-------------------------------------------------------------جتال صاحبه-------------------
فد يوم جنت دا امشي بشارع ليم ابو النيت ورك وجنت دا آكل موزاية ولمن اكلتهة ذبيت الكشر بالكع وجان اكو واحد وراية ديمشي بالشارع وبوكتهة داس على الكشر وزلك بي و وكع بنص الشارع وجانت اكو سيارة دتمشي بالشارع ودعمتة بس اشو هذا كام مبي شي فلمن باوعت عليه زين طلع هذا فاندام وآني مادري وراح عالسيارة وفتح الباب مالتهة ونزل السايق من عدهة وملخة كتل فلمن اجة شرطي المرور ديفاككهم فاندام شال السيارة وشمرهة على شرطي المرور بس السيارة مجتي بي واجتي بالتاتة لتوصل الركاب لامريكا اللي جانت دتمشي عالجسر والجسر جان اكو جوا بحر وبوكتهة لمن جتي السيارة بالتاتة انكلبت التاتة من الجسر و وكعت على سفينة تايتنك اللي جانت دتمشي بالبحر وانفجرت السفينة هية والتاتة ، فلمن صار الانفجار انتشرت الشظايا بكل مكان وجتي بالناس والناس كلهم ماتوا ، بس اشو قبل ما تنكلب التاتة على سفينة تايتنك آني شفت واحد طلع منهة وطار بالهوة ونزل على الكع فلمن باوعت عليه زين طلع هذا سوبر مان راكب التاته وآني مادري وبوكتهة اجة سوبر مان على فاندام وكمشة من ياختة وشالة بالهوة وشمرة بالهوة وبوكتهة فاندام وكع على واحد ديمشي بالشارع واللي جان ديمشي بالشارع طلع رامبو فرامبو شلع العمود مال الكهرباء من مكانة وضربة براس فاندام وبوكتهة الكهرباء انطفت على المنطقة كلهة بس فاندام رد كام وضرب رامبو بوكس طيرة بالهوة ورامبو انطخ بطيارة جانت طايرة بالهوة ومات وبوكتهة وكعت الطيارة على معمل مال قنابل نووية وانفجر المعمل هوة والطيارة والقنابل النووية وبوكتهة امريكا انفنت وكل الأمريكان ماتوا والطيارة جان راكب بيهة جورج بوش وهم مات وآني هم متت بس بوكتهة كشر الموز هو الوحيد اللي بقة .
وحاليا كشر الموز حاطي بالمتحف العراقي وكاتبين جوا (جتال صاحبه)
الثلاثاء يوليو 19, 2011 8:38 am من طرف sohab
