قصيده الــــــــــــى الام

اهديكم هالقصيده
وعسى ربي ما يحرم
كل انسان من عطف امه ويرجع كل غريب
اللي مثلي لداره سالم غانم
بجاه محمد وال بيته الاطهار

والله وداعتج والبيه والبيج ;;;; وداعت صفنتي المحد صفنهه

وحياتج والدمع ذاك البجيتيه;;;; وحك عينج الماغمض جفنهه

وحك بعدج وسهرج والمعانات;;; وحك ادروب الجدامج مشنهه

ما صيرن خشب والدنيه منشار;;;; اطيح اكبالهه وياكلني سنهه

ولاذب ثوب حزني الابسه اعليج;;;; ولاروحي ابجفاج اتفك حزنهه

لاكن ما الومج من تعتبين;;; الشواطي امعلمه اتغازل سفنهه

انخي الراد يوسف لعد يعكوب;;;; كل امفاركه ايرد ليهه ابنهه

دعاوييج جذب مطيح للكاع;;;; المثلج صبرت والله امتحنهه

امي اتوقعت كلشي من الايام;;;; ولامتوقعه يوم انباك منهه

عاشت ليل وحشه وهاجس اوخوف;;; وسنين المضت دفعت ثمنهه

الندم علك جرحهه امرايه بالبيت;;; بعد ماشربت الحيطان ونهه

واهسهه انكسر من دكت الباب;;;; وجرس كل ذكرياتي ايرن بذنهه

اشكثر تشتاكلي وتتمنه ملكاي** وانه اشتاك السوالفهه وحضنهه

رادتني اجيهه اشلون ماجان;;;; بس ايست مني وخاب ظنهه

جانت نهر يجري وشجره من طيب;;;;كل مغرب نرد نغفه ابغصنهه

جنه اطيور وجان اجناحنه الشوك;;; ولافد يوم صرنه ابعيد عنهه

اوجانت كبل مهره اتسابك الريح;;; زمان الخانهه وتيه وسنهه

]

القصيده اكثر من رائعه وتبقى الام هيه الحب الاعظم ...

لكن عندي نقد ارجو التقبل ...

اهديكم هالقصيده
وعسى ربي ما يحرم
كل مسلم من عطف امه

أعتقد انه راح يمر علينا بهذا المنتدى اكثر من ديانه يعني لو عندنا عنصريه مانبينها للناس ...

تقبلي مروري

دمعة مسافر

ــــــــــــــــــــــــــــــــــ

عزيزي دمعة مسااافر تسلم عالتنويه والنقد البنااء وغيرت مثل ما اقترحت تنبيهك بمحله وتسلملي عالمرور Smile

كلك ذوق جوجو

مشكوور طير النوارس من ذوقك ياطيب