الحكًو فزعه كًبت العركه والعطوه يومين

السلام عليكم




شوفو تطور العشاير وين وصل
يالله فزعه تره منطيهم عطوه لحد عبكًب باجر ههه


كله على الانترنت
هاي عركه بين اثنين
وصار بيهه فصل وشوفو شلون كًبت
بوكساااااااات

الاول

مو عن طمع سئليت بس ردت وصلك

بالنت اجيب اعمام لو ردت افصلك

الثاني

نتواعد على الشات وبغرفه خمسه

ولو عندك انت اعمام تحضره هسه

الاول

اگوامه انا وياك والحگ اطلبه

جايب عمامي وجاي والروم اگلبه

الثاني

نت وضعيف اليوم صعبه وتطب روم

خلينه بس عل خاص والعطوه بس يوم

الاول

افتحلي بس الكام بس خل اشوفك

وبالشارع من الگاك لا ما اعوفك

الثاني

عمي انعل الشيطان يبن الاجاويد

وعن حلفة القرأن لا وألله متحيد

الاول

بوت الارگعك بيه ما ظنك تگوم

ولو اسرق الايميل هم احد يلوم

الثاني

صاير هكر يفلان ماخفت ربك

انته الحرامي اليوم وبروم اطبلك


وفصل النت ههههههههه

هههههههههههههه
يعني فعلا محاورة رائعة جروحة بس اني ضحكني موضوع العطوة اللي ذكرتيني بيها
اني جواريني كلهم صينيين هنا بالله اذا زعلوني واجي اكلهم انطيكم عطوة يومين دااتخيل شنو ممكن يردون علي ههههههههه او اصلا شلون اترجم العطوة واكولها بالانكليزي

تحياتي وتقبلي مروري وشكرا على روحك الجميلة

ههههههههههههه هيومن ضحكت والله واني اتخيل الصينين يدوسون بساطنا ويلمون عمامهم ويجون يحكًون نفسهم ونطلب منهم فصل احلى شي اذا جان فصل اربع نسوان يبووووو وجم مليون (شنو عملتهم نسيت) ويوكًعون مليون لخاطر هالسيد ولخاطر الشيخ الفلاني


المصيبه انه لحد قبل اسبوع جانت اكو مشكلة وعطوة وفصل يعني ليهسه نمشي بهالسوالف احنه مو غريبه علينه

اني اللي يمي شي هنود وشي كندين يموعون من الفصل هههههه


تسلم عالمرور المميز تحياتي ياطيب