زهيريات بمناسبة العيد

اهداء الى كل اهلنا في العراق بمناسبه العيد

طيف العزيزين كل غيبه شمس ياعيد
من يوم شالو غفاهم وحادهم ياعيد
هم ذبلوك على سنين الهجر ياعود
بين عليك جثير الشوك من لونك
وبنار حبهم مع الغربي يملونك
جانو احبابك يخايب مايملونك
ياعيد علش اگبلت من دونهم ياعيد

لو يرهم نگول بالمرسال عن الهم
انو دليلي بنار الشوگ عن الهم
حسيت جسمي ورة المچفين عان الهم
وانو الحوادي تشومل عالرحيل وعيد
وناديت ياسامعي گصر شويه وعيد
الناس تضحك فرح لو مر عليهه العيد
واني دليلي صباح العيد عن الهم

السلام عليكم

الله الله هيومن سلمت ايديك عالروعه والابداع وتقبل مني هالمرور البسيط:

كل يوم اكول الفرج ايا الفرج...ها مته
شامخ ابعلو النخل مادنكـــــت...ها مته
بحجار يرمي العثك كل الربع ...ها مته
ينطيه اغلى الثمر صدكني لو مر...حجر
وعليك تالي العمر بقيـــــــود رايد...حجر
من صار بيه الوزه واهدرو دمك ...حجر
صاحت ابطال العرب والغيره وي... هامته

مهموم حملي ثكًل حد العظـــــم ...من وصل
محتار بيهن حرت مشــدوه اشد...من وصل
كلبي جمر واحتركًـ ولاام الحسن...من وصل
دعوات هاي الربع واللي كتب ...من هلي
يانبع طاهر كرم وانتــــــي الي...من هلي
غيرج يم الحسن لو غــــربت ...من هلي
بحماج انه وعلي من ادعي دوما...من وصل

ما ضل طعم للفرح والعيد من تلنه
جف الحزن للهضم وأبعدنه من تلنه
دور عمرنه المضه من أولنه من تلنه
نيران تسوه الكًلب ورت كًفاه وجاي
ومن حر لهبنه الجمر مني توكًه وجاي
يا عيد ليش تعبت نفسك ليمنه وجاي
يا عيد محنه إلك يا عيد منتلنه

عذرا عالاطالة

ما ضل طعم للفرح والعيد من تلنه
جف الحزن للهضم وأبعدنه من تلنه
دور عمرنه المضه من أولنه من تلنه
نيران تسوه الكًلب ورت كًفاه وجاي
ومن حر لهبنه الجمر مني توكًه وجاي
يا عيد ليش تعبت نفسك ليمنه وجاي
يا عيد محنه إلك يا عيد منتلنه

العزيزة الغالية جروحة
الله الله على هذا الرد البديع
شكرا الج وتحياتي