أحبك لكن .......

احبك ولكن



الخوف يمليني





أحبك لكن اني هواي شايل خوف

اذا تتركني اموت وانت تدريني

لذلك لمن ازعل ماتدير البال

ولا تصالحني واصلا ماتحاجيني

اضل وحدي ويه وحدي ارضه وارجع ليك

واضحك ويه وحدي واني اراضيني

يا أكبر ضعف يحصرني بس وياك

وانه المــــا كدر غيرك يلاويني

يــــــــا كل نبضه تنطق بسمك وتهواك

يالتمشي ويه دمي بنص شراييني

الك حته الجفن كل رمشه بيك يصيح

واذا ماصدكتني ... باوع بعيني

ماعطشان ابد للعشك لا والله

لكني اعطشت من جيت ترويني

أحن اللمستك والضحكتك اشتاك

واطير ويه النجم لمن تشاقيني

اوزن كل كلامي وخطوتي ويه الغير

و بس وياك تختل كل موازيني

أحتاجك دفو لو حته ويه الصيف

احتاجك حنان وحب تغطيني

ولو جوه الشمس والحر يموت الناس

انتضرك تجي بشمسك تدفيني

ياكل عطري انت وكل رياحيني

يــــا اطيب نبع بجفوفه يرويني

خليني اعله كًلبك واغفه انته ونام

وخليني اعله رفك قلم خليني

مادام اني يمك ارضه لو بالموت
_____________ ____
الله يا قمه الروعه جروحه المبدعه ..كلمات جميله تحلق معها نسمات الوفاء والاخلاص ..

واجاري قلملك بقصيده تم ارسالها لي من انسان غالي :


ماعوفك حبيبي وزحمة آنه أنساك

وإلك عمري وحياتي بلا ثمن أهدي
تبقى انت النبض اللي يدور بالشريان
مهما سنين عمري تفوت وتـــــعدي
صدگني من أشوفك انسى كل الصار
وذرة طائـــفية ما تـــظل عنــــــدي
اگوم اتلگه اخوي الشيعي بالبوسات
واگوم السني أحبه وأعشگ الكردي
صدگ من فرحتي الليل أشوفه نهار
وحتى اللون الاسود ينگلب وردي
ماعوفك حبيبي واقسم برب نوح
لو كل الشماته أتجمعــــــــوا ضدي
تدري شوكت أعوفك وانسى حبي وياك؟
وأگلك مــــــــــــــا أريدك توگف بسدي
من يوم المسيح ايحـــــــــــــارب الدجال
وتگـــــــــــــوم القيامة ويظهر المهدي

تقبلي مروري يا اميره المنتدى جروحه

وطن عمري