الموضوع مقفل ضرب الحذااء بالحذااء مع الصور والفيديو لن يفتح الموضوع

ههههههههههههه والله عاشت ايدج يا جروحه وعاش الزيدي بعد بس اسئل الله ان يفرج عليه ويرجع لاهله سالم غانم امين يا ربي والله ما ادري شنو بعد اكتب غير اكول لو ما بطل جان ما سوى هيجي

والله اثلج صدورنا فعلا ..اعتقد الف مره اعيد هذا المقطع من البارحه لليوم ..


هذا هو العراقي الاصيل ..اقبل اناملك يا منتظر الزيدي ...هنيئا لك بهذا الموقف البطولي


شكرا جروحه ..ادري يمته نزلتيها كارثه هههههه

تحياتي

وطن عمري

[

center][i]انا اعتقد هذا الحذاء راح يحتفظون بي بمتحف اللوفر الفرنسي
حتى يبقى تذكار وعبرة على مر السنين... ويكتبون تحته عباارة احذروا التقليد مخصص للرئيس المهان بووش
اني من البارحه لليوم اسئل نفسي , اكَول هسه هو منتظر من اشترى الحذاء وقااسه بالمحل
يدري بنفسه بيوم من الايام انه هالحذاء راح يرجم بي رئيس اكبر دولة مصخمه بالعالم الا وهو بوش العجوز؟
والله عاشت ايدك يا منتظر واسمك على مسمى لان الكل كان ينتظرك وينتظر هالموقف منك
انت مو فقط ضربت بوش واهنته بل اهنت اي رئيس عميل لبوش وهالحذاء اشرف من راس بوش واللي يمشون خلفه واذياله ههه والصورة توضح ذلك اخ ثم اااخ القاهرني التحفه اللي واكَف بصفه ابن امه وابوه اذا يكَدر هسه يطلع على القنوات الفضائيه ويعلق على اللي حصل لصديقه وحبيب عمره بشبش. الله بس يطلعك من افواههم يامنتظر يا بطل واللي حملتك تسع اشهر وربتك كل هالسنين ماخابت ولاخاب ظنها بيك ..وضربك لبوش ولعلمهم المشؤوم
يعتبر اهاانه الهم اذا كان عندهم كرامة اساسا
بس ان شاءالله ترجع لبيتك سالم وما يأذوك لان بقدر ما الموقف فرحنا,, بقدر ما ابكانا حزن عليك وعلى مصيرك
الله يحميك ياشهم من كل مكرووووه

وين جان هذا البطل القومي الي صار ابو حذاء الطاهر بزمن الخوف و التعسف وين جانوا
ضامين روسهم ماشفنا ضرب هل حذاء بوجه بعثي لو بوجه صدام ؟؟ لو هسه كلها صار براسها
خير و صاروا ابطال ...

على العموم هذا مجرد رأيي بس عجبي على الي جانوا ساكتين و هسه جاي يصيرون بروسنه ابطال ....

تحياتي جروح وشكرا للموضوع

و رجاءا مااريد تعقيب على كلامي لان هذا مجرد رأيي الشخصي و مالي خلك اناقش بي هههههههههههه خوش سالفه هاي

[/center]

تحياتي الى الاميرة الغاليه جروحتي عاشت الايادي وربي مايحرمنا منج ومن اختياراتج للمواضيع

والله الي خلف ما مات واكيد هذا الشبلُ من ذاك الأسد ربي يحميه من كل اذى وشر وتكون الايادي الي تمده على المنتظر تكون برد وسلام وصحه وعافيه للمنتظر مو الم بجاه كلمن عنده جاة

وربي يحمي ويحفظ العراق وشعب العراق ويظل مرفوع الرأس مهما كان

تقلبي مروي

تعقيب بسيط الزمن اذا تردون حذفوا المشاركه ...

كل انسان حر بأرائه سواء سلبيه أو ايجابيه يعني بس شخص يخالف الراي وياكم

راسا تلزمونه الباب ؟؟ ثانيا بالنسبة للفئه الي قصدتيها الي اني جرحتها نص العراق

تضرر بسببهم و من حقي ان احبهم أو اكرههم هذا رأيي الشخصي مايكدر احد يلغي

هذا الشي عني حتى لو كانوا من لحمي و دمي ...

على العموم اكرر مره ثانيه بدال هذا الجدال الطويل و العريض احذفوا الحجي و خلو بس كلامكم ينشر

شكرا

وتحياتي للجميع

JRoo7-al-iRaQia كتب:

ريماسـ كتب:

وين جان هذا البطل القومي الي صار ابو حذاء الطاهر بزمن الخوف و التعسف وين جانوا
ضامين روسهم ماشفنا ضرب هل حذاء بوجه بعثي لو بوجه صدام ؟؟ لو هسه كلها صار براسها
خير و صاروا ابطال ...

على العموم هذا مجرد رأيي بس عجبي على الي جانوا ساكتين و هسه جاي يصيرون بروسنه ابطال ....

تحياتي جروح وشكرا للموضوع

و رجاءا مااريد تعقيب على كلامي لان هذا مجرد رأيي الشخصي و مالي خلك اناقش بي هههههههههههه خوش سالفه هاي

سلام ريماس عزيزي

بالنسبه لرأيك اناقشكِ به

يعني اذا كان زمن صدام زمن دكتاتوري فهل معنى هذا ان نبقى نعاني من الخوف الى الابد ونبقى نخضع للجميع

هل يجب ان نبقى خاضعين للابد؟؟


هل ننتقص من كل عمل وطني بحجة (( اين كنا واين كانو )) ؟؟؟


هل نبقى كما النعمامة تطمر راسها في الرمال؟؟


هل تبقى رياح الماضي تطاردنا وتحطم امالنا؟؟


ثم اذا كان زمن صدام زمنا دكتاتوريا


افلا يعني هذا ان هناك شباكا من الديمقراطيه قد فتح لبلدنا؟؟ اولا يجب ان نستغل هذه الديمقراطيه ام يجب ان نغلق هذا الشباك ونقول لماذا لا نفتحه؟؟


كلمة اخرى عزيزتي


صحيح انه لكِ الحق ان تعبري عن رأيكِ وبحرية

لكن ليس لكِ الحق ان تصادري حق الاخرين بالرد او تستهزئين بما سيكون عليه ردهم


فكما نريد من الاخرين ان يحترموا ارائنا يجب ان نعطيهم حق الرد وحق المشاركه وحق التعبير عن الرأي




تحياتي لكِ وشكرا عالمرور




جروحه

و الديمقراطية تترجم بهذه الطريقة ؟؟

اني ما استهزئت برد أي شخص ولا صادرت حق الاخرين بالرد كل الي

كلته ما اريد شخص يعقب على كلامي ...

ما اريد المسئلة تكبر اكثر من هذا فقط ردت اشكرج الج جروح على ردج الهادئ

جنت احب اكمل كلامي و اناقش وياج بهذا الموضوع اكثر بس ابقى بدون نقاش افضل

مثل ما تفضلو احتفظ بي النفسي

حتى لا اسبب ازعاج اكثر ....

مع تحياتي مرة آخرى ...

جروح المسئلة كان العزف على وتر حساس جدا اعتقد هذا سبب الخلاف

و ثانيا اذا تنتبهين جمله الاخيرة من كتبتها وطلبت بدون تعقيب على كلامي وراها

ضحكت كنت امزح لا غير هذا اسلوبي دائما بنقاشات الجاده أو غيرها لازم ادخل المزحه

الي حاليا فهمته من يخالف رايي الاخرين هنا لازم يسكت ويحتفظ برأية

اولا الخبر سياسي و كلنه عدنه انتماءات مختلفه عن الاخر و الي يعجبك مايعجب غيرك

و يجوز ينفهم هذا تجريح بس هاي السياسة ( على اساس هسه احنه شلون محنكين بالسياسه)

بس كل انسان يحجي من وجهة نظرة اني هذا التصرف الي تصرفه هذا الانسان

ما أأيده يعني شلون هسه اني اعتبر عميله ؟؟ بدون شك كلنه نكره امريكا و سياستها الخاطئه

الي دمرت بلدنه بس هذا مو اسلوب ابدا ... تعرفيين اعراض هذا العمل بعدين شراح يكون

يجوز بهل يومين ما راح تبين بس بعدين راح تنركع بروس الصحفيين و راح تسبب ازمات كثيره

يعني ليش ننظر فقط من زاوية واحده و نترك زوايا الاخرى ... و تتصورون هذا فعل حضاري ؟؟

بدون شك بوش يستاهل القتل بس هذا التصرف راح يعكس علينه ...

الصحفي سلاحه قلمه مو حذائه رأيي مثل اغلب أراء اخرى هذا الشخص مجرد يبحث عن شهره

لاغير .... معقوله لغة العراقييين حاليا صارت الرد بالحذاء ؟؟ معقوله الناس تشوف هذا التصرف لائق ؟؟

حتى لو كان مع المحتل هذاااااااااا راح يظهرنه انو العراقيين ناس همج بدون حضااااااااره خصوصا بعد ما

نقلتها كل فضائيات العالم انتي بالخارج و اذا عرفوج عراقية بعد استلمي تعليقات و اسئله بهذا

الخصوص و غيرها من امور ثانيه الي راح تظهر بعدين ....

ارجع و اقول هذا رأيي بالنسبة الهذه القضية رأيي الشخصي لا غير ... اعتقد هواي امور تكدر تثلج

قلوبنا و تثبت مدى قدرت فرد العراقي بمجالات مختلفه علمية و فنية و غيرها يكون رد على المحتل

رغم تعسفهم و دمارهم بس فرد العراقي شلون جاي يثبت نفسه بجهده و تعبه حتى يرفع

راسه للعالم انو فرد العراقي رغم كل الصعوبات الي يواجها ببلده أو بالغربة حتى يحصل على شهاده

عالمية أو على وسام ... مو بتصرف همجي حتى يكسب الشهره و يظهر الفرد العراقي متخلف

متعجرف بدوي هسه يجوز العرب يفهمون

القصد و فرحوا بس الغرب تعتقدبن يفهون و يدركون هذا التصرف ؟؟؟؟؟؟؟؟



---------------- اذا كان بوش محررا للعراق فمن الذي دعم النظام السابق طوال فترة حكمه؟؟

شكرا جروح لطرح هذا الموضوع لان الكل و دائما يتجاهل هذا الامر

امريكا محتله العراق منذ زمن بعيد ... سابقا تَحكم و تحرك مهر الشطرنج من تحت الطاولة

و الان بشكل علني و بارز امام الجميع بس لازم ايجاد حل لطرد و قلع كامل لهذه الشجرة اللعينة

الي لحد الان ماجاي نوصله بسبب خلافات احزابنه و تفرق الي ديصير بين شعبنه ...

تحياتي اختي العزيزه جروح الغاليه ... لكي مني كل الاحترام والتقدير على مواضيعك الشيقه
اخيرا دخلت لاقرا وبكل هدوء مواضيعك الجميله .. والتي يسعدني ان اكون من روادك الدائمين على قراءت مواضيعك الجميله والتي اهدافها جميله وراقيه .

احب ان اعقب على موضوع منتظر الزيدي ... واتمنى من الكل قراءة تعليقي والرد عليها ... وسوف اكون فخوره بان اجاوب الردود وبكل احترام لاراء الاخرين
اعزائي الكرام من وجهة نظري فاني لا ارا بهذا التصرف سوى تصرف همجي لصحفي مثقف يملك سلاحا اقوى واكبر من هذا التصرف ... هوه يملك سلاح القلم والحبر .. وكم جميلا ان نملك قلما نكتب به ونوصل به ارائنا الى العالم ...

لم يكون يتصرف بنزع حذاءه وضرب بوش به ... ؟؟؟ لم يطرح اسئلته بوجه بوش والمالكي ويجعل منها صاروخا يفجر به احساسه امام الجميع
هل هذا التصرف تصرف حضاري وراقي ... امام المللا وامام جميع القنوات الفضائيه ...
اتمنى ان تفهمي كلامي جروحه انا اتكلم من وجهة نظر حضاريه ... اين احترامه للمالكي ... ؟؟؟ كرئيس وزراء يمثل العراق والشعب العراقي
لو كان الموجود رئيسا عربيا بدل بوش وسوف اعطي مثالا .... لنفترض انه من كان موجودا هوه ملك من الملوك العربيه .. او رئيس من الرؤساء العربيه ؟؟ هل يستطيع منتظر ان يرفع حذاءه ويحذفه بوجه هذا الملك او الرئيس؟؟؟

لن اقول اين كان هذا الرجل في زمن المقبور.... ولكن هل هي هذه الديمقراطيه التي تمثل العراق ... هل هذا مظهر حضاري لصحفي مثقف يستطيع بان يظهر رايه باقوى واجمل من هذا التصرف
ماذا حصلت يا منتظر .... اتعتقد هذا تصرف رجالي وفدائي .... والرجال بهذه الطريقه عندما يمسكوا بيهم يبكون ويصيحون مثل المراه ... اذا اين هي شجاعتك ... لماذا تصرح كالنساء عندما امسكوا بك امام الملا؟؟؟ اذااا ماذا ستفعل بالسجن والعذاب الذي سوف تلاقيه على ايديهم ... اين ذهبت بشبابك ؟؟؟
لا تقولوا لي بانه شجاع ... ودخل باب التاريخ .... بنظري انا من يصرخ كالنساء ليس برجلا .... ودخل باب التارخ من همجية ابوابه .... كما دخل صدام المقبور التاريخ من اوصخ ابوابه..

تحياتي لك جروح الغاليه وانا بانتظار جميع الردود وسوف اكون فخوره بان اجيب كل المشاركين ... وربي ما يحرمني منك يا طيبه ومن مواضيع القيمه والهادفه ..

خطاااايا الرووح