شكًول عليك يامهند

هاي شلون شغله هاي شلون بلوه خرب شغلنه من وره هذا التركي مهند ابو مسلسل نور
البنات بالعراق متخبلات عليه مسجات وسوالف وتلفونات متخبلات على مهند من اجتي هاي
الطركاعه وين جانت النه

والنوبه هاي ام ستار جيرانه خطيه مسويه قرايه مال نسوان بالاربعين مال زوجها ابو ستار الله يرحمه
حتى وره الاربعين تفك حزنها وتنزع الاسود وكاعدة تنتظر هسه النساوين يجن هسه وهسه وماكو
طلعن النسوان منتظرات المسلسل حتى يشوفن مهند بالله مو عيب المريه ام ستار الاربعين مال زوجها
وهي حزينه غير تشاركونها احزانها وخطيه زوجها مات موته مفاجئه خطيه رجع للبيت وفتح الباب
وشاف زوجته ام ستار لازمه صورة مهند وتكول سامحني مهند سامحني اني لو ادري
اكو بالدنيا والمستقبل راح اشوف مهند جان ماتزوجت هذا ابو خشه ابو ستار قبل 60 سنه ابو ستار
جنه ابو بريص مضروب شحاطه سامحني مهند عاد من ابو ستار سمعها هيج صار عنده سكته قلبيه
وكع يم ام ستار بس ام ستار ما اخذته راسا الى المستشفى انتظرت طلع المسلسل مال مهند وتشوفه
ومن خلص ودته للمستشفى عاد الطبيب كالها لو جايه قبل خمس دقائق جان لحكنه عليه مع الاسف مات

هاي شلون مصيبه بهذا مهند

وين قبل راحت علينه من جنت اروح لشارع الكراده من امشي بالشارع النساوين تصير صفين المحجبات على الميمنه
والسافرات على الميسره واني بالنص امشي مثل الطاووس اوصوص هسه اذا امشي بالكراده امشي مثل الدجاجه المهلسه الي هلس
ريشها مهند هذا منين اجانه

خو هاي ام راضي وبناتها العشره من تطلع المسلسل يتعاركن منو تكعد بالصف الاول حتى تشوف مهند ام راضي تكول
نقسم الحلقات بالتساوي كل ابنيه حلقه تكعد بالصف الاول وباقي الحلقات ام راضي تكعد بالبدايه لانه ماتريد بناتها يتعلقون بمهند هواي ام راضي تكول مراهقات موزين اني امريه عاقله وشايفه ولو ابو راضي جنه سلبوح بس جعب رجله بيه
شبه هواي من جعب رجل مهند التركي

والنوبه صالونات الحلاقه النسائيه قبل يحطون صور نسوان بكصات شعر بالواجهه مال المحل هسه كاموا يحطون
صور مهند حتى تجذب زبائن هسه بالله شايفين ام جبار الي تبيع كرفس ورشاد ومعدنوس كاتبه قطعه خضورات مهند

وتشوف النسوان كتل عليها والي تشتري تكلها بيش هذا كرفس حبيبي لو بيش المعدنوس الي شاغل عقلي وتفكيري
بيش الرشاد الي سرق قلبي

شكًول عليك يامهنــــــــــــــــــــــــــــد

ههههههههههههههههههه السلام على مهند ... اقصد عليكم ,,, طبعا بما انو اني يائسه من مهند حاليا كمت افكر بابو راضي لان جعب رجله بي شبه من جعب رجل مهند هههههههههههههههههههههههه وينك ابو راضي فديتك
شكًول عليك يامهند 955778

شكرا على هذا الموضوع الروعه تسلم الانامل الرقيقه الي كتبته

ام راضي اقصد رموش

هههههههههههههههههههههه ااام رااضي تسلمين عالمروور حبيبة عمري الله يخليلج ابو راضي وجعب ابو راضي هههههههههههههههههه

الله ميحرمني منج ياارب

تسلمين عالمرروور والله رَِدج احلى من الموضووع

:1184506478:

هاي صورة ام راضي وابو راضي مو بالله

هههههههههههههههههههههه واله ضحكت موضوع حلو

والاحلى بعد تعليق رموش الله يكون بعونها من جعب ابو راضي ههههههههههههه لان هذا عنودي مبين ههههه

تسلمين جروح العراقيه دائما ابداع

تحياتي
وطن عمري

ههههههه وطن عمري هو تعليق رموش اللي حله الموضووع بس لا يشلع كًلبها ابو راضي مثل ما مهند شالع كًلب حبيبته هههههههههههه

شكراا وتسلم عالمروووور ياطيب تحياتي