جاوب على السؤال واسأل اللى بعدك ... بس بصراحه !!!

تحياتي الك وطن عمري

بس شو مجاوبت سؤال شوشو؟؟؟

يالله اني ارد

ماكو شي اسمة خيانة بعذر

الخيانة -براي- خيانة ما الها اي مبرر

نجي هسه لسؤال وطن عمري

همممممم

التواريخ هواايه مثل مكًلت

بس انته محددت تريد تاريخ سعيد لا ينسى

لو تاريخ حزين؟

يعني مثلا من التاريخ السعيد عندي

يوم 9/4
يوم 2/11
يوم6/6
يوم22/12
يوم30/10
يوم21/12
يوم5/12
يوم ويوم ويوم

هنه هواايه

كل واحد النه بيه مناسبة

بس خلي اكول هسه عندي مناسبة حلوه بيوم 2/11
لان بهاليوم اني انولدت من جديد

وما اكول اكثر

اما التواريخ اللي اتمنه ان تمحى من حياتي فمثلا يوم اللي سافرت بيه من العراق لاول مره يوم 17/2/1996 وهاليوم الاسود ما انساه وغيره اياام سوده هواايه لو ردت اعدد تمحي نص شهور السنه اذا مو اكثر

نجي هسه لسؤالي

السؤال يكول

هل الانانية مشروعه بالحب؟

تحياتي لكم

جروحه

هل الانانية مشروعه بالحب؟

سؤال حلو جروح

وجوابي يكون الانانية مشروعه بالحب لكن مو انانية حرمان الحبيب من كل شي بل انانيه احساس وروح ومشاعر وكلمات الحب أن تكون الطرف الثاني وبس النظرة تكون الي الحب يكون الي الابتسامه تكون الي اشياء بيها انانيه لكن انانيه ايجايبه وصدكيني احلى شي الانانيه بمثل هذي الظروف لان تعبر عن حب عميق بس تدرون احلى شي وين بالانانيه من الطرفين يعرفون معناها ...

سؤالي

ما الكلمة التي تسعدكِ / تسعدك عند سماعها أنـــــــا مشتـــاق او أنـــا احــبــك ؟

جوابك راقي دمعة الف الف شكر

اتفق وياك بان الانانية مشروعة بالحب الى حد ما

نجي لسؤالك

اذا لازم وحدة من الكلمتين اللي ذكرتهن فكلمة انا مشتاق احلى

لان الانسان من يشتاق معناها يفكر باللي يحبه هوايه موبس حبه وانتهى الموضوع

لكن احلى كلمة احب اسمعها هي دعوة مو بس كلمة وهي:

ربي لايحرمني منج

هواية احب هالكلمة وارددها ايضا

نجي لسؤالي

لو غاب عنك / عنج الحبيب او الحبيبة لاي سبب قاهر تلح او تلحين بالسؤال لو تتحمل/تتحملين الغياب بدن ازعاج الطرف الاخر?

خلص البريك لازم ارجع للشغل اشوفكم من البيت

تحياتي

جروحه @work

جوابج نفس جوابي كلمة مشتاق تلخص الحب كله ...

نجي ع سؤالج يا جروح @work

بس من تشوفين جوابي راح تكونين @home

لو غاب عنك / عنج الحبيب او الحبيبة لاي سبب قاهر تلح او تلحين بالسؤال لو تتحمل/تتحملين الغياب بدن ازعاج الطرف الاخر?

بكل صراحه گلبي ينشغل عليها واذا اتاخرت ماتحمل و حتى لو ازعجها المهم اعرف هيه بخير وسلامه ربي يحفضها اليه :36_3_1:

ونجي ع سؤالي

شكد عُمر اقدم صداقة لكِ او لك وشنو هوه احلى موقف صار بيناتكم وموقف حزين ؟

تحياتي دمعة مسافر

جوابك راقي دمعة مرات نضوج الطرف الاخر بالحاحنه وخوفنه عليه لكن يكون المحب مثل الام اللي تقلق من ابسط الامور على ابنها وتتلهف عليه

نجي لسؤالك وهسه اني @homr اكيد

شكد عُمر اقدم صداقة لكِ او لك وشنو هوه احلى موقف صار بيناتكم وموقف حزين ؟

اقدم صديقة عندي هيه صديقتي اللي بالسويد واحنه صديقات من سنة 1989 من المدرسه ولحد الان رغم انها بالسويد واني بكندا وكل وحده بينه عدها همومها بس احنه على اتصال يومي سواء بتلفون لو مسن لو بالتوك لو حتى كان المفروض نلتقي بالجديد بس مرهمت هالسنة علما انه اني وهيه تفاركَنه من سنة 1996 من سافرت اني لكندا

احلى موقف بينه: كل يوم يمر النه موقف حلو بس احلى موقف بينه هو من انقطعت اخبارنا عن بعض مدة سنة وبعدين اني حصلت رقم تلفونها سنة 1998 وخابرتها ومعرفتني بالبداية ورادت تسد التلفون كًتلها اكًولج كلمة سر تخليج تعرفيني بس كًتلها كلمة (خروف) عرفت على طول وابوها كان يمها كًالها منو كًالتها مدام كًالت خروف هاي اكيد جروح وهو راد يبسطها عباله ناصبه عليه

اما اسؤا يوم فهو يوم اللي سافرت بيه اني من العراق وجتي تودعني ما اعتقد اكو كلمات توصف الحزن والمأساة اللي عشناها بذاك اليوم يكفي ان اكًول ان مرارتها لحد الان تسري بينه

نجي هسه للسؤال مالتي من البيت هالمره

جريمه تتمنى / تتمنين ارتكابها؟؟؟

ههههههه الله يستر بس

أجوبه في غايه الرقه تحياتي ومساكم خير يارب

وجوابي للجريمه الي اتمناها هو هو جاوب على السؤال واسأل اللى بعدك ... بس بصراحه !!! - صفحة 3 97947

جاوب على السؤال واسأل اللى بعدك ... بس بصراحه !!! - صفحة 3 351181

واريد اليوم ارتكبها

اكمش لوزة الي كان السبب في خسارة منتخبنا العراقي مرتين جاوب على السؤال واسأل اللى بعدك ... بس بصراحه !!! - صفحة 3 901697

وعلى القبله بدون نقاشش

وسؤالي *** ماهو رأيك أو في نظرك السبب في خسارة منتخبنا العراقي من خلال المبارتين التي خاضها في كأس خليخ 19؟

تحياتي

شرين
جاوب على السؤال واسأل اللى بعدك ... بس بصراحه !!! - صفحة 3 639392

جاوب على السؤال واسأل اللى بعدك ... بس بصراحه !!! - صفحة 3 639392

قصه قصيرة جميلة يا جروح واتمنى يارب تبقون اصدقاء طول العمر ...

احلى سؤال اجى بوقته يا شيرين

وسؤالي *** ماهو رأيك أو في نظرك السبب في خسارة منتخبنا العراقي من خلال المبارتين التي خاضها في كأس خليخ 19؟

ومثل ما كلتي اراقب واصحح وان شاء الله راح اتغاضى عن التصحيح لان كتبتي خليخ 19 وماكول غلطتي وهاي اخر مرة وعد

نجي ع جوووووووووووووابي عن المنتخب يالله نبدأ

اول شي السبب الرئيسي ماكو وحدات تدريبي وتجمع للمنتخب وماكو لعبات وديه وماكو تحضير واتخيلووا شي واحد

انه تكت الطيارة من الاهلي الاماراتي هاي اشياء كلها سبب الخسارة

هسه اكيد كلتوا مدرب والاعبين وين ؟؟؟

الاعبين قصروا لان مو هذا ادائهم ويا انديتهم الي محترفين بيها ...

نجي ع المدرب اكيد غلطان والسبب انه يلعب بالتشكيله نفسها والاعبين انحفظو مع انه عنده احتياط رائع جدا ولاعبين اصلا ماسحبهم الي يلعبون بالدوري العراقي الي يتمنون ياخذون هاي الفرصه حتى يحترفون مثل بقية الاعبين لان بقية الاعبين محترفين اهتمامهم صار اقل ...

ااويلي شكد عندي بگلبي

نجي ع سؤالي

احلى شي بحياتك صار بسنة 2008 ؟

صرااحه هوايه صارت اشياء حلوه بهاي السنة بس احلى ما بيها التقيت باعز الناس الغالين على كًلبي واللي مراح اذكر اي اسماء لان يعرفون نفسهم وربي يخليهم الي وميحرمني منهم بحق محمد وال محمد

نجي عالسؤال مالتي

الاغنية تكًول

جم مره التبعد واغفرلك**متكًلي اليغفر جم مره جمره

اغنية رياض احمد كلنه صامعينها

سؤالي

كم مره يمكن ان نغفر للحبيب؟؟

وهل هناك اخطاء لايمكن غفرانها مهما احببنا؟؟

تحياتي الكم

جروحه

كم مره يمكن ان نغفر للحبيب؟؟

وهل هناك اخطاء لايمكن غفرانها مهما احببنا؟؟

سؤال جميل تحياتي حبيبتي جروحتي

بالنسبه الي شخصياً اني مسامحه وانسى الي يأذيني بساع مو بيدي والله***
والى ابعد الحدود اغفر للشخص أو للحبيب بسسس فد شي واحد ما راح أغفرله للحبيب هي

((( الخيانه))) وربي لا يراويها لاحد ولا الي ******

جاوب على السؤال واسأل اللى بعدك ... بس بصراحه !!! - صفحة 3 351181

وسؤالي

هل تستطيع**تستطيعي ان تأذي حبيبك او حبيبتك والى اي حدود؟

تحياتي

شرين

بسم الله الرحمن الرحيم

هاي كل الغالين هنا مجموعين
ومحد ينيطنا خبر هم ماشي
العجايز بسوالفهم يكولون
التالي ربه عالي

واني اجيت على التالي
وراح اخلي عليكم شهود الليالي
اخي العزيز دمعة مسافر
لك مني تحيتي بكل ود واحترام
واحييك على هذا الطرح للفكره
التي تجعل الاذهان تستمر بالعمل
ويجمع من خلالها اراء وتجارب
ما بين سؤال وسؤال
ويشرفني ان انضم
لجمع النفوس الكريمه
من اخوتي واخواتي والاستمراريه معكم
وكان نصيبي سؤال الاخت
شيرين الطيبه المعاني
وهي انموذج راقي الوصف بالمنتدى
من حيث الشخصيه
اما سؤالها ؟؟ شلون هسه بالله
غير نموذجي –
لان اذا اجاوب عليه راح
راح اتصير كربلاء عليه من كل اخوتي
اانجرب ويا ماشين بالموضوع يا ماشين من غير مطرودين

السؤال الي كان من نصيبي هو

هل تستطيع**تستطيعي ان تأذي حبيبك او حبيبتك والى اي حدود؟

اتستطيع ان ندخل بمتاهات الحب منذ الخليقه
والوضع يختلف بوقتها وهذا الوقت
ولا اريد ان ادخل بتفاصيله

جوابي لسؤال اخيراً
بان الامور تاخذ بين البشر بنسبيه ولا تاخذ بالمطلق
على تصرفات البشر لكل منا قياسه يفرق-
عندي اقول هل سمعتم عن حبيب يكون سبباً في حببيه؟؟ اذى ؟
نعرف الحب تضحية
نعلم ان ترابط المحبين يكون من خلال معرفة ارضاء الحبيب بما يتمناه خياله وبنانه وحواسه واسماعه ما يحبه ويجنب ويدفع ما يبغضه ؟ هكذا علمنا الحب؟ وكلامي لكلا الجنسين .
اما ان تاخذها بايطار اوسع ومخالف ؟ نعم ؟ يوجد الكثير ممن يتخيل نفسه بانه يحمي حبه الذي تولع فيه ؟
وبحجة الحفاظ عليه تكون الغيره القاتله مثلاً التي تسبب
لكلى الجنسين اللضرر النفسي وما يفسر بدليها الشك,,
وهناك ومع الاسف مقوله من الحب ما قتل ؟؟
وهنا في هذا استشهادي به على اساس هذه المقوله .؟
فرغم الانتفتاح العلمي والاجتماعي والديني؟؟ نرى الكثير من الازواج رجاال او نساء – يسيرون في
(( طريق السحر))
وهنا تكون اقصى درجات الايذاء في الحديث الشريف ( من اتى كاهن او عرافاً فساله ., فقد كفر بما نزل على محمد) صلوات الله عليك سيدي

والذي بحجته يفسر لك من يدلك عليه بانه للحفاظ على حبكم للابد
(( حتى لا تطلع عينه بره ))
أي على اساس حواء الله يسلمها ما طلعت ابونا من الجنه كله مو بس عينه ؟
ونأتي لحاله ايذاء اخرى هي ؟؟
وحتى لا اكون على ماخذ الانحياز للرجال فنرى الرجل
في هذه الايام التي اتسمه بها حتى الفلاح بلوعي الثقافي وغيره
ورغم بقائه في مزرعته وارضه
وفنرى الذي وصل ارقى المستويات الفكريه والمواقع القياديه في المجتمع
ولهذا الوقت يستخدم اسلوب الايذاء بالضرب الجسدي . وتقبى المراه التي تسمى في مجتمعنا مكسورة الجناح . صابره لا لانها تحبه. لان الحب لا يرضى بالاهانه ؟ ولكن ترضى حتى تستمر برسالتها كأم لتربية اطفالها
رغم ما حصل وهنا يتكرر الاذى الى اكبر
( لان الاخ صار ابو ذارع واخو خيته على مرته )

الامثله تطول اختي العزيزه ,, لان الحياة اوسع من ان نضعها في اختزال في اثنين-

خيتي شيرين اني اعرف السؤال موجه شخصي للي بعد والمفروض بصراحه – بس اني وسيتها عناد ويه دمعة مسافر لان ما خبرني على هذا الموضوع . وفوكاها اني اليوم كفلته من سجن جروح ؟ بلكت الحك اسحب االكفاله .
خيتي تره هاي حجه الحجي بيني وبينج اتحجج بالمسكين دمعه حتى انهزم من السؤال- سؤال بكالوريا الله وكيلك

أي هسه اني اصير مقرر الاسئله للي بعدي

سؤالي يقول –
لماذا نحارب للأجل المذاهب ؟ ونتقاتل بيينا ؟ وكلها تصب من منهل واحد
ولماذا لا نحارب وندافع بكل الوسائل المتاحه عن الدين الاسلامي الذي أصبحت عليه صبغه صعبة الزوال من الاذهان –

يعني تريد تفهمني انه صدفة ان سؤالك يكون من نصيبي؟؟؟؟؟؟؟؟

مراح احجي

راح اصير خوش بنيه وحبابه وبس اجاوب

هاي اول مشاركه الك ويانه

الموضوع سهل مينرادله احد يدليك عليه لان كل خير يندل اهله وانته ابو الخير خيووو

اسال وانت وحظك من نصيب منو السؤال

بس لا اسئله شخصيه هاي هيه كلشي مبيها

خلي اشوف سؤالك اللي بيه نسايم ذاك الصوب

سؤالي يقول –
لماذا نحارب للأجل المذاهب ؟ ونتقاتل بيينا ؟ وكلها تصب من منهل واحد
ولماذا لا نحارب وندافع بكل الوسائل المتاحه عن الدين الاسلامي الذي أصبحت عليه صبغه صعبة الزوال من الاذهان

طبعا لست عالمه في الدين ولا انا خبيره سياسيه بل انا عراقية وانسانه وساحاول ان اجيبك باختصار لان سؤالك يفتح لنا جروح كثيره لم تبرأ بعد لكننا نحاول ان نهدئها

اعتقد ان السبب الذي يجعلنا نحارب من اجل المذاهب والاديان بصوره عامه هو اننا تركنا الدين نفسه

لم ينص اي دين سواء الدين اليهودي او المسيحي او الاسلامي على ايذاء الاخرين وقتلهم ومحاربتهم لانهم ليسوا من نفس دينك

الديانات السماوية تنص على الرحمه والمغفرة والانسانية وتنهي عن القتل فأذا ابتعادنا عن الدين هو السبب بتمسكنا بالقشور وانزلاقنا لهاوية التكفير والحرب

واهل كًبل كالو

موسى نبي - عيسى نبي - محمد نبي وكل من اله نبي يصلي عليه

اللهم صل على محمد وال محمد

اتمنى ان جاوبت سؤالك رغم اني حاولت ان اكون مختصره كلش فد نوب

نجي هسه لسؤالي والله يعين اللي راح يجاوب عليه

الى اي مدى يمكن مصارحة الطرف الاخر بماضيك / ماضيكِ مع الاخذ بنظر الاعتبار اننا مجتمع شرقي متشدد؟؟؟

تحياتي وعذرا عالاطاله

جروحه

الله الله

نورتنا ازور الغالي بطلتك المشاكسه دائما وهذي الحلاوة الي بيها دائما

صديقي الغالي بصراحه عندك حق المفروض أي موضوع بيه اسئله ونقاشات نرسله واحد للثاني حتى تكون المشاركه كبيرة والاستفادة اكبر و أن شاء الله اي موضوع يصير راح ادزه الك برساله وأني الممنون منك ...

نجي ع سؤال جروح واسهل سؤال سالتي عكس الي كتبتيه الله يعين الي يجاوب ...

الى اي مدى يمكن مصارحة الطرف الاخر بماضيك / ماضيكِ مع الاخذ بنظر الاعتبار اننا مجتمع شرقي متشدد؟؟؟

وبكل صراحة مصارحة الطرف الثاني شي مهم واساسي لان راح تنبني ثقة كبيره مايهزها الزمن ومهما صارت احداث تبقى الثقة الي تبني رابط أبدي بين الطرفين ...

أبدي احجي عن نفسي واكول اني صارحت بنسبة 99% عن الماضي واكيد راح تتسالون ليش بقى 1% أكيد هذا مو صريح واني اكولكم ممكن تصير احداث هوايه وممكن الانسان
ينسى شي منها والي متاكد من عنده كل شي اساسي ومهم كلته وهذا لارضاء نفسي قبل ارضاء الطرف الثاني ...

نجي ع سؤالي

في ساعه صفاء مع نفسك ماذا تتذكر في هذي الساعه وماذا تحب أن تقول لنفسك ؟؟؟

تسلم عالجواب الروعه دمعة مسافر اتفق وياك انه الصراحه واجبه بغض النظر هم العواقب مدام اكو ثقه خلص الماضي ملك منتهي محد يحاسب عليه

نجي لسؤالك

في ساعه صفاء مع نفسك ماذا تتذكر في هذي الساعه وماذا تحب أن تقول لنفسك ؟؟؟

اتذكر الماضي القريب البعيد واكًول لنفسي لو رجع الزمن مراح اتصرف بهالطريقه لكن اللو زرعوها وما خضرت وكلمة ياريت ما عمرت بيت

نجي لسؤالي

مالشئ الذي يثير غضبك بحيث مستحيل تسامح عليه حتى اقرب الناس الك لو مهما يكون؟؟

تحياتي والاسئله يوم بعد يوم جاي تصير احلى

جروحه

مالشئ الذي يثير غضبك بحيث مستحيل تسامح عليه حتى اقرب الناس الك لو مهما يكون؟؟

هوه شي واحد ما اسامح عليه الخيانة بكل انواعها ...

نجي ع سؤالي

شنو رأيك بالحب من اول نظره هل صحيح هذا الشي او لك وجهه نظر ثانية ؟؟؟

تحياتي دمعة مسافر

بسم الله الرحمن الرحيم

لك تحيتي سيدي العزيز دمعة مسافر

واحب الاجابه بشي يعطيك رأيي بهذا السؤال الذي كتبت من خلالك

شنو رأيك بالحب من اول نظره هل صحيح هذا الشي او لك وجهه نظر ثانية ؟؟؟

ج/ انا اؤمن بأن الحب من النضره الاول متواجد على مسار هذه الدنيا الكبيره

ولكن في هذا الوقت الراهن اصبحت نسبته اقل مما كانت عليه

لان هذه الايام نرى الكثير من ان الأذن تعشق قبل العين احياناً

وكذلك هناك حب المواقف التي تمر بها

فترى قلبك يتجه نحو من يكون اول المسعفين لك

والمواقف لا احددها بحاله وانما بالعموم كلامي

وهذا يمكن يفسر لك حب الحواس اجمعها

لك مني تحيه واتمنى اكون وفقت في الاجابه

اما سؤالي للي بعدي

فـــــ هو :-

لماذا نسرع بلحظات الخوف والفزع لساكن القلب الله بالدعاء وطلب الاستغاثه

ولكننا بلحظات النعمه والسعاده نرى بان ساكن القلب ا(لحبيب او الحبيبه ) ونعيش اللحظه الاثنان معاً

فهل القلب هنا له وجهان ؟؟؟؟ scratch

اخوكم

اخوكم ازور العراق

السلام عليكم

بالنسبة لسؤالك اخويه الغالي حجي ازور

مثلنا مثل الطفل الصغير يلهو بلعبته

فاذا خاف شيئا لجأ الى امه

هل معنى هذا ان للطفل وجهان؟؟؟؟؟

ان الله اقرب لنا من حبل الوريد

والحبيب يسكن القلب كتعبير عن قربه لنا ايضا

ياارب اكون جاوبتك اجابه كافيه

نجي لسؤالي

لو فرضنا ان اليوم حفلة زفافك / زفافكِ والبدلة او الفستان احتركًـ او تلف بحيث مستحيل ينلبس

شنو راح تسوي / تسوين؟؟

تحياتي الكم

جروحه

حياك الله ازور وفقت بالاجابه ورأيك احترمه لكني ع نقيض وياك لان ماكو حب من اول نظره ممكن يكون اعجاب وبعدين تتوالى الامور لكن ماعتقد كلمة حب هذي الكلمه الي بيها معاني الدنيا كلها ممكن نطلقها ع لحظة

نجي ع سؤال جروح

لو فرضنا ان اليوم حفلة زفافك / زفافكِ والبدلة او الفستان احتركًـ او تلف بحيث مستحيل ينلبس

شنو راح تسوي / تسوين؟؟

أكيد اروح اشتري واحد ولازم الحك شلون لين لاتساليني

وسؤالي

اشنو اكثر موقف محرج مريت بيه ويا الحبيب ؟؟

تحياتي دمعة مسافر

ههههه يابدله اللي راح تشتريها بهالسرعه

بس اعتقد لو بنيه تكون اصعب الشغلة

نجي لسؤالك تره جاوبت عليه قبل شويه بس ملحكت ادز الرد لان فصل النت يمي

اشنو اكثر موقف محرج مريت بيه ويا الحبيب ؟؟

هممممممم

يمكن اصعب الموقف هي من تحجي شغلة وتنفهم غلط

وبالتالي يصير احراج بسبب سوء الفهم

نجي لسؤالي

هل هزمك حزنك في يوما من الايام؟

سلام عليكم ياورووووووووووود

وكل الهلا بحجينا واخونا الغالي ازور ** نورتنا
وما شاء الله عليكم الاجوبه والاسئله صارت احلى واقوى في معناها

ونجي ونكول لسؤال جروحتي

هل هزمك حزنك في يوما من الايام؟

اي جروحتي مو بس هزمني والله دمرني تدمير *** ربي لا تعود هذيج الايام

وسؤالي للي بعدي

هل للصبر حدود؟؟؟؟؟؟

تحياتي للجميع
شرين

الله يزيل همج ويفرجها عليج والعاجميع شوشو عمري

هل للصبر حدود؟

واجاوبج

يوصل بينا الحزن والالم احيانا الى ان نحس انه صبرنا نفذ وانه صبرنا اله حدود

لكن

الصبر طاقه

وبنفس الوقت هذه الطاقه نعمة من رب العالمين

ورب العباد رحمته ونعمته وسعت كل شئ

يعني مالها حد

لهذا احيانا من نتذكر مواقف صعبه نستغرب من نفسنه شلون صبرنه وشلون قاومنه

الله يصبر الجميع يارب

وسؤالي يكًول

ماهو الهدف الذي اردت انت تحققه/تحققيه واكتشفت انه اكبر من قدراتك؟؟

تحياتي الكم

جروحه

بسم الله الرحمن الرحيم

تحيتي لكل اخوتي المشاركين بهذا الموضوع الراقي

الذي يمكن فيه معرفة ما يحمله اغلب الاخوه

من خواطر ومعلومات وتجارب للحياة

وردأ على سؤال الاميرة الارهابيه

ماهو الهدف الذي اردت انت تحققه/تحققيه واكتشفت انه اكبر من قدراتك؟؟

ج- كنت ان اتمنى بهدف يسمو به الانسان في الدنيا والاخره

بدراستي علوم الشريعة والدين

ولكن لم يتحقق هذا الهدف

الذي لم افقد الامل في الوصول اليه باذنه سبحانه وبركة دعائكم يا محبين

سؤالـــــــــــــــــــــ يقول ـــــــــــــــي

----------------------------------------

ما رايك بالذي يقول بان الذي عينك تراه يبقى غالي وباقي في الذهن

وعندما تملكه يداك ويكون بمتناولك يكون اقل اقل بريقاً و اهتماماً ؟؟

اخوكم

7
7
7

ماشاء الله اجوبه جميلة جدا وهذا الشي متوقع ...

نجي ع سؤال ازورنا الغالي ...

ما رايك بالذي يقول بان الذي عينك تراه يبقى غالي وباقي في الذهن

وعندما تملكه يداك ويكون بمتناولك يكون اقل اقل بريقاً و اهتماماً ؟؟

رأي وبكل وضوح يا سيدي المحترم بأنه هذا الشي خاطئ بالنسبة لي ع أقل تقدير , لأن جميل ان تحلم بشيئا تراه عينك وتعشقه ويبقى بذاكرتك وعندما تلامس الحقيقة ويكون في متناول اليد ويكون اهتمامك لهُ اقل والحب واللهفه لرؤيته تقل ممكن وهذا الشي موجود عند فئه من الناس التي تهتم بشيئا ما وعندما تحصل ع هذا الشي يقل اهتمامهم لهُ والسبب راجع لطبيعة الاشخاص الذين يكون هنالك خلل فيهم او لنقول تركيبتهم البشرية او غريزتهم للاشياء تنعدم بعد حصولها لهم تحتم عليهم هذا الامر لكني عن نفسي اذا وقعت عيني ع شي وصار بمتناولي صار اغلى وأعطيته أكثر اهتماما والناس أشكال ...

ارجو أن لايكون جوابي طويلا ومملا عزيزي ازور

أما عن سؤالي

ماذا لو حرمك الزمن من اغلى أحبابك ماهيه اول كلمة تنطقها ===>>> الله لايحرمكم من أي غالي يارب

تحياتي دمعة مسافر

تحيااتي للجميع وفعلا اسئله حلوه واجوبه اروع من الجميع

اجي لسؤال دمعة مسافر

ماذا لو حرمك الزمن من اغلى أحبابك ماهيه اول كلمة تنطقها

الحرمان من الاحباب عذاب شديد وموت بطئ ولا اذاقه الله لاحد منكم يارب لكن حينما حدث هذا معي نظرت الى السماء وقلت: اللهم حسبي انت ونعم الوكيل واحتسبت واصبر لعل الله يجمع شم كل المتفركًين ان شاء الله

سؤالي هو

ماذا تفعل اذا احسست ان الحبيب قد غضب منك مع انك مقتنع اشد الاقتناع انك على صواب ولم تخطئ بحقه؟؟ وهل ستبادر بالصلح ام ترضيه على حساب نفسك ام تتحمل زعله؟؟

تحياتي لكم

جروحه

الله يلهمك الصبر يارب والله خير حسيب ...

نجي ع سؤالج جروح

اذا تفعل اذا احسست ان الحبيب قد غضب منك مع انك مقتنع اشد الاقتناع انك على صواب ولم تخطئ بحقه؟؟ وهل ستبادر بالصلح ام ترضيه على حساب نفسك ام تتحمل زعله؟؟

ممكن الحبيب يغضب لكن اذا يكون هوه ع غلط ويغضب هذا اسمه دلال أنا عن نفسي ادلل الحبيب لان هوه تؤام روحي وأكيد ارضيه لكن بعد كل هذا افهمه غلطه وأكيد لازم يقتنع لان شاف محبة وبعدها تكون مقتنعه بكل شي لان هذا اسمه تقدير واحترام المحبين ...

وسؤالي هوه

لاي مدة تحاسب صديقك وهل ترى عيوبه ام لا ؟؟؟

تحياتي دمعة مسافر

سلام عليكم جميعاً منورين بوجودكم واسئلتكم جاوب على السؤال واسأل اللى بعدك ... بس بصراحه !!! - صفحة 3 683103

للجميع

ونجي لسؤال دمعه

لاي مدة تحاسب صديقك وهل ترى عيوبه ام لا ؟؟؟

سؤال جميل

بالنسبه الي الصديق أو الصديقه** الي يكون بمعنى الصديق الوفي والحنون والي يكون اكثر من الأخ والأخت عمري ما راح احاسبها حتى لو غلطت بحقي راح اعوفها للزمن الي يثبت الها العكس لآن كثر المحاسبه سوف تبعد عنك كل الأصدقاء ******

واكيد راح اشوف عيوبها أو عيوبه بس راح اتغاظه عنها لمعرفتي بهذا الشخص بس في حاله واحدة لو هو أو هي طلبت مني ان اقول لها عن عيوبها فا اكيد اقول وبدون تردد وبهدووء هذا الي اني اشوفه واتعامل بيه

وأسفه على الاطاله

وسؤالي هو؟؟؟؟

لماذا يكون الغدر او الخيانه من أقرب صديق أو الأصدقاء ؟وكيف تعامل هذا الصديق؟

تحياتي

شرين