مخلوقين كلنه نحبك لوحدك

اهداااء

الى اعز النااس

غير مسموح لك ان تهواااني يا اغلى البشر ...

كد ما حلو مني اغار عليك
وشحدي من اكرب واوصل لحدك
حدك مو سهل سور وعليه حراس
ما احسدك ملك من احسد بعبدك
احسدك يالعبد جي شافك بكل عين
وكل عين التشوفك تصبح بكًدك
معروف الخيال ويه الشمس ينشاف
واجه الليل وخيالك واكف بسدك
ما يقبل يعوفك دكًـ رجل علكًاع
من كًلناله وخر جلب بزندك
اذا هذا الخيال وما يهد يمناك
تعتب عالكًلب جي ما رضه يهدك
واحد انته واغلط من اعدك ليش
واحسب من جديد واغلط بعدك
لان تحمل مزايه تكفي كل الناس
وتنكًط ترافه الكًبلك وبعدك
حب من طرف واحد وافتخر وياك
وشحدك تحبني وتعشك شحدك
مامخلوق اضنك تعشك اليهواك
مخلوقين كلنه نحبك لوحدك

تحيااتي

جروحه

اللـــــــــــــه يا مبدعه جروحه

واقول ..
ما اعوفك جذب والكًالك جذاب ...ولاتكًدر حبيبي بيوم تنساني

من تضحك تردك ضحكتك للشوك ..ومن تحزن تشوف بعينك احزاني

اسرارك بكًلبي وما بحت فد يوم ..ولا كًدرو عليه وباكًو الساني

ضميتك جرح واتجه على ال احا ..ومكابر ضحكتي كًبال عدواني

من تيهت روحي ورادو يدورون ..اجو يمك لان انت عنواني

دائما قمه في الابداع

تقبلي مروري يا اميرة المنتدى

وطن عمري

هو منو الروعه؟؟؟؟؟؟؟؟

منو الابدااع؟؟

عمي اني عزلت

بطلت

بعد ما اكتب

يكًولي روعه

عمي انتَ الابداع وانتَ الروعه

شوف شكاتب

بسيطه اني اارد عليك بهذه الابيات:

ماعوفك بعد والكًالك وهمان
لو سم تنكًلب همين اشربك
اذا حبك بحر اقبل اجازف بي
صرت سفان انة بهذا بحرك
وافرض لو خسرت بحبك بيوم
مااجوز انة ابد يومية اجربك

ها هسه شتكًول؟؟

بعدك تتحدى جروحه بالشعر الشعبي؟؟

تسلم عالمرور الروعه

تحياتي

جروحه