الجبــــــــــــــــــل

الجبل
---------------------------
على إبن آدم كفر يتكبر التفاح
لأن عاف الملك كله إعله تفاحة
زرعتك يا نخل وتحدبت عالطين
وآنا أدري النخل يعله إعله فلاحه
ما كَال الجدف شـّـل ساعد البلام
رفع خشمه البلم تالي إعله ملاحه
ما أجدف بعد هذا البلم غركـَان
من ينداس خشمه يطفحن صفاحه
إلمـّـن أشتعل ما ضل بعد بردان
مـَـيغم الجمر ويدفي بالراحة
يا بيت الشَـعـَـر شمصبرك عالريح
ماتوا كل هلك من شحة الواحة
وما يرضى الوكت يكسر عمود البيك
مرجوحة طفل سوتك رياحه
خليني اعله كصري الكصر مابي عيب
بس عار الجبل صعدته سباحة
مالوح الكَـمر مو لنه جفي كَـصير
بس شفت الكَـمر ياهو الإجه ولاحه
لخدود الشمس صدكـَني مامحتاج
بس آنا الصدك هم مكَـعدت راحة
أنكَــز بالجذب كلما شفت عنكَـود
ماحب العنب بس أطفر وكاحة
وأصد بيهن شكَـف وأكسرهن بيسراي
لأن جفك ردي وخابصني برماحه
أوج بيهن جمر وأتدفى مو بردان
بس كومة سعف وبجيبي جداحة
عبنك عبث وأغلب وأطـلبك جور
وأطحن بالصخر حتى أكسر الراحة
يالكلك ذنب تمسح ذنبنا شلون
تريد المحبرة نسميها مساحة
ما كَـلك صكَـر كد الصكَـر بس بوم
أعرفنه الصكَـر من خفكَـة جناحه
كَـاعد عالجرف وتعقب إعله الناس
إدخل للبحر ونشوف السباحة
وتفك بيا قفل مو جيّـم من سنين
وإبــّطنه إنكسر نصين مفتاحه
إذا فارس صدكَـ نتبارز آنا وياك
وإذا طب ثعلبك بي أمسح الساحة
كَـبلك بارزت والهد علي تمساح
فصلت الحذاء بجلد تمساحه
----------------------------------
للشاعر الكبير
الجبل نائل المظفـــــــــــــْر

تسلميين جرروح على نقلك هذذذذا الشعر للششاعر الكبير

مشكوور طير النوارس على المرور

تحياتي

جروحه