قصيدة فراق والم عمار ( قصيدة مهداة الى كل شهيد شاب عراقي )

انترس كل الكلب لوعات ......... وبعد مامش مجان الياخذ الوجعة
واظن بعيوني مامش بعد دمعات.............. ودمعات الحزن ما تنزل بسرعة
اشو كل العزيز الي نحبة مات........... يومية عزيز ايروح ونودعة
علينة بالسرة شو صارن النجلات ........ بس الحزن محد يكدر يمنعة
يذب عدنا الوكت بس الحزن والنوح....... وينسانة بفرح من ينطي ويوزعة
ولو ندري يعمار ترد بالدمعات ....... جاشط الوصل دمعة باثر دمعة
بسس ندري الدمع ميفيد ........ وندري الراح ما بية كل امل رجعة
وبعد قمصانة بيهن اثر دمعات .......... ومثل حركة جكارة صرت الدمعة
خل نروح انة وياكم ونمشي ......... نمشي للنجف ولعمار نتبعة
ونلكة هناك ملج الموت ...... ونحجي وياه وبلكن نكدر نقنعة
ونكلة المات مو هين ................ خلوق وطيب السمعة .
اعلة بختك يملج الموت ........ اجينة نريد عمار واحنة نترجاك نحجي وياة ونسمعة
اجينة نريد عمار واحنة نترجاك ............. نزفة بالخميس وتاخذة الجمعة
.,..,.,.,.,.,.,.,.,.,.
المقطع الثاني عن لسان حبيبتة ( خطيبتة)
يلمغسل دشوفة شبيه .......... حرف مدكوك بمتونة
يلمغسلاحبة اسنين ............... وما اكدر اعيش العمر من دونة
يلمغسل ولك بهداي ............ غسل لحيتة وسل اجفونة
وبالك لا تصل للعين ........ ترة انة الحبيبة الساكنة اعيونة
عشت عمري وكضيتة وياه.......... نضيف ولا تغسلونة
.,.,.,.,.,.,.,.,.,.,.,.,.
المقطع الثالث عن لسان والدة عمار
تقول
موش الموت الك يبني ......... يريت الموت الي اني
ييمة الموت ما يندل ....... اجة ليك وتخطاني
اموتن والله من فركاك .........واكيف بيه لوجاني
اشلون انطاك كلبك من رحت عني ......... موش انتة الجنت يا يمة عنواني
وانتة اصبرلي بس يومين........... اباب المكبرة اكعد تلكاني
.,.,.,
انكسر ماعون عمار بيش اصب الزاد........
وشلع كلبي يناس شكثر تانيتة
وقدر مكتوب وبنادم على الموت تاليتة
عود مكيفة انة وارد اعرسلة ....... وتوني اعلة العرس توني محاجيتة
وما اكل لمن يجي عمار ...... واظل بلا غدة واكعد متانيتة
واجاني الخبر عمار مات ........... والجاب الخبر مايصحة يا ريتة
والحسرة الهاكبرها الضلت بكلبي......... جية ما عرستلة وبيدي زفيتة
والهضيمة الها كبرها الضلت بروحي.......... ما شفت الجهال وما شفت بيتة
وغداة ضل بالجدر محطوط ......... تاليها بثوابة اليوم صبيتة

Thanks jroo7 , its really touchy and full of feelings , I couldn’t hold my tears while I was reading this one and the only words that I could think of is God may help all the mothers and everyone else who loses loved one .. Thanks for its really nice

تسلمين كًلبي ظل الياسمين ويارب الله يعين كل ام وكل اخت وكل زوجة وكل بنت فقدت عزيز وغالي اني هم مكًدرت احبس دموعي من قريتها مشكوره عمري عالمرور

ضيم وقهر والف رحمه ع كل الشهداء

مشكوره جروح

تحياتي دمعه مسافر

الله يرحم الجميع يااارب مشكور عالمرور دمعة مساافر الف شكر