حوار بين دجلة والفرات

الفرات : هلو دجله شلونج

- دجله : هلو فرات اشلونك، اكيد مايك لا لون ولا طعم ولا رائحه هههههههه

- الفرات : ههههههههه مايج خفيف، شلونج ولج

- دجله : يمعود شحجيلك اليوم عشر جثث مجهوله الهويه تسعه مكًطوعة الراس وبس واحد بيه روح بس اجه حوت واكله

- الفرات : شنوالسوكًـ نازل بالعراق، اني بس خمس جثث لا راس ولا رجلين، ولج شنو بنهرج اكو حوت؟ امورج عدله، اني بس صبور وجرّي

- دجله : ههههههههههههه جرّي اسكت اسكت الجرّي حرام

- الفرات : ليش يمه حرام

- دجله : يمعود لا تدخلنه بالسياسه، خلينه روحنه طالعه، العفو امواجنه طالعه

- الفرات : عيني دجله، منو كًدّج؟ انتي الجواهري يتغزل بيج ويكول حييت سفحك عن بعد فحيني يادجله الخير يا أم البساتين

- دجله : وانت، منو اتغزل بيك يامكًرود

- الفرات : منين ياحسره، اني بس اجه المطرب الوسيم صلاح البحر يغني يمي عمي يا بلام .. تعبـّنه الوكت، ياعمي مجروحين، ياعمي خلينه، بقت بس بساتينا

- دجله : يمعود يا بساتين، تعال شوف حالي بس زبايل، هسه روح شوف باقي الانهر بالعالم، كلها اشجار وازهار، بس حظنه احنا ناكع .. ههههههه هو احنا ماي، شنو ناكًع

- الفرات : اي والله، حتى عشاكًـ القبل ماجاي يجون يم الجرف مالتي

- دجله : هـُمّ شنو يجون يمكم يسوّون

- الفرات : مضروبة الجلوه، اتسوين نفسج مطفيه ما تعرفين

- دجله : انزول، استحي ولك، والله اني من الضوجه يمكن راح اطلع من العراق، راح اروح الى الامزون

- الفرات : ولج احنا ماينه ما يسوه بدون العراق، والله يصير ماينه مال مجاري اذا نطلع من العراق .. دقيقه دقيقه هاي اربع جثث اجتي ولج هذا بيهم مسؤل جبير

- دجله : عزه، مسؤل جبير أو مات؟ ..... يمه سوده عليه، هذا مناضل خطيه

- الفرات : ولج هذا مو ميت، هذا سكران وكع بالفرات شارب ، ريحته تكتل

- دجله : عزه هذا مناضل يشرب

- الفرات : غير من حبه للوطن وكُلبه محروكًـ على الوطن وده يشرب

- دجله : وهاي شلون تاليها، اني راح اطلع من العراق، اروح الى نهر التايمز

- الفرات : اصبري يادجله اصبري، ولج غالي الوطن دجله غالي الوطن

- دجله: غالي والله غالي، تفرج يـُبه تفرج، وترجع البلامه الهايمه اطوف، ونيران الشواطي وسمج المسكًوف، محروس ياوطن محروس من كل حاقد وناقص وممرود ومن كل واحد يرسم بخبث وكراهيه من وره الحدود، محروس ياوطن يامكرود

- الفرات : اصبري يادجله اصبري

- دجله : بس الى وين اصبر يافرات، وصارت دموعي اطول من مجراي وما تميز الدمعات من زخ المطر وروجاتنه تدفعه الهوه ودمعاتنه اتكًطر بيدينه حتى السمج بينه صارت عينه وكحه غير الجثث ماياكل ولا يهوه

- الفرات : ولج وين تروحين، اخاف امنسقه وي النيل، شنو راح تزوجين مصري

- دجله : لا، امنسقه وي ساجيه بالسماوه، انت صدك بطران وصاير ماي مدري شلونك

- الفرات : شدعوه عيني، هسه الي يسمعج يكول مايج سفن اب

- دجله : انزول عليك

دجلـــــــــــــــــــــــــــــــــــــــــــــــــــــــــــــــــــــــــة

الفـــــــــــــــــــــــــــــــــــــــــــــــــرات

اويلي على العراق ودجلته وفراته وحرام الي جاي يصير هيجي بيك والله ياوطن غالي بس محد يعرف غلاتك الا من بعد فراكك كلام جدا معبر عن ماساه عراقنا تسلمين جروحه على هالمحادثه الجميله

اهاااااااااااااااا يا عزيزتي لقد اشعلتي نار الحب والفراق لشاطي العراق كم من ايام مشيت على ظفافها الجميلة....... حروحتي بيجيت واللة ونزلت دمعتي على خدي من شفت الصور الرائعة والخلابة لشواطئنا الخلابة تسلمين وعاشت ايدج واللة والنعم منج حياتي ....... بس واللة جروحتي نموت وماننسى لا بلادنا ولا ترابها ولا شواطئها فالعراق في القلب والعقل والروح ساكن

ربي يحمي كل شبر منا وكل ناسها الطيبن.....

ماادري جروحة كلما اقرالج مشاركة فعلا احس بيج طيبة اهل الجنوب وكلبهم الصافي والوفي واللي متغير برغم بعد المسافات الان فعاشت ايدج على هالحوار الجميل والمعبر عن الوضع الحالي ولكن خلي ندعي انو ترجع ايامنا ووقفاتنا على شواطئ دجلة والفرات خاصة و اني تربيت ببيت على شط دجلة مباشرة في الكرخ ببغداد يعني فتحت عيوني على هذا النهر وحب هذا النهر يسري بدمي
تسلمين مرة اخرى وتقبلي مروري

العزيز هيومن الطيب

تسعدني تعليقاتك على المواضيع اللي اكتبها واني وياك ادعي واكًول اميـــــــــــــــــــــن ياارب العالمين يرجع عراقنا ويرجع دجلة صافي والفراات عذب مثل مجان واحسن لان صدكًـ واعتقد باللة كل من شرب من دجلة والفرات ميحلالة ماء الا مائهم

اني هم معجونة بمي دجلة وروحي تفرفح عليه بس نكًول الله كريم وربك قادر ولا غيرة قادر يزيح الغمة عن هالامة

الف شكر عالمرور المميز يااذوق تحياتي الك king

ماكو احلى من هيج حوار نرجع ونشرب من مايكَ يا فرات ومايج يا دجله Sad

تقبلي مروري

تحياتي دمعة مسافر

دمعة مسافر كتب:: ماكو احلى من هيج حوار نرجع ونشرب من مايكَ يا فرات ومايج يا دجله

تقبلي مروري

تحياتي دمعة مسافر

اميـــــــــــــــــــــــــــــــــــــــــــــن الله يسمع منك يادمعة مساافر Sad

مشكور عالمرور الحلووو

مرحبا

جروح شنو هل ابداعات

عاشت ايدج محاوره جميله والاجمل صوره النهرين

تقبلي تحياتي