إللي إمضيٌع ذهب

[color=violet]

إللي إمضيٌع ذهب

d]]بالغربه شِفتْ التَعب وإتعلٌمت معناه

وإتعلٌمت عالسهر .. والسكته .. والصفناه

ذلٌيت ذلْ النهر من ينكَطع مجراه

وإعرفت كل شي إعرفت

حتىٌ النخل ينحني الريح السفر من يجي

وجايب غريب إوياه

ألله !! يا هالوطن شمسٌوي بيٌه ألله

نيرانه مثل الثلج

كلما تدكَ عالضلع

أبرد وكَول إشٌاه

إللٌي إمضيٌع ذهب!!بسوكَ الذهب يلكَــــــاه

وإللي مفاركَ محب ...يمكن سنه وينســــــاه.

. والطاح منٌه الكًَلب كًلب إصطناعي

إنلكًه ويشكٌلونه إهنـــاه

بس إل مضيٌع وطــــــــــــــن

وين الوطن يلكَـــــــاه ؟ ؟ ؟

*****

* * *آه ياوطن يا خبز يالشارتك تكتل

!!آه يا وطن يا طفل ..

هِنياله منْ صاغ إلك نبض الكًَلب جنجل !!

يا وطن .. زٌفة كًَمرياعراكًـ زَفة كًَمر

ونجوم إله إتهلهلْ !!

عذبٌني ما عذبٌك ..إكتلتني ما أكتلك ..

طبع اليحب ينكتل موش اليحب يكتل

***آه يا وطن يا جَذِر !!

والجذر هم بيه طبع ..

لو مات من العطش للوادي ماينزل !!

علٌمني إل فراكًـ أعزف لحن غربتي إبقيثارة أشواكًـ

أسهر وحن وأنفعل وأتمنىٌ واشتاكًـ

مامش مثل ديرتي

لو نمشي طول العمر !!!مانلكًه مثل إعراكًنا إعراكًــ[/i]

[/color]

بالمختصر المفيد

لو نمشي طول العمر !!!مانلكًه مثل إعراكًنا إعراكًــ

قصيده روعه

تحياتي دمعة مسافر

لا والله مانلكًه مثل العراق بالكون كله

مشكور عالمرور الجميل والله يردنه لبلادنه يارب Sad

الاخت العزيزة جروحة
عاشت الايادي على تذكريج النا بهاي القصيدة الرائعة واللي اعتقد انها تعود للشاعر البديع عريان السيد خلف وكالها عدما رجع الى العراق بعد غربة طويلة قضاهه خارج البلد ايام السبعينات والثمانينات
وحبيت ارد على قصيدتج بقصيدة اخرى لنفس الشاعر وهي بعنوان المرثية الاخيرة وتدرين جروحة اجة على بالي اقتراح اقترحه عليج انو تفتحين صفحة خاصة لهذا الشاعر الكبير لانه يستحق الاهتمام وحتى نكتب بيه كل اشعاره وشوية شوية وتقبلي تحياتي

المرثية الاخيرة

منايانه غفل والدنية غدارة
وفواتحنة أكثرت والدمع يتجارة
وشارتنا الكبل .. جانت مثل للناس
هسه احنه النخاف اتلوحنه الشارة
جنه اعله المنايا انفوت متعنين
وعله زمور التفك لو ثار نتباره
وجان المشتهينه اندك عليه الباب
ونخلي اعلى راسه الفشك كبارة
وجان الموت يصفن من علينه ايفوت
ومن نصرخ ابوجهه ايبدل افكاره
حزب جان اليمسه ايموت كبل
الموت
وعلى هاي الشمايل كبرت زغاره
نمشي ابطولنا وبالفخر متحزمين
ويسورب ورانه التكثر اعذاره
صفينه انشاكف الطك بالاسف
والحيف
وندور عالبخيت انلوذ بكتارة
ياموت العفه ارحمني برصاصة
موت
ولاعيشن دجاجة بيت دواره

سلام ابايسكله ايدور الولايات
ولا يمشن وراه خمسين سياره
وابو كريم نصير وشعل كردستان
وظلت كل رفاقه اتسولف اخباره
وحسن نايب عريف وغير التاريخ
وثاير ماتحمه ابنار ثواره
وابو محيسن ترف ويخوض ماي
الهور
وبدمه الكصب يتعالن اكصاره
ياحزب الفواتح ياطريق الموت
ايمام الما يعور يستحي الزاره
ياحزب الضحايا ... امجتفين
اجتاف
نتنطر سرانه يحين مشواره
شني فود النخل لو طال بيه
الطول
والارض الخبيثة اتحوش جماره
يبن صالح وحكك.. وحك دم
سعدون
وحك ثارك الطاح وما طفت ناره
وحك ضحكة اعيونك والدعابة
البيك
ردتك ساعة الطك تنجوي بناره
بس يافشلتي ويا فشلة الحبوك
( جتل خنزير محد ياخذ ابثاره )

السلام عليكم

الف الف شكر هيومن العزيز عالرد الرائعبس تصحيح معلومه القصديه (اللي مضيع ذهب ) هيه للشاعركاظم اسمعيل الكًاطع وليست لعريان سيد خلف

اما عن الاقتراح فصار من عيوني ان شاء الله بالويكيند انزل الموضوع اللي طلبته وتامر

شكرا عالمرووور

وفقك الله عزيزتي جروحتي في كل امور حياتك ونورها لك ويجمع شملنا في بلدي ووطني الغالي العراق***
ألي مضيع ذهب بسوك الذهب يلكَه.......... بس الي مضيع وطن وين الوطن يلك

أرسم بغداد

رسمت جدولآ وقلت : هذا نهر الحسينية

تلصصت عليه المطارات

رسمتُ مئذنة ونخلة

ووحيدآ أوقفوني إلا من مرآة أحملها

تصفعني الأيام كلما صرختُ :

أبي يا أبي أو كلما توغلتُ في موتك

أهلت التراب على أحلامي

.................

تقبلي مروري

تصفعني الأيام كلما صرختُ :

أبي يا أبي أو كلما توغلتُ في موتك

أهلت التراب على أحلامي

ااااااالله شيرين روووعه كما عهدناكِ دووما

مشكوره عالمرور الراقي حبيبتي

قبلاتي لكِ

جروحه