ارجع للعرااااق

بعد ما ريد فيزه ولا لجوء انـسان ............ .. عمت عين الاقامه الدنست صـيتي

واشكر كل صديق وكل خوي وكل جار ............ .. قـفل بابه ورفض يـقبل عراقيتي

خلف الله عليكم والوكـت دولاب ............ .. لا بد يوم يـنزل بيكم ارضيتي

لان اول امس كل البشر خـدام ............ .. جانوا للـعراق واكلـوا ابيتـي

جان الضيف عندي مكرم ومهـيوب ............ .. فوگ الراس اشـيله وهاي تربيتي

ما داعي اسولف وانه ابو النـهرين ............ .. ياهو الـما سمع اخـبار حنيتي

بعد بصـمات اديهم والطبع موجود ............ .. من جانوا جياع بوسط صيـنيتي

يـا دنـيه حرام ومـنكر ومـكروه ............ .. اذا ابـن الـعراق الـيوم وطيتي

معـقوله نسيتي اسم الـعراق بساع ............ .. لـو مثل الـبشر همّن تـناسيتي

مـيفيد الحچي ولا تـنفع الـچـلـمات ............ ... راجع يا وطن لترابـك الزيـتي

راجـع يـا حـبـيبة گـلبي يـا بغداد ............. .. وادرى بكـثر ما ونـيت ونيـتي

وادري لوحّدج عفناج صار سنين ............. .. وادرى من الحزن تابوت سويتي

جيب الاغتراب وحـطه بالـتابوت ............. .. يا غربه الـعراق شكثر اذيتي

ما اعيـش ابّحر مالح طـعم يا ناس ............. .. انه بسجن الـفرات وفقط حريتي

وترابي ذهـب والگاع من ياقـوت ............. .. ومن ثوب الكرامه البسهه بيريتي

واذا گالوا لترجع والوضع مو زين ............. .. اگول اني الوضع والزين تاليـتي

وميهمني بعد ليصير خلي يصير ............. .. طعم الموت اشرف من هجر بيتي

أموت بوسط خوتي ويا حلاة الموت ............. .. من اجمع اهلـنه واكتب وصيتي

وصيتي لو متت لتچفنوني چفان ............ ... لفوني بعلمنه وهاي امـنيتي

واذا تردون اليه بهالگبر ارتاح ............ .. امانة الله دفنوا وياي جنسيتي

شوقتينا جروح واحنا بداخل العراق شكرا الج وربي يحفظكم وترجعون للوطن سالمين

اووووووووووووووووف والله اتدمرت جرووح شنو هااي وكانها مو كلمات عبالك سجاجين تطعن بالكَلب خجلا على اللي ما كدَرنا نسويه للعراق غير اننا تركناه وحده اويلي علينا وعلى عذاب الضمير والقرءان اني متندمه على طلعتي من العراق اكَول لو باقيه ومقتوله هناك اكرم لي من الذل هناا ولكن ما نكَول غير الله ارحم الراحمين بس الله يعين اهلنا وناسنا هناك يعينهم على حياتهم اللي عايشيهاا ويعينهم على فراكَناا تسلمين حبيبتي جروح وان شاءالله العوده قريبه يااارب

007IRAQ كتب:

شوقتينا جروح واحنا بداخل العراق شكرا الج وربي يحفظكم وترجعون للوطن سالمين

االف شكر عراق 007 عالمروور والله يحفظ العراق والعراقيين بكل مكان بحق محمد وال محمد

تسلم ياطيب

تحياتي

جروحه

nanah كتب:

اووووووووووووووووف والله اتدمرت جرووح شنو هااي وكانها مو كلمات عبالك سجاجين تطعن بالكَلب خجلا على اللي ما كدَرنا نسويه للعراق غير اننا تركناه وحده اويلي علينا وعلى عذاب الضمير والقرءان اني متندمه على طلعتي من العراق اكَول لو باقيه ومقتوله هناك اكرم لي من الذل هناا ولكن ما نكَول غير الله ارحم الراحمين بس الله يعين اهلنا وناسنا هناك يعينهم على حياتهم اللي عايشيهاا ويعينهم على فراكَناا تسلمين حبيبتي جروح وان شاءالله العوده قريبه يااارب

حبيبتي نانا

الله يكون بعونج ياعمري مو بس انتِ اللي متندمه اني هم وحاسه بيج بس حتى يرجع الزمن للوراء نحتاج الى معجزه واعتقد انه عصر المعجزات انتهى

ربي يرجع كل غريب لاهله ويحفظ العراقيين بكل مكان ويزيل همهم بحق محمد وال محمد

مشكوره عالمرور المميز حبيبتي

تحاتي

جروحه