مسلسل الزهيريات

اصدقائي الاعزاء في المنتدى
اعجبني موضوع الاخت الفاضلة جروحة عن مسلسل الدارميات واحببت ان اضيف له مسلسلا للزهيريات فهما تؤامان لا يتفارقان ويبقى لهما اخا صغيرا هو الدارمي والان سابدا بعرض شي بسيط من الزهيري

ظليت طول العمر لجلك ادور والف
وين الكى مثلك ولف ولو عادلوني بألف
شسال وادواي واخيط جروح عنك وألف
وكلما ادواي جرح يطلع مكانه وسم
وخلاني مثل الجارع مراره وسم
عكبك تراني اصبحت بس الخيال واسم
واطلب رجاك لان ماعندي غيرك ولف


يل رايح لكربله هاك الدمع وصله
وانطيه للي نبع منه الشرف واصله
لميته وكت البجي خليته اله بوصله
ناشف تشوفه لجن هو يراه يجري
ويعرفه ليه الدمع شنهو العلي يجري
ياصاح كل الجدم خلي الجدم يجري
لحسين تدري الكلب صاير الف وصله


لا عالعراق الهفا تسعين وصله صفــا
حتى اليوده معه صفوف التحالف صفـا
جرح العراق انفتك وماضن طبيب وصفا
وباطل عليه الوكت عكب الاباء شمــال
وزروعه من تنحصد بيد اليهود شمـــال
كبل جان الشمال جنوبي والجنوبي شمال
وهساع ضاع الوطن بيضه ارتمت عالصفا



بجروحي يلعب لعب بس هالجرح خله
وياوكت بس يلچم راد الكلب خله
من كثر ضيم الهوى صاب العكل خله
ما اعتب عالهوى وياك چيما طاب
بس اعتب عالجدم حيف عالبيتك طاب
داويت جرحه بدي وبعكلي لمن طاب
ومن صار بيه جرح حفنه ملح خله

السلام عليكم


احسنت اخي العزيز هيومن على الطرح الرائع للزهيريات والتي اعتبرها اصعب الثلاثه وتقبل مني هذه المشاركة البسيطه:


من ياصلب يارحم من ياعشيره يصل
عباس يابو الوفه ياأسد يدور يصل
صولتك صولة علي ومحد مثله يصل
كًبتك كعبة شرف فاز الذي طفهه
يابو الفضل كربله عنك شهد طفهه
بسيفك خيول وزلم طف الغنم طفهه
عباس لوما الغدر من كًدر يمك يصل



كالولي كلبك يحن وعتاب منك ورد
شميت ريحة زعل ريحان جنها و ورد
وبباب بيتك جنت يومية اروحن ورد
واليوم انت عتبت ويمي عتابك وصــل
سيوف صار الشعر كطع كليبي وصـــــل
الحب هديته انه الك وكصيتلك بي وصل
مجنون بيكم انه هوة جوابـــــــي ورد


ياصاح بالك تحب كلمن يكلك هلا
يضحك على بجاك ماسال دمعة وهلا
اظلم سماك يظل مايوم ليلك هلا
من حيث عزة النفس خلي لمحنتك دوة
حب الي يحبك صدك والي بغرامة دوة
والخان حبك صدك مال الزمان ودوة
ازرع بدارة لغم وانسف البيت وهلا


والخلق هاي السما وبلا عمد شالها
لأعلك عيوني ضوة وضلوعي ممشى لها
ذوبت عزمي وهواهالهمّّّتي شلها
يا ربي كل هالحسن وتريدنا ما نزل؟
والروح خضرة وترانه بحيلنه ما نزل
تدرون ليش الكمر ضل فوكًُ ابد ما نزل؟
عن لا يتيه بليل فاحم لو وكع شالها




تطلك جذب دنيتي ماصدك انه اجيب
وللنذل مامش دوه يرهمله حته اجيب
شلون طحت ابشر ياهو اليكظك جيب
ما نشدوا عله الدهر لمن اجاني شراد
مرات ظكني الوكت فزعت اخوي شراد
كتله اخيك انه سمعوا عليه شرد
ماظل اخو بهالوكت اليوم اخوك الجيب




عذرا عالاطالة وتقبل مروري

تسلمين عزيزتي جروحة على مرورك الجميل والان اكتب زهيري كان قد غناه المبدع فؤاد سالم في برنامج تلفزيوني في تلفزيون قطر ايام الثمانينات وعلى العود وكان مقدم البرنامج الشاعر المبدع زهير الدجيلي وهو كاتب رائع للزهيريات


نـام الخلي وناظري بس للنجم .. راعي
ارعاك وانت اصبحت لاهل الغدر .. راعي
لا تحسب جفاك عني لهالگلـــب .. راعي
ساجيت ارض الصبـخ مـن دمـع عيني .. ورد
ذنبي انا الما جزت واترك هواكم .. وأرد
يالطلع اصلك شوك وآنااحسب بعودك .. ورد
صح المثل وانضرب (( نعجة وألف .. راعي ))



والان مع زهيري اخر كان قد غناه المبدع الراحل رياض احمد وايضا في حفلة خاصة على العود وهو:


دار الملوك اظلمت عكَب الضوة بسروج
يهناك دمعي يكت إعله الوجن بس روج
والخيل لمن تردَّت واضلعت بسروج
والكدش اصبح لها عزمٍ شديد وباس
والزين دنَّكَـ على جف الزنيم وباس
والشهم لو عاشر الأنذال ما هو باس
من جلَّة الخيل شدو عل الجلاب اسروج

الله الله يا هيوووومن تسلم عالزهيريات




اني طلبت انك تكون مشرف هذا الموضوع ويايه لان فكرت اني كون النه صلاحية للدخول على المواضيع اللي تخص الدارمي والابوذيات ولزهيريات ونضيف عالصفحة الرئيسية بدل الردود حتى لا يتعب المتصفح فشنو رايك؟؟







وهاي زهيريات مني يارب تعجبكم




يفــلان وشحصــلت منك بعد وجنــــي
عشت انه مجني علي يمته اذنبت وجني
من حرالاشواك انته البلهجر وجنـــي
والله صارت علي مـاصــارت وجـــاريه
اســرت روحي غفل عندك صفت جــاريه
ومابطلت دمعتي طول الوكت جـــاريه
ومن كثر حرالدمع شب واشتعل وجــني





جدمي لطف بالمشي من خاطرك لو سار
جيت اسئلك ياترف حالك حزن لو سار
مايخفي حال المحب ماهو لغز لو سار
من حيث قلب المحب حامل جثير اوجاع
وشوف حبيبي شبع بس اليحرمو جاع
يوجع افراك الاهل بس الحبيبي اوجع
ودي احث الجدم خلف الضعن لو سار




لاتعض لصبع ندم لتضيج بالوسع
الكًعد حضه كعدوالبخت هل وسع
العكًل زينه حلو لاتضيجه وسع
والما تنوله غصب لاتضنه ياتيلك
والما تكدر كدريطلع يتل تيلك
تاتي كبل ماالدهريرجع يتاتيلك
محد رضا بقسممته بس الطلب وسع


كًلبي بغرامج تخربط منهو اليرتبه
لاني بحفره بهواج ولاني برتبـــه
الهج باسمج ولا بانت علي رتــبه
واي اسم غيرج على الساني انه محرمه
والشخصج بهالكًلب دون البشر حرمه
عاجبني طولج اذا تمشين مو حرمه
أمر لواء وخطم بس عايزج رتــبه



عذرا عالاطالة

شكرا على مرورج الرائع وتواصلج عزيزتي جروحة وياربي ما يحرمني من طلتج البهية
والان اليكم محاورة بين شاعرين:

السلام عليكم



تسلم هيومن عالمحاااوره الرائعه الله لايحرمنه من هالمجهود الرائع وتقبل مني هذه الهديه البسيطه:




مليت ما عاد عندي يا رفاكًه صبر
صابر على المر واجرع فوكًـ صبري صبر
جم دوب أسعى واجد، أثمار زرعي صبر
وسيوف الأفكار تجزر بالحشاشه جزر
أحسب وافكر واخاف إيصير عندي جزر
مادام الأيام عد الناس مد أو جزر
أصبر على المر عل ما أشوف حلو الصبر




**********



عن حالتي لا تسل يا صاح ملوني
وبنار هجر الغضا ذولاك ملوني
تايب على حبهم ما يوم ملوني
تم القلب مبتلي وحيران وياهم
وبفراقهم مهجتي واعضاي وياهم
ذاك التعب والسهر ما فاد وياهم
لمَّن حجيت الصدق يا ناس ملوني



*************


ملها وفه غدّاره بالصاحب
بايّام سعدي إلي كل الخلك صاحب
لمَّن جفاني الوكت ما ظل إلي صاحب
لا تصاحب اللاش خلّه ينجلع ويروح
وصاحب الزين ما عزت عليه الروح
دار المعزة عذب قبل المذله ايروح
ويمته يدور الفلك وانعاتب الصاحب



************************

خايف من أهل الحسد لا يوم يعيونك
وأنت نهر للحلاة ما جفت عيونك
رقة وجمال ونبل ما لاح لعيونك
أي وحق ربك ابد ما شفت انا بعينك
منسوخ نسخة حسن بيه الله يعينك
لمن تدحك علي دحك بنص عينك
ما ضال عندي كلب يتحمل عيونك




***********************




جربت حظي شكثر تالي اتضح مالي حظ
ومالي صحيب عبني بعشرتك مالي حظ
ايست منك بعد إلى الابد ما لحظ
بشخصك وهيهات طب لي ويشاف
يامن رياكك شهد صاف وعذب لو شاف
شكًد شاف طرفي ولحظ غيرك جثير وشاف
بس هل الفصال الحلو صدك ابد ما لحظ



*************



احنه كتلنه القهر وانتو الندى بلكم
ونكًضي النهار ببجي والليل ندب الكم
بشوكًـ ونجيكم ركض وما يوم ندب الكم
وكًلبك ولا عاد مرة بشوك مال النه
ومن كد سهرنه الليالي السهر مل النا
وان جان صرتو نصيب الغير مو لنه
تضل بدليلي لحد الموت ندبلكم




******************************



دام الليالي بأعز الناس وارتني
يا روح ظلي بلهيب النار وري اتني
الدنيا حيل اصلفت وبجور ورتني
ايام صلفة نعانسهه بلطم بالعد
وجروح جملة ابد ما تنحسب بالعد
الناس تمشي بهنه وتضحك طرف بالعيد
واني عبرتي بصباح العيد ورتني





***************************




تقبل مروري