منتظر مره اخرى

:222:
:hruler01: :hruler01: :hruler01:

اقدم لكم اعزائي احدث ماخطته الاقلام على البطل منتظر

نبدأ مع الزهيريات

((منتـــــظر))

بوش الحقير النذل جان بقلق منتظر
ينضرب بالقندرة من ايد البطل منتظر
حقك اخذتو يول شنهو بعد منتظر
ثنين جنك ترس اتريد اكثر بعد
من ضربت القندرة لهناك عنهه بعد
هذا العراقي البطل امثاله عدنا بعد
عاشت يمينك فخر ياالزيدي يامنتظر

((التكتـــــــين))

مبروك بوش النذل تستاهل التكتين
ويستاهل اكثر بعد عشرة مع التك تين
الانذال بعدو القتل دخانهم تكتين
من حيث ندري كبل حسرة عليهم كطف
ارواحنا بلاذنب شكثر منها كطف
اليزرع احقاد شغير القنادر كطف
هم زين وحده فلتت مانجس التكتين

((زيـــــــــدي))
بغداد زيدي الضرب عل هالردي زيدي
نخوت عراقي تلد كل يوم وتزيدي
المرجلة مو ملك ماهي لبو زيدي
اليوم فاض البحر شط الفخر راسي
يبقى العراق علم مثل الجبل راسي
ضرب القنادر فشك وحذاك عالراسي
عاشت يمينك بطل قناص يالزيدي

*************

القناة البيها مثلك بالقنا در
ندر بالعرب مثلك بلقى نادر
نسويها اعله مودك بالقنادر
لأن ثائر صرت فجّر قضية

***********

منتضر رج الكون قدم ولائة

مو بيدة قاتل بوش واللة ابحذائة

*************

عفية خوية منتظر
يستاهل بوش القذر
قندرة وصناعة جيدة
اضن خسفتلة الصدر
يمة اهواية زلم غمة
والوحيد هوة الجسر
عاشت ايدك ياعراقي
زحت من عدنه القهر
انه اعتبرك مجاهد
واحركَت مية همر
----------------

يا منتظر يا منتظر
زين سويت يالعراقي
واستحه بوش انا شفتة
وقندرة جتة هدية
من منتظر هدية جتة
اشجابك لبغداد كَلي
صرت انته والله نكتة
وهاي تأشيرة خروج
بوش جبتهة النفسك انتة
-------------

كلبي البي زرف منهم وركعة
واندعي مابين ركعة وركعة
انركع بوش وصحت وركعة
وحتى الركعة طلعت صوت بيه

.................

و النعم من الزيدي منتظر
ظرب بوش بالحذاء و منتظر
شهم ماقبل العراق ينضر
شوف يابوش الغيره العراقيه...

.................................................. .....

حذاك فوك راس النذل هلهل
و من ايد منتظر لبوش هلهل
واجب على العراقيات اليوم تهلهل
شوباش لمنتظر راعي الحميه

........................................ .........

عراقي وبالحرب يرهب ضربهم
وكرمهم يشبع ويوجع ضربهم
منتظر الزيدي بحذاءة ضربهم
لبوش الكلب احله وداعية

.................. .................. ..............

تحيااتي

جروحه

ههههههههههههههه ابيات جميله

ادري يمته رتبتو هل الابيات الولد خطيه بعدنا ما نعرف مصيره والابيات والقصائد نزلت

تسلمين جروحه المبدعه

تقبلي مروري

وطن عمري

ههههههههههههههه وطن عمري

مشكوور عالمرور

تدري مادام السالفه بيها شعر شعبي اني اركض عليهاا ههههههه

تحياتي الك

جروحه

ما شاء الله عليهم السرعه بالكتابة والتاليف شي جدا جميل والابيات روعه وترتيبها فضيع

عاشت ايدج جروح

تحياتي دمعة مسافر

تسلم دمعة مسافر عاش غاليك ورده وشكرا عالمرور

الله يفك سجنه لمنتظر ياااارب

تحياتي

جروحه

السلام عليكم
نايس موضوع ورده ان شاء الله تعالى يفرجهه عليه وعلى كل العراقيين امين يارب العالمين

تسلم قصي ولو هو شيفرج بعد انحكم ثلاث سنوات ما اعتقد اكو فرج اكثر الله يفك سجنه يارب

تحياتي وشكرا عالمرور

جروحه