شيفيد الندم اندم وابجى اهــــواى وتألم
بعد ماتنفع الشكوى اومنهوالبعد هم يهتم
لملم كل بقايا الشوك يلجرحك جذب يلتم
واخنك عبرتك بالروح وازرع بالكلب علكم
حسافه العمر منك راح لاجل اعيون ماترحم
اوحسافه ايذبلن اسنينك وانته الخضرة بالهم
يالتندب على الي راح اشوكت جاينتهى المأتم
اشوكت مو نشفن اعيونك بعد اشلون تبجى ابدم
شمسك غربة ياحيف اوبعدك ذاك المحزم
شكلك تعبتنى اوياك التريده بعد مايرهم
حرا م اتضيع الباقى اوكربت شمسك
اتسلم
تعال اولم بكايا الروح والكيلك حضن ارحم
وادفن بيه كل الراح وابنى اعله الجرح واحلم
تعال انشد على المجروح وانغنى اعله المهدم
تعال اوخلنه نضحك حيل ونمسح كل حلم ماتم
الثلاثاء يوليو 19, 2011 8:38 am من طرف sohab
