قصيدة رائعة عن الاب

اصدقائي في منتدانا الجميل
مادام العزيزة جروحة قد وضعت قصيدة عن الام في المنتدى فهاانا اضع قصيدة عن الاب لانه لا استغناء عن احدهما ابدا مع تحياتي

***الابــــــــــــــ***
جنة ازعار نكعد وكت الغروب اباب الدار ننطر جية ابونة
يرجع مبتسم بس وجهة متعوب ومن ايشوفنة يضحكن اعيونة
يجي امحمل اشكال والوان وتظل اتلوم بيه امنة الحنونة
تعبك هذا تعبك لا يابو فلان تتعب والجهال ايضيعونة
لكن يبتسم ودموعة بالعين ويكل لمي التعب يستاهلونة
هذولة احزام ضهري بساعة الضيج والج بشدة يام فلان عونة
ابونة اعلى جتافة صغار وكبار لعبنة اسنين ماتعبن امتونة
يلبسنة حرير وهو محروم وقميصة امن التعب مكلوب لونة
واذكر لو لعبنة الوالدة اتصيح ابوكم نايم لتفززونة
الحد هاليوم صدك منك انخاف ونجل اسمك يوالدنة ونصونة
يا هنيالة اليسعدك واليرضيك ابرضاك الجنة ندخلها يا ابونة
ابونة بدنيتة مايوم مرتاح الدنية اوياه صعبة ومايملها
تعب جاع وعطش ما دنك راس ولا رخص ركبنتة ومرة ذلها
اصلب رجل بينة بمحنتة ايصير وكل صعبة التمر بيده يحلها
بس اضعف رجل بالعائلة ايصير اذا امي المرض مرة وصلها
امي اشكد تحبة اشكد تداريه امدللها الجبير وهو خلها
بس لو عضب مرة ولمي اندار ترجف خوق من ايباوع الها
ابونة امن المصايب يحمل اشكال ولا يحمل عتب امي وزعلها
عندة المهم يتعب واحنة نرتاح وابد منية اجد ماحملهت
علمنة الولد عون اهله بالضيج ومحبة اهلك ترة اتموت الاجلها
وجيرانك اعز من احتك اصير واغلى من نظر عينك خجلها
يرجع ظهرة منجي وجدمة تعبان وتتلكاه امي ويضحك الها
وكبل مانوصلة وتسلم اعليه الله يساعدج هو يكلها
رقيق وكلبة دافي طبعة محبوب ابونة ايغرك العالم حنانة
مايرتاح كلبة وعيونة متنام اذا منام كل واحد بمكانة
واذا لحظة انتاخر خارج البيت يقلق والدي ويطلع ورانة
وتولمة الوالدة وتردية يرتاح ويكلها ابركبتي ذولة امانة
تجي لحظات يصبح قاسي الاطباع وندري القسوة من حرصة علينة
دنيانة بحر واحنة ابوسط روج سفينة وهو ربان السفينة
يعاقبنة اعلى غلطة ويقسي مرات ولاجنة ابو الروح الحنينة
وبعد لحظات لو منة الزعل راح يجي ندمان ويبوس بدينة
الله موصي بيه باقدس اكتاب بالقران وامي وياه جعلها
يا رضا الله ورضا الوالديم وميزات الابو عونة الحملها
تقي ويخاف ربة بيوم الاحساب ويحمده على اللكمة الاكلها
احتضن امه وابوه اسنين وسنين وجفوفة شمع ضواها كلها
نظل نعلك العشرة الوالدي اشموع مثل ما لهلة كل عمرة شعلها[/center]

الحد هاليوم صدك منك انخاف ونجل اسمك يوالدنة ونصونة
يا هنيالة اليسعدك واليرضيك ابرضاك الجنة ندخلها يا ابونة
ابونة بدنيتة مايوم مرتاح الدنية اوياه صعبة ومايملها
تعب جاع وعطش ما دنك راس ولا رخص ركبنتة ومرة ذلها
اصلب رجل بينة بمحنتة ايصير وكل صعبة التمر بيده يحلها





الله الله هيومن روعه تسلم الايادي

تقبل مروري وهذه الابيات البسيطه بين الاب والابن:



الأب..
يوليدي بي ثنين لاتحط روحك
خافن شرار البين منهم يلوحك

الأبن...
يابوية ماخليت روحي على شينة
بس لو شفت محتاج اركض واعينة

الأب..
احفظ لسانك دوم من النميمة
ولو شفت بينة غير صيرلهه غيمة


الأبن...
يابوية لتضن يوم ابنك وشة ونم
أنة الشفت اسرار بية الله يعلم

الأب...
يوليدي سامح دوم حلوة السماحة
وصارح لون نوبات مرة الصراحة

الأبن...
ابنك وتعرف زين طينة شتالي
سامحت ناس هواي مرمرو حالي

الأب....
راعي الفضل والطيب اذكر جميلة
وبالعشك لاتختار غير الأصيلة

الأبن...
يابوية انت بهاي لاتوصيني
بالعشك والطيبات ميزان عيني

الأب....
من كثر حب الناس حب امك الكاع
ولو شفت بينة عليك لاتغضب ابساع

الأبن...
اتباهه وافخر دوم لو كلت ابنك
وبدربي شمعة اتصير كل جلمة منك


تحياتي لك

الله الله على هاي المحاورة البديعة بين الاب وابنه اخت جروحة
حفظك الله ورعاك وحفظ لك الوالد والوالدة ورزقهما العمر المديد
تقبلي مني اجمل تحياتي

تحياتي اخي هيومن** تسلم الايادي التي كتبت بحق ألاب
ومهما كتبنا او وصفنا من كلمات فهي قليله بحقه

**لاتبخل على هذا الاب با الدعاء له في صلاتك فأنه لأقل وادنى واجب في حقه ولو عملنا بما فينا يدا بيد لم نوفي له ذره من الذي عمله لنا
تأملوا هذه الايات الجميله
*{وقضى ربك ألا تعبدوا إلا إياه وبالوالدين إحسانا}
*{إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريماً}
*{واخفض لهما جناح الذل من الرحمة وقل رب ارحمهما كما ربياني صغيرا}
تقبل مروري.......