفرات ويطلع زوجته يفرها العالم او من يجي من الشغل يكَوللها حبيبتي وبطيخ

العراقي رجال عملي متجاوز هاي الشغلات ..
ههههههههههههههههههههههه طبعا هذا تصنيف من عندي
وعاشت ايدك خيتو عالموضوع الجميل ..وننتضر المزيد من الابداع مثل ماتعلمنه على كل ماهو جديد ومميز منك
تقبلي مروري اختي الغالية

L7en AL5lood كتب:

عاشت ايدج فخريه اووووف اقصد جرووحه وانشالله كلكم تصيروون فخريات وتعرفوون اطبخوون مثل ماحلووو تكتبووون

ههههههههههه ابن ولايتي ليش هيجي اني فخريه هم ميخالف

يالله كلنا فخريه سيري يافخريه ونحن من ورائكِ هههههههه

تسلم عالمرور الحلو ورده مشكوور

تحياتي

جروحه

BA7R ALHMOM كتب:

مساءالخير خيتووو الغالية

خيتو ليش هالشكل هذا ظلم للعراقي
يعني شنو الداعي للرومانسية والسفرات ويطلع زوجته يفرها العالم او من يجي من الشغل يكَوللها حبيبتي وبطيخ

العراقي رجال عملي متجاوز هاي الشغلات ..
ههههههههههههههههههههههه طبعا هذا تصنيف من عندي
وعاشت ايدك خيتو عالموضوع الجميل ..وننتضر المزيد من الابداع مثل ماتعلمنه على كل ماهو جديد ومميز منك
تقبلي مروري اختي الغالية

ههههههههههه هيه مال عملي؟؟؟ خوش حجه

لالالا خيوو هيجي عمليه متنراد

بس يبقون العراقيين ورود وماكو احسن منهم بالكون والله

تسلم عالمرور الحلو ربي ميحرمني من هالطله الحلوه خيووو

تحياتي

جروحه

بسم الله الرحمن الرحيم
بينما العراقي يدخل للبيت ويشمر السويج ويذب العلاليك الي بيده على الكاع ويبدأ بالصياح: فخرية ..فخرية هاي وينج ( سبب عدم رد الزوجة هوه الانشغال بأمور المطبخ) طبختي اليوم ؟؟ تره ميت من الجوع وأريد أشوف الأكل كدامي..!! شتكولوله لهذا بله

هههههههههههههه تسلمين اخت جروح على هذا الموضوع الجميل حقا والشيق
اني هذا الشىء شايفته عند اهوايه من اقاربنا ,لانه المشكله اللي اتكون بالزوج العراقي انه هو يحب التأمر وفرض الاوامر اذا كان متربي في بيئه توفر له كل مايحتاج من غبر ان ييذل اي جهد وتعب, ما شوفيني اني كعدة عانس يا جروح من هيج هههههههههههه
بس طبعا مو الاكثريه وانما البعض منهم ,لكن ايضا اكو ازواج رائعين بمعنى الكلمه ,والله يكثر من امثالهم.
وتحياتي

LOOOOOOL ,,, هو ترا ماكو هواي اختلاف جروح ,, يعني ضليت صافنه على الموزوع على كولة.... امورنا عدله بشكل مو تبيعي ,, بس اني ما منغثة غير من ابو

بينما يقوم الزوج العراقي في الأشهر الأولى بالشكوى إلى أمه .. يمه هاي شلون مريه زوجتيني طبخها كلش موشي ( همه على بطنه وهذا طبع الحال في الجميع وهو أصلا أيريد حجه لان المرة معاجبته حاط عينه على غير وحده
اقر ب طوا بآلمتبخ يجيب اجله حتى
)

شكرا للموضوع جروح

يعني تخلونه نحجي كَوه انتو

يعني معقوله هي ملاك !!! وهو يسوي هيج ؟؟

لو ما مطلعه روحه اكيد ما حجا شي

زهراء كتب:

بسم الله الرحمن الرحيم
بينما العراقي يدخل للبيت ويشمر السويج ويذب العلاليك الي بيده على الكاع ويبدأ بالصياح: فخرية ..فخرية هاي وينج ( سبب عدم رد الزوجة هوه الانشغال بأمور المطبخ) طبختي اليوم ؟؟ تره ميت من الجوع وأريد أشوف الأكل كدامي..!! شتكولوله لهذا بله

هههههههههههههه تسلمين اخت جروح على هذا الموضوع الجميل حقا والشيق
اني هذا الشىء شايفته عند اهوايه من اقاربنا ,لانه المشكله اللي اتكون بالزوج العراقي انه هو يحب التأمر وفرض الاوامر اذا كان متربي في بيئه توفر له كل مايحتاج من غبر ان ييذل اي جهد وتعب, ما شوفيني اني كعدة عانس يا جروح من هيج هههههههههههه
بس طبعا مو الاكثريه وانما البعض منهم ,لكن ايضا اكو ازواج رائعين بمعنى الكلمه ,والله يكثر من امثالهم.
وتحياتي

هههههههههه زهراء عمري اذا ردتي نصيحتي؟؟ الوحده تبقه عانس ومراحه ولا انها تصير فخرية وكل الدك على راسها شلها باللي يتحكم بيها هههههه

تسلمين عمري عالمرور الطريف ربي ميحرمني من هالطله الحلوه

تحياتي

جروحه

Thel_Alyasameen كتب:

LOOOOOOL ,,, هو ترا ماكو هواي اختلاف جروح ,, يعني ضليت صافنه على الموزوع على كولة.... امورنا عدله بشكل مو تبيعي ,, بس اني ما منغثة غير من ابو

بينما يقوم الزوج العراقي في الأشهر الأولى بالشكوى إلى أمه .. يمه هاي شلون مريه زوجتيني طبخها كلش موشي ( همه على بطنه وهذا طبع الحال في الجميع وهو أصلا أيريد حجه لان المرة معاجبته حاط عينه على غير وحده

اقر ب طوا بآلمتبخ يجيب اجله حتى

)

اقرب طاوه بالمطبخ وعلى راسه وتجيبين اجله مو ميثووو يبوووووووووو يبووو يبووووو وهم

على كًولة بيبيتي الله يرحمها جانت تكول : انهجم بيته اللي يخليج ببيته

ادري عليمن بعد؟ خليها تلعب جودو وكراتيه وتتصارع وياه ههههههههههه

لج يمه مو شفتيها لفخريه لا تحجي ولا تكول

لا خوش حياة زوجيه مستقره تلش تلش ههههههههههه كلها بالطاوات

تسلمين عالمرور الحلو عمري انتي ربي ميحرمني منج

تحياتي

جروحه

SKY كتب:

شكرا للموضوع جروح

يعني تخلونه نحجي كَوه انتو

يعني معقوله هي ملاك !!! وهو يسوي هيج ؟؟

لو ما مطلعه روحه اكيد ما حجا شي

هو شمطلعه روحه؟؟؟؟؟؟؟؟؟؟؟؟؟؟؟؟؟؟؟؟؟

هو هذا ينطي مجال احد يحجي؟؟؟

هذا مال

تنصبله المشانق

لو شما مسويه

مو هيجي يعاملها

بس عنصريه هي كوه هههههههههه

تحياتي وتسلم عالمرور

جروحه

هــــــــــــــذا جــــــــــــــزاء الـــــــــــــــي ماتــــــــــــــسمع كــــــــــــــلام زوجـــــــــــــها

.................

هههههههههههههههه سكااي حرام عليك شنو تسمع كلام ليش هو جايبله جاهل الا يسمع كلامه؟؟؟

بعدين اكو شي اسمه حرية راي والاستماع للاخر شكو داتسمع كلامه شنو هو نبي منزل؟؟ يعني يجوز كلامه خطأ لازم تسمع كلامه؟؟؟ هذا لا عدل ولا انصاف ااابد

اني اشوف انها من تشوفه ظالم تخيره اي موته يريد

يعني مثلا هالطريقة

لو هاي الطريقة

والصراحه اني اشوف هاي الصوره احلى شنو رايكم

يعني وره متذبحه تهلهل

اني لو بمكان فخريه هيجي اسوي هههههههه

تحياتي الك ورده وتسلم عالمرور الراقي دوما ذواق

جروحه