شسوه بيه حبك

موضوع: شسوه بيه حبك الإثنين يناير 12, 2009 10:42 pm

اهدااء

الى اعز الناس

شسوه بيه حبك؟؟

جبت گلب ويه گلبــي حتى احمــــله هموم

بسبب لـــــو تعب الاول يحَمــــــل التـــــالي

تعــــــب الاول لگيت الثاني هـــــــــم محتار

گتلــــــه شبيك ؟ گــــــال مبهذله احــــوالي

عذبت الگلـــــــــــوب بعشگك انت هــــــواي

اجيبن گــلب ثالــــث يعشـــــگ الغـــــالي !

اشتعل جدهن حبيبي گلوبي مـــن فرگــــاك

ارحم گلـــــب واحــــــد واشعـــــــل الثـــاني

يجي گلبي أعلى گلبي يگله شنهي شبيك

يرد گلبي اعلى گلبــــــي يگلــــه دلاّلـــــي

طلـــــــــع دلاّل گلبـــــي موجره بيه النــــار

هم هذا اشتعل أأأأه يا سكًــــــــم حـــــالي

عذبنـــــــــي الترف تيهني حتى الــــــــراي

وصفــــــــه حتى الهــــــدم ثوبه علي بالي

مللّت حتى الحزن من فرگتـــــك يهــــــواي

بقيت انتظــــر رحمــــة ربـــــــك العالـــــي

حـــــــرام ارحــــم حبيبي لا تعذب الحــــال

مـــــرار الشفته منـــــــــك غيره مــــاجالي

گلوب اثنين مـــــن هجره . اتهدم

نحيل و يبست عروگي . انته الدم

آنه أبنـــــي بعشگنه. وانته هـدم

تهدم ليش يالضعت مــــن اديـــه

تحياتي

جروحه

كلام روعة جروح ,, عجبتني جدا ,تعرفين جروح اني جدا احب شعر الشعبي العراقي احسه صدك طالع من الكلب ,, اكعد اتصور حالة الانسان الي ديعبر على مشاعرة كأنو قصه حقيقيه واعيشه كدام عيوني... هاي طبعا ما اسأل ابويه الف مره على كل كلمه حتى افهم معنى الكامل ..جا غير افهم حتى اتصور الفلم , و لا تضحكين

سرحت كلِماتُكِ عيناي
كلماتٌ في غاية الروعه
نُسجت بين هذه الصفحات
و تنزفُ منها آلام ٍ
مع بعضٍ من نغماتٍ
موسيقيه

رائعه يا اميره المنتدى ..دمتي لنا ودام ابداعك وتواصلك

تقبلي مروري مع خالص الود والاحترام

وطن عمري

Thel_Alyasameen كتب:

كلام روعة جروح ,, عجبتني جدا ,تعرفين جروح اني جدا احب شعر الشعبي العراقي احسه صدك طالع من الكلب ,, اكعد اتصور حالة الانسان الي ديعبر على مشاعرة كأنو قصه حقيقيه واعيشه كدام عيوني... هاي طبعا ما اسأل ابويه الف مره على كل كلمه حتى افهم معنى الكامل ..جا غير افهم حتى اتصور الفلم , و لا تضحكين

هههه ما اضحك بس ميته ضحك ميثوو

تسلمين عمري عالمرور لو عندج اي مشكله بفهم المفردات خابريني واني اكًولج شنهي ما شنهي ههههه

مشكوره عمري وفعلا الشعر الشعبي يعبر بصورة قريبه الى القلب

جروحه

وطن عمري كتب:

سرحت كلِماتُكِ عيناي
كلماتٌ في غاية الروعه
نُسجت بين هذه الصفحات
و تنزفُ منها آلام ٍ
مع بعضٍ من نغماتٍ
موسيقيه

رائعه يا اميره المنتدى ..دمتي لنا ودام ابداعك وتواصلك

تقبلي مروري مع خالص الود والاحترام

وطن عمري

مشكوور وطن عمري عالمرور الرائع وربي يقدرني واكون عد حسن ظن الغالين دوم يارب

تحياتي ياطيب

جروحه