تزعل ليش خايب؟؟

السلام عليكم

اهداااء ...

الى اعز الناس

لا حياة لي بدونكم ...

ولا طاقة لي بخصامكم

تزعل ليش خايب؟

اصبر الروح بيش وانته بيه الروح
واذا تطلع اظلن بس جسد خالي
لكًيتك من جنت مالاكًي كل الناس
انته اول محب ونته الصرت تالي
يالكلك محبه وانته احن مخلوق
معقوله الحمامه اتصير كتالي
صح ماكو بجمالك انه ادري بهاي
وروجة رقتك ماكظهه كل جالي
حرام اعليك تزعل وانته تزعل ليش؟
اجيك انه اعتذر وبلا ذنب خالي
غالي وكلشي عندي ومااهدك دوم
وغالي وهسه احبك جي صرت غالي
احسك تختلف عن كل بقية الناس
بعيوني اشوفك عالنجم عالي
واشوفن دمعتك ماجنهه تنزل ماي
ذهب تنزل دمعتك تجدح اتلالي
الك بستان عمري بكل ثمن مزروع
راضي بكلشي منك كلشي يحلالي
اجيك ومن ارد فارغ ارد للغير
وعنب بس اعله مودك تارس اسلالي
يمك انسه روحي ومن اكون وياك
وعلى فنجان شفتك تركًع ادلالي

وزعلك
الواشي بلا بخت مرني وزعلك
واموت ولا اجرحنك وزعلك
حلو كلك على بعضك وزعلك
بحلاتك فدوه بس ارضى عليه

تعال الخاطر الله وخل اشبكًك حيل
وشوف اشراح تاخذ منك الشبكًه
تعال ابماي طيبك بيه طفي النار
تعال اعليه لحكًـ حركًتك حركًه
شكًل لكًلبي باجر حصته راحت وين
ومن كًدام عينه وينوخذ حكًه
ترس اذني سمعتك صفكًت للغير
مو من غير چفك طلعت الصفكًه!!
كًلبي اعليك جان وبعده يبجي اعليك
ولا توصل حبيبي لذره من عشكًه
ماحبيت غيرك لاهويت ابيوم
ولا فديوم راسي الغيرك امدنكًه
بعدني اهتز واطيحن من يمر طرواك
واحسك من تمر نسمة هوه وشهكًه
نخل حبي طويل وعثكًه ماينلاح
وبس بحظن كًلبك امنت عثكًه

من تمركم
الحلاوه البيك يسمر من تمركم
وروحي اتذوب يمكم من تمركم
ادوخ امن ارد احسبك من تمر كم؟؟
واحد بس اشوفك تسعميه

تحياتي

جروحه

الله يا جروح على هاي الكلمات المدمره .. الكلمات المؤلمه ... اهنيك يا عزيزتي على قدرتك وقدرة قلمك الرائع بكتابة هذه الابيات الرائعه .. التي تجعلني اقف امامها صامته .. صافنه ... افكر وافكر وكانك تقرين وتكشفين مافي قلبي

كم هي ابيات رائعه .. بل هي ابيات اروع واروع ..

صدقيني اعجز عن وصف هذه الابيات ولا اعرف كيف اعبر عنها... يا لها من ابيات فاقت برايي كل ابيات القصائد

ولك مني هذه الابيات

عذرا لكم .. فما ضاعت مودتكم
وما ارتضينا بغير الشوق عنوانا
ياما نقشتم على قلبي مودتكم
وكنتم في قرار العين سكانا
نحبكم والقلب يهفوا لرؤيتكم
مهما ابتعدنا
لكم في القلب اوطانا

واكتب لك ايضا واقول

طعم الحياة بغيبتك صعب ينطاك
والنوم بعدك ما تشوفه عيوني
اشتاك في بعدك وفي قربك اشتاك
حبك جنوني وانت كلك جنوني
يا معرض روحي على جمر الاشواك
لو رحت عني ...؟؟؟
كيف حالة عيوني

هذه الابيات طبعا ليست مني وانما من اشيائي الجميله التي احتفظ بها للذكرى

تقبلي مني كل الموده والمحبه جروحي الغاليه

الله الله يا روعه ياتميز يا ابدااع

مرور رائع اعتز به واتوق اليه دوماا

وذكرتني كلماتكِ الجميلة بهذه الابيات البسيطة

كًلب ثاني جبت حتى اكًدر انساك

صارت كارثه وحبك الثاني

عليك تعاركت هذا اًكتل وذاك

وزعل كًلبي اعله كًلبي وموتاني

تحياتي وتسلمين عالمرور

جروحه

احسنتي جروحه
انشالله ماكو زعل بين الحبايب الله يبعد الشيطان عن كل اصدقاء و حبايب عايشين على حب الله
تقبلي مروري

تسلمين حووريتي عالمرور الحلوو وان شاء الله ماكو كل زعل ياارب بين الحبايب لان الحباايب من يزعلون زعلهم يموووووت

تحياتي عمري انتِ

جروحه

الله يا رائعه جروحه المبدعه

كلمات جميله ..احساس مرهف ..مشاعر تستحق كل الاحترام

سلمت الانامل يا اميره المنتدى

وتقبلي هذه الابيات من الشعر

احــــــــــــــــــــــــــذرك
أحذرك لاتحبني اتكلي يهواي.......وبعد شتفيد وياي التحاذير
اذا انته ابدليلي وعايش وياي........مثل باب وتثبتهه البسامير
اعوفك ليش اعوفك ونته معناي......ومن دونك اظل أبغير تفسير
ومثل عازف الناي الكاسر الناي......ومثل صبوره اظل بلا طباشير

انه بلياك شجره امفاركه الماي.......وطير بلا جنح مايكدر ايطير
ونه بليك اظل تعذرني من هاي ........مثل خشبه وتكطعهه المناشير
يانجمة فجر مبتسمه بسماي.........اذامني شفت فد يوم تقصير
بس كلي عليه أتخاصم وياي........وبيعن عمري كله بلايه تسعير
لان فضلك علي يامهجتي اهواي..........مثل فضل النهر وي النواعير

اطلب كل شي مني انطيك عيناي..........ونطيك اني كلي بدون تقصير
وظل اني احبك ونته بلواي............بس مال اني اعوفك هايه متصير

دمتي لنا يا مبدعه جروحه ..ربي يحفطك وسلمك

تقبلي مني ودي واعتزازي

وطن عمري

ااالله الله ياوطن عمري تسلم عالمرور الروعه يااروعه

ذكرتني بهذه الابيات:

جمالك معجزة وخدين مو خــدين
كلـش ضاويات ونورهن يســــطع
وهيه المعجزة بخدودك الحــلوات
لأن أول كَمر ويه الشمس يطلع

تحياتي لك

جروحه