جروحة تتحدى هل من مبارز؟

السلام عليكم

لا لاحد يتناوش التوثيه ولا السجينه ولا ابد اني اقصد المبارزه بالشعر



يالله دخيلك كلها هجمت عبالهم فزعه



اي بيت دارمي اي ابوذية اني مستعدة ارد عليها والرد يكون من تاليفي ومستعده لاي احد يريد يساجل ما عليكم الا ان تكتبون بيت شعر سواء دارمي او ابوذية وارد عليكم ان شاء الله والرد مني مو منقول من تاليفي ومستعده للمساجلة


طبعا اقبل اذا كان الشعر منقول منكم بس اني ردي يكون من تاليفي


يالله راووني همتكم هل من مبارز؟؟؟؟


شلون ما اشوف راح اشيل الموضوع واسويله حذف لان شكلها راح تتكاثر عليه الامه


تحياتي الكم ياطيبين

العزيزة الغالية جروحة
في البداية احييك على شجاعتك الادبية وثقتك في نفسك وهذا بحد ذاته شئيا مفرح اما موضوع التحدي فبأعتقادي لا يوجد لك مبارز يبارزك لانه وانا المتواصل معك في موضوع الشعر الشعبي لا اجيد نظم هذا الشعر وانما انقل واحفظ مااستطيع والان سامشي معك الى النهاية ولكن بدون تحدي وانما لقاء اخوة وصداقة هدفها فقط المتعة في تذوق هذا النوع من الشعر الجميل
وصلني امس في ايميل لاحد الاصدقاء بعدما سألته عن حاله الان وبعد مروره بكثير من الازمات فكان جوابه هذا الدارمي

اطلك والاطلك بيه يطلكله باثنين
مشندخ واله ست روس جا يطلع منين

تحياتي اختي العزيزة جروحة الغالية وتقبلي مروري

دمعة مسافر كتب:

السلام عليكم جروح

اي نتحدى ليش لا

دورت ما خليت لجروحي بلسم *** لاتنشد على الحال بس الله يعلم

تحياتي دمعة مسافر

تسلم دمعة مساافر عالمرور هذا ردي


يالتنشد اشدعواك لاتتعب الروح **** خلص عمرنه وراح بالحسره والنوح


يالله دمعة مسافر تتحدى بعد؟

Human كتب:

العزيزة الغالية جروحة
في البداية احييك على شجاعتك الادبية وثقتك في نفسك وهذا بحد ذاته شئيا مفرح اما موضوع التحدي فبأعتقادي لا يوجد لك مبارز يبارزك لانه وانا المتواصل معك في موضوع الشعر الشعبي لا اجيد نظم هذا الشعر وانما انقل واحفظ مااستطيع والان سامشي معك الى النهاية ولكن بدون تحدي وانما لقاء اخوة وصداقة هدفها فقط المتعة في تذوق هذا النوع من الشعر الجميل
وصلني امس في ايميل لاحد الاصدقاء بعدما سألته عن حاله الان وبعد مروره بكثير من الازمات فكان جوابه هذا الدارمي

اطلك والاطلك بيه يطلكله باثنين
مشندخ واله ست روس جا يطلع منين

تحياتي اختي العزيزة جروحة الغالية وتقبلي مروري

تسلم هيومن عالمرور الروعه لكن انا حبيت يكون تحدي واستفزاز للي يكدر يكتب واللي ميكدر يكفي ان يختار من ما سمع او قرأ وانا تعهدت بالرد ويكون الرد مني وبس يعني من تاليفي ويارب اكون عد حسن ظنكم وهذا ردي:


يطلكًـ الاطلكًـ بيه واصرخ معسره
لافرخ لا فرخين ثاريها حسره



انتضر التحدي القادم هيومن وتسلم ياورده

اسمر سمارك حلو والكذلة متره **** والكلب لو ينساك صدكني ابتر****
حياتي بس حبيت اشارك مو اكثر لان عجبني الموضوع ويعجبني الشعر ولو ماعرف اكتب اي شي***
تقبلي مروري


تسلمين عمري شيرين عالمرور الروعه


والبيت اللي اختاريتي روعه مثل صاحبته يسلملي الذوووق ياربي وهذا ردي:




زلفك متر يهواي والعين وسعه
وكًليبي لو ينساك من عركًه اشلعه


ها اكو بعد؟؟ يالله انتضر التحدي القادم :*)

المبدعة جروحة الغالية
هاج اخذي هذاي الابوذية واريد ردج عليها مع تحياتي

اريد الطم واسوي اللطم بلوان
عليه ويصب دمع العين بلوان
انه اللي عليه اطبكن بلوان
شيبي والهوى محرب عليه

Human كتب:

المبدعة جروحة الغالية
هاج اخذي هذاي الابوذية واريد ردج عليها مع تحياتي

اريد الطم واسوي اللطم بلوان
عليه ويصب دمع العين بلوان
انه اللي عليه اطبكن بلوان
شيبي والهوى محرب عليه

تسلم هيومن عالابوذيه الروعه

اني ردي المفروض يكون بدارمي وهو


ارد الطم انه اليوم عالفاركوني
شيبي ودهر ياحيف هالحاربوني


بس هم راح ارد عليك بابوذية من تاليفي واكول:

اريد الطم واكض روحي واسمها
ويصب دمعي على صورتها ورسمها
وصلت الموت وانه الهج باسمها
صغيره وشيبت كًلبي الخطية



يالله هيومن هل من جديد؟؟؟؟؟



تسلم عالتحدي ياروعه

كالوا حلو على الورد .... بس ماوصل حدك..
تدري انت شكد حلو .... وحتى احله من عندك...

تقبلي مروري

Sherin adib كتب:

كالوا حلو على الورد .... بس ماوصل حدك..
تدري انت شكد حلو .... وحتى احله من عندك...

تقبلي مروري

تسلمين عمري شيرين عالمرور الجميل وهم اقبل التحدي الحلو عجبني هالبيت كولش وهذا ردي يارب يعجبكم






غار الورد يهواي والسبب حسنك ** شال العطور البيه ويتمنه شمك




ها شوشو دارمياتج روعه اكو بعد؟؟؟؟؟؟ اريد تحدي وينكم يامحاربين

كلش حلو جروح تكون عندك هاي الثقة الكبيرة بالنفس بحيث توصل للتحدي
بس اهم نقطة لاتنسين عدم الاستهانة بالخصم هههههههههههههه..
اني محضر التوثية انتبهي جروح ههههههههههه..
ارجو ان تكون مشاركتي المتواضعة جدااا امام قدراتكم الرائعة جديرة بهذا التحدي .
واتمنى منك دائما تكون هاي الثقة هي منطلق لكل تحركاتك واظهار مواهبك الجميلة فبها متعة القاريء ..

تكول افرح تكول اضحك وانا هموم @@@ وانا ال دنيياي ماصحت ترى غيوم


في البداية اتمنى ان مشاركتي تنال اعجابك
وكلي شوق لسماع الرد على التحدي
تقبلي مروري
تحيـــــــــاتي

BA7R ALHMOM كتب:

كلش حلو جروح تكون عندك هاي الثقة الكبيرة بالنفس بحيث توصل للتحدي
بس اهم نقطة لاتنسين عدم الاستهانة بالخصم هههههههههههههه..
اني محضر التوثية انتبهي جروح ههههههههههه..
ارجو ان تكون مشاركتي المتواضعة جدااا امام قدراتكم الرائعة جديرة بهذا التحدي .
واتمنى منك دائما تكون هاي الثقة هي منطلق لكل تحركاتك واظهار مواهبك الجميلة فبها متعة القاريء ..

تكول افرح تكول اضحك وانا هموم @@@ وانا ال دنيياي ماصحت ترى غيوم


في البداية اتمنى ان مشاركتي تنال اعجابك




وكلي شوق لسماع الرد على التحدي
تقبلي مروري
تحيـــــــــاتي

********************


تسلم يابحر الهموم عالمرور الحلو وقبولك للتحدي ولان اول تحدي الك ويه جروحه راح ارد مو ببيت شعر واحد وانما بثلاثه واترك الحكم الك وللقراء واريد الرد باماانه وصراحه


متعجب بدنيااك ماصحت فد يوم ** اتجة عالمكسور والهم انا سموم

اضحك وانا المجروح ودمعي بعيوني ** ولا افرح الشمات واليكرهوني

يالكًلتي افرح يوم هو الفرح وين ** مكروهه جابت بت من بعد ذاك الزين


تحياتي للجميع وانتضر المتحدين التوثيه مالتك مفادت ويايه ها مو لو مو مو

اذا عينك ســـفينة تســــابق الإعـصار
أكيد الســــفن يمها بلا وشك ترسي
ولأن خايف تحسدك يا حبـيبي الناس
علـــــيك الفــــلق أقره وآية الكرسـي


تسلمين على الرد الجميل عزيزتي جروحتي وشوفي ردي ربي يكون يعجبج
تقبلي مروري

Sherin adib كتب:

اذا عينك ســـفينة تســــابق الإعـصار
أكيد الســــفن يمها بلا وشك ترسي
ولأن خايف تحسدك يا حبـيبي الناس
علـــــيك الفــــلق أقره وآية الكرسـي


تسلمين على الرد الجميل عزيزتي جروحتي وشوفي ردي ربي يكون يعجبج
تقبلي مروري

تسلمين عمري شوشو عالمرووووور الروعه يمكن اقوى تحدي لحد الان وراح ارد بدارمي على كل بيت وانتي واليقرون الموضوع تقررون شنو رايكم بس اريد بصراحه هاااا


يالله ندبي حياتي



اذا عينك ســـفينة تســــابق الإعـصار


ماظنتي عينك عين عينك تكهرب ** لاهي سفينة صيد لا هيه مركب





أكيد الســــفن يمها بلا وشك ترسي

حبك مثل اعصار واكتسح روحي ** ويم عينك انت اليوم ارست جروحي




ولأن خايف تحسدك يا حبـيبي الناس



من تطلع اترجاك غطي الوجه زين ** عيون البشر تيزاب لاتصيبك العين



علـــــيك الفــــلق أقره وآية الكرسـي



يامحله هذا الطول بين اليمرون ** اقره الفلق والناس خافن يحسدون

وهاي بعد بيتين مني الج هم على نفس التحدي:

بروحي سفينة شوكً وحبك دمرها ** هزها مثل اعصاار وزيد قهراا


طول وجمال الكون بعيونك انته ** كرسي وفلق والناس اقراها سكته


ها شوشو؟؟؟؟؟؟؟؟؟؟؟؟ وين التحدي الجديد؟؟؟؟؟؟؟؟؟؟؟؟

والله كلام و رد بديع و رائع والله بدون مجامله

ربي يقويج اكثر واكثر جروحتي عاشوااااااااا
وان شاء الله راح هم ارد عجبتني بس مو التحدي بل الشعر والدارمي والطريقه الي انت تجاوبين بعد احلى
تقبلي مروري

حياااتي شوشو فديت روحج تسلمين حبي عبالي بعد اكو تحدي يالله انتظر الجديد وين تحديج شوشو

هلووووو جروحة
اليوم راح اتحدى من صدك ونشوف التوثية هم تصير عود اسنان ؟؟؟؟؟؟؟؟؟؟؟؟؟

اريد اشوف شلون تردين عل تحدي مالتي؟؟ هههههههههههههههه
وريني شطارتك

امير بحسنك وطبعك@@ امير بشكلك ولونك
امير بنضرة عيونك@@امير بضحكة سنونك
امير وتبقى تاج الراس@@عذالك يشهدولك
امير مدوخ انت الناس@@وانا اولهم فدا عيونك



هاااااا جروووح يله شوفيني الرد ؟؟؟؟؟؟؟؟؟؟؟؟؟؟؟؟؟
انتضر الرد على التحدي بسرعة جروح او الاستسلام واني انصحك بالاستسلام هههههههههههه
تحياتي خيتوووووو جروحة...
بالمناسبة هاي الابيات البسيطة اهداء لشخص اغلى من الرووووح...

BA7R ALHMOM كتب:

هلووووو جروحة
اليوم راح اتحدى من صدك ونشوف التوثية هم تصير عود اسنان ؟؟؟؟؟؟؟؟؟؟؟؟؟

اريد اشوف شلون تردين عل تحدي مالتي؟؟ هههههههههههههههه
وريني شطارتك

امير بحسنك وطبعك@@ امير بشكلك ولونك
امير بنضرة عيونك@@امير بضحكة سنونك
امير وتبقى تاج الراس@@عذالك يشهدولك
امير مدوخ انت الناس@@وانا اولهم فدا عيونك



هاااااا جروووح يله شوفيني الرد ؟؟؟؟؟؟؟؟؟؟؟؟؟؟؟؟؟
انتضر الرد على التحدي بسرعة جروح او الاستسلام واني انصحك بالاستسلام هههههههههههه
تحياتي خيتوووووو جروحة...
بالمناسبة هاي الابيات البسيطة اهداء لشخص اغلى من الرووووح...

مشكوووووووووووور خيي عالمرور والتحدي والله يحميلك عزاز كًلبك يااارب حلوو التحدي واني قابله وهذا ردي وانت والقراء تحكمون اذا جانت التوثيه راح تخليني استسلم لو تصير عود سنون:


امير بحسنك وطبعك@@ امير بشكلك ولونك

طبعك حلو يهوااي من فدوه لاسمك ** ومن الصبح لليل اصفن برسمك



امير بنضرة عيونك@@امير بضحكة سنونك

ليلو السنون شلون من يضحك انجن ** ترمن سهام الشوكً ياعيونه بسجن


امير وتبقى تاج الراس@@عذالك يشهدولك


تاج انت فوكًـ الراس وتأمر على العين ** عذالك يشهدون ويه المحبين



امير مدوخ انت الناس@@وانا اولهم فدا عيونك


دوختي المحبين بحسنج ياميره ** لعيونج افدي الروح وكل العشيره



طبعا هاي عالسريع والا جان رديت اكثر بس اريد تحدي اكثر معقوله بحر بس هذا اللي تتحداني بيه؟؟؟؟؟؟؟؟؟ وين التهديد وين الوعيد


يالله وين حزب المتحدين؟؟؟؟؟؟؟ شو مدا اشوف اي تحدي


خلال عشر دقايق اني راده باربع ابيات هذا التحدي؟؟؟؟؟؟ اني اكًول لو تاخذلك فرصه كم سنه تلكه بيها شي تتحداني بيه



تحيااتي خيوووووو وتسلملي ياارب وانتضر التواثي الصدوك

يلا جروحتي شوفي هاي وكوليلي شنو رايج حبي****


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

Sherin adib كتب:

يلا جروحتي شوفي هاي وكوليلي شنو رايج حبي****


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

يـحلو الاطبـاع واصلني وقارب

كًرب حبيب الروح خليني اشمك ** طبعك حلو وافديه وبروحي اضمك



ماعندي اهل غيرك وقـارب

لا اهل عندي اليوم لا من كًرايب ** ببحر الحياة اليوم بس انت قاارب



سفينه بالبـحر ردتك وقـارب


ردتك سفينه اليوم وابحر بجالك ** وماهمني اليحجون بس همني حاالك

تشيل الحمل من يثگل عليـــه


غالي وازامط بيك يم اليكرهون ** ماحسبت يهواي تدلي اليشمتون




ها شوشو شنو رايج هل من جديد؟؟؟؟؟؟؟؟؟؟؟؟؟؟؟

هلوووووو جرووحة شلونك خيتوووووو
اكيد مامتوقعه راح ارجع اتحدى بس تحلميــــــــن ههههههههههه
لازم اخليك ترفعين الراية والا اكَلك ارفعي رايتين يمكن احسن ؟؟هههههههههه


كافي ثكَل يافلان تعبني صدك

تدريني زين اهواك امنيتي ضمتك

معقولة ماحسيت لو صخر كَلبك

صدكني اذا ضليت تبعدني عنك

او حتى اذا حسيت ماطلت كَلبك

ابعد واخليك يا الجنتي كَربك

بس كلي إمل واحساس راح ابقى قربك


تقبلي مروري جرووح ومشاركتي البسيطة


بالمناسبة هذا الابيات مهداة الى مالك القلب نشوووف تاليهاااااااااا

تحيـــــــــــاتـــــي خيـــــــتوووووووو

BA7R ALHMOM كتب:

هلوووووو جرووحة شلونك خيتوووووو
اكيد مامتوقعه راح ارجع اتحدى بس تحلميــــــــن ههههههههههه
لازم اخليك ترفعين الراية والا اكَلك ارفعي رايتين يمكن احسن ؟؟هههههههههه


كافي ثكَل يافلان تعبني صدك

تدريني زين اهواك امنيتي ضمتك

معقولة ماحسيت لو صخر كَلبك

صدكني اذا ضليت تبعدني عنك

او حتى اذا حسيت ماطلت كَلبك

ابعد واخليك يا الجنتي كَربك

بس كلي إمل واحساس راح ابقى قربك


تقبلي مروري جرووح ومشاركتي البسيطة


بالمناسبة هذا الابيات مهداة الى مالك القلب نشوووف تاليهاااااااااا

تحيـــــــــــاتـــــي خيـــــــتوووووووو

سلام خيوووووووووووو

تسلم عالتحدي هالمره شويه صار قوي التحدي مو هوايه شويه هااا


تدري ليش هالمره الابيات روعه اكثر من كل مره؟ لان مبينه من الكًلب مكتووبه

بس هم نحن لهاا وهذا ردي



كافي ثكَل يافلان تعبني صدك

تدريني زين اهواك امنيتي ضمتك


اتمنه اضمك يوم ياحلو العيون ** لاتثكًل اترجاك وتشمت اليحجون


************



معقولة ماحسيت لو صخر كَلبك

صدكني اذا ضليت تبعدني عنك




تبتعد عنه تريد من مايحس بيك؟؟ ** اصبر عليه وتشوف بروحه يخليك


****************





او حتى اذا حسيت ماطلت كَلبك

ابعد واخليك يا الجنتي كَربك



ما ابتعد وانساك يالجنتي كًربك ** تحس بيه اعرف بيك وتكتم بكًلبك



************




بس كلي إمل واحساس راح ابقى قربك

جروح

كًلبي التولع بيك للابد يهوااك ** راح ابقه كًربك دوم ولاتصدكًـ انسااك




هسه منو صارت توثيته عود اسنان؟ نصيحه خلي طول القماش الابيض بالروم لان الكل شكله رفع الرايه البيضه وماكو متحدي بعد

هلو جروحة العزيزة
اليوم اجة على بالي من ورا حادث مريت بيه وتذكرت دارمي قديم حافظه هو والرد مالته وحبيت اذكرج بيه لانه اكيد تعرفيه لكن عاجبني اسمع ردج انتي على الدارمي الاول مع شكري وتحياتي

ناكة شكثر للناس درن ثداياي
تاليها للكصاب ودتني دنياي

الرد

انه ما همني الكصاب العلك شلاي
همني الصديج الكال عيرلي من هاي

Human كتب:

هلو جروحة العزيزة
اليوم اجة على بالي من ورا حادث مريت بيه وتذكرت دارمي قديم حافظه هو والرد مالته وحبيت اذكرج بيه لانه اكيد تعرفيه لكن عاجبني اسمع ردج انتي على الدارمي الاول مع شكري وتحياتي

ناكة شكثر للناس درن ثداياي
تاليها للكصاب ودتني دنياي

الرد

انه ما همني الكصاب العلك شلاي
همني الصديج الكال عيرلي من هاي

هلا والله هيومن طالت غيبتك واشتاقينه لتحديك تسلم ياطيب

طبعا البيتين اني سامعتهن من بيبيتي الله يرحمها ويرحم امواتكم واكو بعد بيت يكًول:

ناكًه تحمل وتجيب وتدرلك حليب
تاخذها بيدك ليش يم الكًصاصيب؟؟!!



عالعموم الصوره الرائعة للغدر متجليه بشكل مذهل في هذه الابيات وساحاول ان ارد خلي نبدي بواحد واحد واكيد الابيات الحلوه القديمه صعب الرد عليها بس راح احاول وانتو التحكمون ...






الجواب:

ناكًه وادر الخير واطعمك بيدي
توديني للكًصاب وتحز وريدي؟؟!!


شكِرَه وتدر كل يوم وتطعم الاجاويد
تنحرها بيدك ليش وي جية العيد؟؟!!!

***** ملحوظه: شكِرَه: ناقة ضرعها ممتلىء بالحليب

سخن الحليب اسكًيك وتعبت برباك
ماصخ حليبي اثريه ماغزر وياك

**** السخن هو الحليب الماخوذ مباشرة من ضرع الناكًه و ترتفع فوقه الرغوة


*************


انه ما همني الكصاب العلك شلاي
همني الصديج الكال عيرلي من هاي



الجواب:

من الجلوه صاحب راد متعجب بهاي
ابني الرضعته يصيح لاتورده عالمااي



صاحب واهمن بيك وحيرني دهري
حز نحري اخويه وكام برجله ودفرني


شفت امي تحجي وياه وكًصابي ينحر
انطوني الكًلب اشويه وبيه اتسحر!!!!!!



***********


طبعا عاجبني اكتب بعد عن هالابيات لكن صراحه المنظر من تخيلته كًدامي مكدرت الزم دموعي فتعذروني من التقصير

انتضر تحدي جديد وتسلم هيومن الطيب ربي ميحرمني من طلتك ومشاركاتك الحلوووه

هلووووو خيتوو الغالية
جروووح فعلاً لمن اقراء مشاركاتك احس بالابداع والاحساس بالكتابة
وانتي تمتازين بتعايشك مع الكلمة قلباُ وقالباً
سلمت الأنامل خيتووووو .


ملاحظة مهمة اختي الغالية جرووح رغم صدق المشاعر في الكتابة الاإن دموعك اغلى من ان تسكب
اسأل ربي ان تبقى الفرحة تملاء قلبك ولا تفارقك الأبتسامة

تقبلي مروري اختي العزيزة وانتضر منك المزيد من الابداع

تحيـــــــــــــاتي