مدرب المنتخب العراقي الجديد فييـــــــــرااا

السلام عليكم

صراحة اني بالرياضة بس المنتخب العراقي والفرق المحلية وبس لكن فرحت من قريت مواضيع الاخوة الاعزاء مون وهيومن وعرفت انه فييرا راح يقود ولد الملحة مرة ثاانية وتذكرت القصيدة الرووعة اللي خلدة بيها شاعرنا الشعبي البطل رياض الوادي وسواها على اسمه كشاهد على امتناننا لفييرا الرائع ولولد الملحة ويارب منصورين دوم فقررت اكتب كلماتها واخلي رابط يوتوب ويارب تعبكم وتحيااتي الكم وعاشو ولد الملحة



عمي خلف الله عليكم سباع يهل الغيرة
وعمي خلف الله عليك فييرا


عمي خلف الله على نور العظيم
صدله طوبه گلت طبت باللحيم
غير ربك لطف بشعبة الكريم
چان شهرونه الجماعة شهيرة
وعمي خلف الله عليك فييرا


شفتو باللحظة الاخيرة..شلون چا صارت هدف
انا ابوي الحجي عنده..جلطة من يمه رجف
چان موتو العراق ..ونصها راحت للنجف
وچان عدنا الحجي طفة وهبط عنده امبيرة
وعمي خلف الله عليك فييرا


وين هذا الگال افوزن ...انا وي صحباني
گال اسجل عشرة يمكن ...واحد على الثاني
والله ذبحونه الجماعة بياسر الگحطاني
يالله وينك ما تسجل ..طلع بوخة شيرة
وعمي خلف الله عليك فييرا



شفتو جاسم من اجه لياسر گبل
هيچ لاحة شويه شو هذا انجطل
باگ كلش هوا منه ..يعني ياسر هم عطل
رجعاه يلعب مدافع ..لأن فچه يديرة
عمي خلف الله عليك فييرا


باسم رحيمة ويا حيدر ..ذوله ابطال الدفاع
خط دفاع الموت ذوله... الترتجف منه الگاع
يا شجاع الگابلاهم ..ينهزم هذا الشجاع
اللغز ذوله المحير.من صعب تفسيره
عمي خلف الله عليك فييرا



طول ويا كرار بيهم..طول يابو الموزمة
حيل رگصهم ترگص ..وانت ابن حامي الحمة
فرحت كل العراق ..الارض فرحت والسما
لأن شعب الغيرة احنا ..ومن صعب تغييرة
عمي خلف الله عليك فييرا


قصي وي هوار يركض..وابد ما لحظة تعب
هذا عباس ويا هيثم ..صالح البيهم لعب
ويونس بكلته العجيبة ..الفرحت كل الشعب
نسى كل هموم كلها..ونسى كل تفجيرة
وعمي خلف الله عليك فييرا



الناس يوم اللعبة گعدت ..بال12 يمكن ضبط
نست هم الغاز كله ..والتفخخ والنفط
ولو اول شوط متنا.وصعد عدنا احنا الضغط
المهم جتكم عقود وصعدت التسعيرة
عمي خلف الله عليك فييرا


رغم تفجير وتفخخ ..والبلد ما بيه امان
بكل مكان الناس رگصت ..ورگصو حتى المكان
وانا اتحدى مواطن ..ماشرب تحت اللسان
هيچ من طگها يونس براسه چن تفجيرة
عمي خلف الله عليك فييرا


ومن ركض مهدي كريم ...وغط عليهم چنه ذيب
شفت بس دريس يركض ..چنه هذا البيب بيب
واحنا هم نركض وراهم.. ننخى وينك يا مجيب
فرجلنّا على العراق ..وفرح الديرة
عمي خلف اللعه علي فييرا


خوب نشأت رگصاهم ..هيچ عالوحدة وربع
گام هيچ يخوط بيهم..داخو گباله الربع
والله لو عدنا امان..ومستقر عدنا الوضع
چان خلينا العراقي ..بالنجم تسعيره
والله خلف الله عليك فييرا


انتو شفتو فييرا لمن..خلصت اللعبة بچى
بقى صافن عالفريق..وكلمه وحده ما حچى
زلمة طاح البخت عنده ...والبخت وياه بچى
گال دوخني العراق..شلون شايل غيرة
عمي خلف الله عليك فييرا


الزلم مو لعبة لعبو ...چنها ساحة معركة
اي فريق اليجي يلعب..عالسريع نچكچكة
استرالي ويا كوري ..وي فريق المملكه
وياهو انكظة نغسله يحظر التأشيرة
عمي خلف اله عليك فييرا


الرابط:

https://www.youtube.com/watch?v=QuDdt5B2KPA&feature=related

مرحبا
جروحه موضوع روعه
بس الاروع الشعر
واتوقع اسلوب الشعر رياض الوادي
تحياتي غاليتنا

ههههههههه مووون اي هو واني كاتبه اسم الشاعر فيعني ااي هو سلامة الشوف البس ست عيون شكرا عالمروور الحلوو ياورده

مشكووووووووووور اخونه الغاالي دمعة مسافر الف شكر والله لو ما الحروب والضيم اللي العراقين يمرون بيه جان محد سبقهم الف شكر عالمرور الحلو ياطيب