بعدنه أبثوب أهلنه وذيج الأطباع
كظينه العمربمكا بر أشراع
ساجينه المحبه بدمعة العين
وصبرنه عله الفراك اسنين وسنين
مثل صبر المحطات اعله الوداع
رضينه وكلنه هذا الصار مكتوب
ابدأ ماجزعنه وكلنه جم دوب
تاخذنه الليالي الدنية الآحلام
ويردنه الحنين الذيج الايام
الي اهلي الودعوني وريحت الكاع
حسبينه اهواي ماجنت بالحساب
اسنين اتصير ركتكم يالاحباب
نرجه من الليالي الراحت تعود
نحن ليكم وباب المله مسدود
ياسوفه الوكت بينه اشترة وباع
بعد ذاك الوفه والطيب بينه
نسه النسيان روحه ومانسينه
ياما سلهمت عيني وغفة بالليل
واحنه مساهرين نصيح ياويل
قفلنه اكلوبنه ومفتاحهن ضاع.
تحياتي الكم اخوكم سيد القلوب ابو حيدر
الثلاثاء يوليو 19, 2011 8:38 am من طرف sohab
