مسلسل الابوذيات

اصدقائي في منتدانا الجميل
بعد ان بدات اميرتنا الغالية جروحة مسلسلا للدارميات وبعده مسلسلا للزهيريات كان لا بد من مسلسلا للابوذيات ليكتمل بذلك عقد الشعر الشعبي العراقي والان اضع فيه شيئا من هذا الشعر عسى ان ينال رضاكم


اخذ كلبي اذا ذابت دلالك
من نار العشك يسلم دلالك
احب اسمك لحن همسك..دلالك
و احبك حتى من تقسى عليه


همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه


دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه


ابيع احزان تالي الليل منراد
وسؤالي الي طرحتة اليوم منراد
ليش الطيب وية الناس منراد
لان مايمتلك ذرة اذية


ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه


يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه

الله الله يا هيومن الراائع سلمت يداك على الابداع ماكو احلى من الشعر الشعبي العراقي الاصيل واسمحلي اشارك بهالابوذيات البسيطه:





روه الزيتون من دمعي ولاراك
الغيرك ما نحل جسمي ولاراك
اخاف اطول مدتنه ولاراك
كًبل وصلك تبادرني المنيه


الف وسفه الدهر عنك بعدني
احبك واشتهي وصلك بعدني
تراني عالعهد باقي بعدني
تراك انته النظر والحيل بيه


لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه




وحك اللي تعبده الناس منشاف
الدمع من يومكم لليوم منشاف
الف ياحيف شفي انكًطع منشاف
بعد هيهات جمعتنا سويه




نور فراككم بالكلب ماجن
وعليكم زين عندي عكل ماجن
رسايلكم عجب لليوم ماجن
السبب شنهو كطعتوهن عليه





عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

................

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسل ؟ماي ؟؟
حليب ودرته اشفافك عليه



عذراا عالاطالة وتقبل مروري

تسلمين اختي جروحة عالمرور الرائع واليك ابوذيات اخرى:

سهم الدهر بين احشاي ينشل
جرحني والجرح هيهات ينشل
اريد النعش بيكم كون ينشال
وتهيلون التراب انتم عليه


وهذه ألأبوذيه للشاعر مشكور العايدي:

زماني رضرض عضامي ورمه
اجلاي وكلبي من عنده ورمه
شلون الطفله من تركض ورمه
هجي همومي تتراكض عليه

وقد اجابه الشاعر منهل هادي قائلا:

زمانك راد يختبرك ورامك
بحجر مو كره جي حبك ورامك
الدنيه امك يهالتركض وره امك
ماطولك رضيع اتجيك اذيه

السلام عليكم



عشت هيومن عالابوذياات الروعه وهاي مني كم ابوذيه




تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه


تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.





وسط گلبي يظل طابع وسمهه
عسل صافي حلو مرها وسمهه
صفيت متيه باسمي وسمهه
لان هيه النجم واني الثريه




احبة وما احب واحد بدالة
وياذنب البدة مني وبدالة
الك منصوب بكًليبي بدالة
خطك على النبض يشتغل بية



عذرا عالاطاله

شكرا عزيزتي جروحة عالابوذيات الحلوة لكن يبدو الشباب تجاوبهم ضعيف ويانه ومع ذلك اليك بعض الابوذيات

رظعتيني الصبر والضيم يماي
وكتلني العطش وانه بجرف يماي
حبيبي اكبال عيني دوم يماي
واحسه ابعد من انجوم الثريا


عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليـــه


دوه خلخالي ابو كذيلة دوالي
عليل وشمت خدودك دوالـــــي
عجب توصف دوة وانت دوالـــي
يضالم ما تخاف من الخــــطية


بعدك كمت اسوي اللوح ويبات
ولا اخلي دليلي يهين ويبات
الحزن طول اليلل وياي ويبات
بفراشي ويسولفلي علية


عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه


روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

السلام عليكم


تسلم هيومن عالابوذيات الروعه وعذرا عالتاخير ولكم مني هذه المشاركه البسيطه



مرضة احنة وما يــــــــوم ....... صحنة
لن عـراق وسبيل شلون ....... صحنة
كلنـــة عــــــرب واكـــراد ....... صحنة
كلا .. والف كلا ... للطائفية


..............................


مرارتنة يصاحب ليش ...... مرهة منكم
وانة المعلول وابحــث ....... مرهم الكم
تدري انت ليش انــة ....... مرهم الكم
انة ارهم لبو الاطباع الوفية


...........................
هاك اشعل كًلب كًلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***

حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
.................................................. ......

هنجل كلبي من شافك .......... ودرباك
وحرت شلون اعلمنــــك ......... ودرباك
كضيتة زحوف شارعكم .......... ودرباك
زلغت الركب وعكوس ادية

.............................

العشك يهديب عمري ........... كلفاني
وحبنة بغير حبكـــــم .......... كلة فاني
سهمك من رميتــــة .......... كل لفاني
شك صدري وجزاني ورد علية

.........................

حبيبي انة منــــــــك ......... ونتة مني
وحس كلمن يون لك ........ ونتة مني
اجت احزان دهــــرك ........ وانتمن لي
وصرت يفلان مأوى لكل رزية

......................

شكثر انة احسب لجيتك ........ وعدلك
وسهرت الليل اتانـــــــي ........ وعدلك
اريدن بيدي اعوجنــــــك ........ وعدلك
وعدلك لو متت مابين ادية

........................

ابد ما اصطبيلــك .............. وانتبهلك
واحذر حيل مني ............. وانتبه لك
انة بأهلي ازامط ............. وانتة بهلك
واذا اهلك زلم هدهم علية

........................

الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية

.......................

عليكم من سلام الله .......... ورحمة
وحن عالكلب مــــــرة .......... ورحمة
اذا رايد اجر انــــــــــت ......... ورحمة
تعال انطيني بوسة وحن علية

......................

اجيك بلهفة اتعنة ............. وهملك
ولتضن يوم املنك ............. وهملك
اذا ضنيت متأكـــد ............. وهم لك
لان ميصح متوهم صافي نية

.........................

كلمن كال سوف اعمل ........ وسبني
جنة بحجية شتمنـــي ........ وسبني
اكلة من الوطن اطلــع ........ وسبني
انة ابني الوطن بثنين ادية

........................

الفكر من عقلي طار .......... شتمني
وعليك الما يشتمـــن .......... شتمني
بعد هالذل يروحــــــي ......... شتمني
تمنيت روحي تاخذها المنية

.......................

طبع اليحفر بصحـــــــــراء ........ يعراكًـ
ومن طبع الشجر بالطين ........ يعراكًـ
ومن طبع العراقي يصيح ......... يعراكًـ
الك يغدي العمر فدوة وهدية

.........................
عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية

..........................

بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية

..........................

الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركًي علية

........................

بت كًلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية

.........................

الحب بحجر سجيــــــــل ...... رجماي
ودمع لجفن فوك الوجن ...... رجماي
حبيبي لو طلب فد يوم ...... رجماي ( رقماي )
نطيتة الرقم والهاتف سوية

.......................


يحلوة عيوني انتي ......... ونتي رمشي
لتزعليني منــــــج .......... ونه ترة امشي
راح انطيج رقمــــي ......... ونتي رمشي
بس يرمش اتصل مية بالمية

............................

احبج حب جنــــــون ......... موطبيعي
وبطلي ابييع ثكًلـــج ........ موطة بيعي
طبع الشهم طبعــي ....... موطبيعي
اغدر وانثني بسابع ثنية

...........................

صرت للدهر صكًلـــــة ....... ونتة لاكًة
وفرح مالاكًـ اليــــــــــة ...... ونتة لاكًة
يريت الوكت يفتـــــــر ........ ونتلاكًة
احضنك والحضن موساد الية

...........................

العشك كاروكة يامة ............. لولة بية
وفرني شلون فـــرة ............. لولبية
احبهة وحبها خلـــة ............. لولة بية
ارجف لون طاري الحب مر علية

.........................
الك طوبة الليالي ........... ناولني
وعلى هجرك أأكد .......... ناوي لني
اذا يس ترضة ذلي ......... ناو لني
وما ارضة اذا حبك اذية

........................

ورد قداح اهديلــــــــــك ......... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية

..................................................



تقبل مروري