ادخل واكتب اخر نكته سمعتها

[color=indigo][center][b]

السلام عليكم

كل منا له همومه ومسؤولياته اليوميه

دعونا نغسلها بنكته من النكات التي سمعناها

شارك بنكته او طرفه

تحياتي لكم

جروحه

واحد اشترة فديو باع التلفزيون
واحد بلع سفنجة نشف ريكه
واحد من حلاة روحة دبك
واحد شرب كهوة غص بالكراسي
واحد راح لراس الشارع ملكُاه
واحد طب زار طلع طاولي
واحد اجتة ضربة تايها دلاها
واحد طب سبح طلع كلايد
واحد انطفت جكارته دفعها
واحد مرته بيضة طكُها بالدهن
واحد وكف كُلبه شغله جطل
واحد مرته صينية قدم بيها جاي
واحد طلع ومن يرجع اكملك
واحد راح لباب الشرجي لكُاه مسدود
واحد احتركُت اعصابه انجوه
واحد راد يبني مستقبل ملكُه طابوكُـ
واحد عيونه خضر شرهم على الحبل
واحد سجينته عمية لبسها مناضر
واحد نصه التلفزيون عبر من فوكاه
واحد دشداشته عريضة شدلها طابع
واحد لبس عسكري شافه ضيق نزعه
واحد ضرب دالغه كتلها مكانها
واحد ضربه الهوا تعارك وياه
واحد كعد ويا نفسة مقبلت
واحد طبك حسه وخلاه بالكنتور
واحد انهزم النوم من عينه ركض وراه
واحد فاته الوكت اخذ تكسي وراح وراه
واحد شد حيله انقطع
واحد اكل شيش كباب زنجرت بطنه
واحد قدم عريضة طلعت رفيعة
واحد ضغط على نفسه انكسرت
واحد الفار لعب بعبه ذبله مصياده
واحد رسم دائرة وتعين بيها
واحد سوا خطة حصر نفسه
واحد راح للشعلة لكاها مطفية[/b][/center][/color]

***واحد سجينته عمية لبسها مناضر***

عاشت الانامل حياتي والله حلوه هل النكات بسيطه وخفيفه الظل
تقبلي مروري

تسلمين عمري شيرين على مرورج الراقي وربي ميحرمني من هالطله ان شاء الله

:555:

واحد محشش منع زوجته من زيارة اهلها يخاف علة نفسة من انفلونزا الطيور,كلتلة زوجتة: بس اهلي ما عندهم لا بط ولا دجاج ولا طيور, جاوبهة: بس امج بومة

ادخل واكتب اخر نكته سمعتها 910618

شرين

ههههههههههه شوشو قويه والله

سمعو هاي لعد

اكو محشش راح الى ايران جان اول ما دخل عبر عليه خفاش ؟؟؟
جان كال :ايباااااااااااااااااا ه حتى فيرانكم تلبس عباية !!!!!!!!

تحياتي

جروحه

هههههههههههههههههههه حلوة والله

لعد سمعي هاي

فد يوم دبابه رادت تدخل للمدينه ....وكفت بالسيطرة... ابو السيطرة سئل ابو الدبابه .. كاله شايل سلاح؟؟؟؟؟؟؟؟؟؟ جان يكول لا.. كاله لعد اعبر
Laughing

هههههههههه شوشو والدبابه شنهي؟؟

سألو بوش..اكثر اغنية عراقية تحبهة شنية؟؟ كال اغنية حافية القدمين لكاظم الساهر

تحياتي ههههههههههههههههه والله حلوة

اعمى گام يشوف صار بيه شلل من الفرحه.

تحياتي

شرين lol!

هههههههههههههه شكد فكًر خطيه

سمعو هاي

فد يوم طفل سأل امه ماما ماما وين ايصيرموقع الكًلب كًالت في اعلى وجنوب المعده كًال لعد اني سمعت بابا يكًول لبت جيرانه اني كًلبي بيدج

هههههه راح الابو بداهيه

ههههههههههههه قويه والله وراح الاب في ستين دهيه

ونسمع النكته
فد واحد راح يم الدكتور.. كًاله دكتور كل جسمي يوجع.. الدكتور كًاله وين شوفني.. المريض كًام يأشر با أصبعه على بطنه... وعلى صدرة ....وعلى راسه.. الدكتور كًام فحصه كًاله مابيك شي,,,

المريض راح للبيت... ثاني يوم خابر الدكتور وكًاله دكتور كُل جسمي يوجع.. الدكتور كًاله تعال.. كًاله وين يوجعك؟ كًام يدوس باصبعه على بطنه....وعلى صدرة و.... و... فالدكتور كًاله خليني اشوف اصبعك.....طلع اصبعه مجرووووووووووووح

lol!

تحياتي

شرين

ههههههههههههههههههههههههه والله كل النكات حلوه عاشت ايديكم يا بنات بس احلى شي عجبتني نكتت الصبع المجروح والخفاش

والكم مني بعض من النكات

كـل الهــواتف تــرن .. الا هــاتفي ســاكت

مـادري خـــلل فنــي .. مـادري الحبيب كاشت
مدرس ياسئل طالب محشش الثعلب يلد ام يبيض قال والله الثعلب مكارتوقع منه كل شي
ههههههههههههههههههههههههه

وهاي الكم نكته ثانيه
واحد قزم طاااااااح من الدور العاشر ماجاه شي ليش ؟؟؟؟
تعلق بالرصيف

ههههههههههههههه بنوته حلووووه والله عجبتني مالت الدارمي

سمعو هااي

عجوز كالولها تريدين زوجج لو كيلو بقلاوة ؟ كالت لا والله مو تعرفون عندي سكر

انتي الاحلى حبي جوجو

شلون عجوز ههههههههههههههههههههه

سمعي هاي حب

اكو فد واحد خابر لصديقه كاله لا تشرب الماي كله ليش كاله لان مسمم كعدت زوجته من النوم كالتله منو خابر كالها ماكو احد روحي شربي ماي ونامي هههههههههههههههههههههه

يبووووووووووووووو شكًَد خبيث لخاطر الله هههههههههههههه

لعد سمعو هااي

واحد بخيل من عائلة بخيلة سافر للخارج بعد اسبوع دزله اخو رساله وكًله ارجع حالا ابوك يريدك . خاف الولد ليكون ابو صارله شي حجز ورجع للعراق وصل للبيت شاف اخو لحيتة عالية كًله خير شكو . كًله طب شوفه لابوك.. دخل بسرعة الغرفة شاف ابوه كًاعد ولحيتة طويلة كًعد الولد جوة رجل ابوه وكًله يابة كلي شصاير.. التفت عليه ابوه وكًله: ولك يول ليش ماخذ الموس وياك متكًول اني واخوك بيش انزين

تحياتي الكم

جروحه

ههههههههههههههههههههههههه حلوه جوجو ادري قحط امواسه خو يرحون يشترون

سمعو هايه اكو فد واحدد راح يعزي صديقه بوافه زوجته كاله شلون ماتت زوجتك؟ كله والله نطحها الثور وماتت بعدين هذا الرجال صفن كاله زين هذوله الرياجيل اشعدهم امسوين هالسره شطولها كلها جايه اتعزيك؟ كاله لا كلها تريد تشتري الثور

هههههههههههههههههههه والله كل النكات حلوات

تسلمون يا اجمل ورود

ربي يديم هل الا بتسامات الجميله ان شاء الله

لعد سمعو هذه النكته قصدي اقروء ههههه

أكو واحد اثول كاعد علئ سكه القطار: اجه القطار دك هورن يمعود ولاجنه يسمع فضربه القطار وموته فراحوا عمامه ايدفنونه:اجه الدفان ايصيح عليه ويكله::اذا جاءك الملكان فقلهم الله ربي ومحمد نبي ويردد مرتيين ثلاثه::: فعمه كل للدفان عمي ادفنه ادفنه هو هورن القطار ماسمعه اتريده ايسمعك؟؟
Smile

هههههههههههه قويه والله زين شلون بالله يبطلون ميلقنوه؟؟

لعد اسمعو قصدي اقرو هاي

فد يوم أجتمعوا كل علماء العالم والعباقره و قاموا بصنع كمبيوتر لا مثيل له اي سؤال تسأله يجاوب فرادو يختبرون الكمبيوتر فجابوا امريكي و فرنسي و دليمي و كالوللهم اي سؤال صعب اسألوه و شوفو اذا يجاوب فدخل الامريكي و سال الكمبيوتر فجاوب و طلع الامريكي و دخل الفرنسي و سأل سؤال وهم جاوبه الكمبيوتر بعدين دخل العراقي و سأل سؤال فأنفجر الكمبيوتر فأحتاروا العلماء و سألوا العراقي عن السؤال اللي خلى الكمبيوتر ينفجر كال العراقي هال الكمبيوتر السخيف هوه بس سألته كتله شنهو ما شنهو شلونه ابو جاسم شكو ماكو اشو انفجر!!

جروحه شو انا ما طخت عندي هههههههههههههههههههههههههههه من اشوفج فسريها الي

يله خل ابدي شوي ابهاي الابوذيه

حبيبي الشوك لا تكطع وصاله
الك بالكلب كم غرفه وصاله
نجوى تروحلك فدوه واصاله
ولجل عينك لطيفه التونسيه

وهاي هم سمعيها

يا أغلى حبيب.. ومن نفسي وقلبي قريب.. ملامحك ضحكتك تذكرني.. بهندي يبيع
حليب

اتمنى عجبتكممممممممم هههههههههه

ههههههههههههههههههههههههه كل النكات المذكروة حلوة تجنن ودمها خفيف

واني عندي نكت هوايه بس اكو منها ما ينذكر هنا شلون؟

يلله راح اكتب لكم نكته سمعتها قبل فترة

كردي سئلوه من وين يجي الدبس؟؟؟ جاوبهم من القوطيه

ههههههههههههههه مع احترامي وتقديري لجماعتنه الاكراد

سلام عليكم يا حلوين سمعو هاي النكت اتمنى تعجبكم

بقرة صابها جفاف، نزلت حليب طوز خخخخخخخ

كلب شوارع مر بصف مركز شرطة شاف كلب بوليسي قال آخ لو كملت دراستي

محشش طلبت المحكمة منه شي يثبت ملكيته للبيت - جاب لهم صورته وهو يغسل البيت

ههههههههههههههههههههههههههههههههه شكرا الكم تقبلو مروري

ههههههههههههههههههه بنوته مو خوش دكًه عود ذكريني من نسولف اشرحها الج

وسمعو هاي النكته

كنغر سأل مرته: وين الولد؟ گالتله هذا بجيبي.. گالهه لا والله جديات..مو وكت شقه، وينه؟

ههههههههه خاص لجماعة استراليا

تحياتي

جروحه

ههههههههههههههههههههههههههههههه

اجمل نكات والله تسلمون يا ورورد

يله هذه نكته

فد حشاش اشترى سماعه تلفون ..فا ثاني يوم رجعها كلوله خير ليش رجعتها ..كاللهم شنو هاي اشو نفس الاغنيه ههههههه

ههههههههه يريد كوكتيل مو بالله

زين شوفو هاي

محشش اجا لبغداد شاف بنية تسرح شعرها بشسوار ....
كال ايباااااااااااااااااخ
بنات بغداد يكتلون الكًمل بالمسدس

ههههههههههههههههههههههههههه

عاشت الايادي وربي يديم البسمه على شفاهكم

وهاي نكته اليوم

ابليس هرب من العراق سئلو ليش : كال علمتهم عالغش والحواسم واشترو بيوت تالي يكتبون عليها هذا من فضل ربي

Smile

محشش راح يشتري دوش كال لابو المحل عندك مكينة اتسوي المي مثروم؟

هاي حلوة مو؟ههههههههههههههههه

تحياتي للجميع شرين

ههههههههه شوشو عجبتني مالت المي مثروم

تره هم صدك هههههه

ونكتة اليوم وصفتني من اعز النااس تعالو نسمعها

وراء كل رجل عظيم امرأة وراء كل رجل مسجون امرأة وراء كل رجل مديون حرب امرأة وراء كل حادث سيارة امراة وراء كل مشكلة امرأة وراء كل عراك جيران امرأة لا وفوكًاها ايسموهن الجنس اللطيف

طبعا لو ما غالين جان راويتهم شلون يحجون علينه بس يالله هم مقصرت اني

تحياتي

جروحه